ق ر مادەنيەت جانە سپورت مينيسترلىگىنە قاراستى «ەجەلگى تاراز ەسكەرتكىشتەرى» تاريحي-مادەني قورىق-مۋزەيىنىڭ ۇيىمداستىرۋمەن قازاقستان رەسپۋبليكاسى پرەزيدەنتىنىڭ ق.توقايەۆتىڭ قازاقستان حالقىنا العاشقى جولداۋىن تالقىلاۋعا ارنالعان «الەۋمەتتىك قامسىزداندىرۋدىڭ ءتيىمدى جۇيەسى» اتتى «دوڭگەلەك ۇستەل» وتىرىسى ءوتتى.

ءىس-شاراعا ەڭبەك، الەۋمەتتىك قورعاۋ جانە كوشى-قون كوميتەتى جامبىل وبلىسى بويىنشا دەپارتامەنتىنىڭ «الەۋمەتتىك زەينەتاقى» ءبولىمىنىڭ مەڭگەرۋشىسى –رايحان نازاروۆا، «Nur Otan» پارتياسىنىڭ جامبىل وبلىستىق فيليالى «ساياسي جۇمىس» ءبولىمىنىڭ مەڭگەرۋشىسى اينۇر كەلىمبەتوۆا كەلىپ، جولداۋدا جازىلعان كوپتەگەن ماسەلەلەر بويىنشا ءتۇسىندىرۋ جۇمىستارىن جۇرگىزدى.

– مەملەكەت باسىشىسى قاسىم-جومارت توقايەۆ ءوزىنىڭ بيىلعى قازاقستان حالقىنا جولداۋىندا «ءبىز مادەنيەت سالاسىندا جۇمىس ىستەيتىن ازاماتتارعا جەتكىلىكتى تۇردە كوڭىل بولمەي وتىرمىز. بۇل – ەڭ الدىمەن، كىتاپحانا، مۋزەي، تەاتر قىزمەتكەرلەرىنە قاتىستى ماسەلە. ولاردىڭ ەڭبەكاقىسى سوڭعى جىلدارى مۇلدە كوبەيگەن جوق. سونىڭ سالدارىنان مادەنيەت قىزمەتكەرلەرى، اسىرەسە جاس ماماندار جەڭىلدىگى بار تۇرعىن ءۇي باعدارلامالارىنا قاتىسا المايدى.

مۇنداي احۋال وسى كاسىپتىڭ بەدەلىن ءتۇسىرىپ، لايىقتى كادرلاردىڭ تاپشىلىعى ايقىن سەزىلۋدە. كەلەسى جىلدان باستاپ ۇكىمەت مادەنيەت قىزمەتكەرلەرىنىڭ ەڭبەكاقىسىن كوبەيتۋى ءتيىس.

سونداي-اق، ءبىلىم بەرۋ جانە دەنساۋلىق ساقتاۋ سالالارىنداعى مىندەتتى الەۋمەتتىك جەڭىلدىكتەر مادەنيەت سالاسىنىڭ وكىلدەرىنە دە بەرىلۋى كەرەك» – دەپ ناقتى تاپسىرمالار بەردى. بۇل دا بولسا مادەنيەت سالاسىنا سەرپىن بەرەدى دەگەن ويدامىز، – دەدى ا. كەلىمبەتوۆا ءوز سوزىندە.

سونان سوڭ «ەجەلگى تاراز ەسكەرتكىشتەرى» تاريحي-مادەني قورىق-مۋزەيىنىڭ زاڭگەرى ەرجان سلانوۆ، مەكەمەنىڭ جاس عىلىمي قىزمەتكەرلەرى جامال اقپان مەن ۇلجالعاس شايزحان جولداۋداعى ەڭ ماڭىزدى جاڭالىق – مەملەكەت باسشىسىنىڭ مادەني سالا قىزمەتكەرلەرىنە كەلەسى جىلدان باستاپ ۇكىمەتكە مادەنيەت قىزمەتكەرلەرىنىڭ ەڭبەكاقىسىن كوبەيتۋدى تاپسىرعانى جانە جولداۋدا ايتىلعان باعىتتاردىڭ مەملەكەتتىڭ دامۋىنا، حالىقتىڭ ءال-اۋقاتى مەن تۇرمىس جاعدايىنىڭ كوتەرىلۋىنە، سونىمەن قاتار مەملەكەتىمىزدى جاڭا دەڭگەيگە شىعارۋعا ۇتىمدى رەفورمالار جازىلعانىن ايتىپ، ءوز ويلارىمەن ءبولىستى.

جيىن سوڭىندا كەلگەن قوناقتارعا مەكەمەمىزدىڭ باسپا ءسوز ونىمدەرى سىيعا بەرىلىپ، ارنايى جىلجىمالى كورمەمەن تانىستىرىلدى.