اۋدان اكىمدىگىنىڭ ءماجىلىس زالىندا مەملەكەت باسشىسى قاسىم-جومارت توقايەۆتىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىنىڭ نەگىزگى قاعيدالارىن تۇسىندىرۋگە ارنالعان اكتيۆ جينالىسى ءوتتى.

جيىندى اۋدان اكىمى نارباي ەرگەبەكوۆ اشىپ، جولداۋدىڭ ەلىمىزدىڭ دامۋىنداعى ماڭىزى مەن باسىم باعىتتارىنا توقتالا كەلە، ءسوزدى وبلىستىق اقپاراتتىق توپ مۇشەسى، وبلىستىق كاسىپوداقتار كەڭەسىنىڭ ءتوراعاسى مەيرامبەك تولەپبەرگەنگە بەردى.

مەيرامبەك مىلتىقباي ۇلى ءوز كەزەگىندە مەملەكەت باسشىسى قاسىم-جومارت توقايەۆتىڭ قازاقستان حالقىنا جولداۋى قازاقستاندىق قوعام دامۋىنىڭ بۇگىنگى جاي-كۇيىن ءدال بەينەلەيتىن قۇجات بولىپ وتىرعانىن، وندا بارلىق سالالاردىڭ قامتىلعانىن، اسىرەسە ءبىلىم بەرۋ، الەۋمەتتىك سالالاردىڭ پروبلەمالارى ورىندى كوتەرىلگەنىن ايتتى. مىسالى - جوعارى وقۋ ورىندارىندا جالعان ديپلوم ساتۋ ماسەلەسىنىڭ ءورشىپ تۇرعانىن، تەمىر جول بيلەتتەرىنە قولدان جاسالىپ وتىرعان تاپشىلىق، ۇشاق بيلەتتەرىنىڭ نەگىزسىز قىمباتاۋ ماسەلەلەرىنىڭ قوزعالۋى.

– «تەرەڭ ءبىلىم بەرۋدىڭ ورنىنا ديپلوم ساتۋمەن اينالىسقان ۋنيۆەرسيتەتتەرىمىز بار ەكەنى دە جاسىرىن ەمەس. ءبىرىنشى كەزەكتە سولارعا تىيىم سالۋ ارقىلى ءبىز وقۋ ورىندارىنداعى ءبىلىم بەرۋ ساپاسىن ارتتىرۋعا كۇش سالامىز.

ءبىلىم سالاسىنا قاتىستى تاعى ءبىر ماسەلە – قارجىلاندىرۋدىڭ بىركەلكى بولماۋى جانە وڭىرلىك باسقارۋدىڭ قازىرگى جۇيەسىنىڭ تيىمسىزدىگى. ءبىلىم بولىمدەرىن باسقارۋ جانە بيۋدجەت قارجىسىن اكىمشىلەندىرۋ فۋنكسيالارىن اۋداندىق دەڭگەيدەن وبلىستىق دەڭگەيگە بەرۋ كەرەك. ءبىلىم بەرۋدىڭ بارلىق دەڭگەيىندە دەربەس قارجىلاندىرۋ ءتارتىبىن ەنگىزۋ قاجەت» – دەدى پرەزيدەنت ءوز جولداۋىندا. بۇل اتالعان سالاداعى ماسەلەنىڭ ايقىن كورىنىسى. جولداۋدان تۋىنداعان مىندەتتەر اسىندا الداعى ۋاقىتتا بۇل تۇتكىل دە ءوز تارقاۋىن تابادى دەپ ۇمىتتەنەمىز، – دەدى م. تولەپبەرگەن.

جارىسسوزگە شىققان «زىليحا» شارۋا قوجالىعىنىڭ ءتوراعاسى كەرىمقۇل بەگالييەۆ، № 1 مەكتەپ-گيمنازيانىڭ ديرەكتورى ەلميرا ابىشيەۆا، «ءبىلىمدى ۇرپاق» ءبىلىم بەرۋ ورتالىعىنىڭ ديرەكتورى نۇريلا مالىبەكوۆا جولداۋدا كاسىپكەرلىك، اۋىل شارۋاشىلىعى، ءبىلىم بەرۋ سالالارىندا العا قويىلعان مىندەتتەرىنىڭ ومىرشەڭ ەكەنىن، جىلدىڭ باستى قۇجاتىن بارشا جۋالىلىقتاردىڭ قولدايتىنىن ەتكىزدى. وندا العا قويىلعان مىندەتتەردى ىسكە اسىرۋ ءۇشىن جۇمىلا جۇمىس ىستەۋگە شاقىردى.