«Nur Otan» پارتياسى تالاس اۋداندىق فيليالىنىڭ «مادەنيەت» باستاۋىش پارتيا ۇيىمىندا جامبىل وبلىستىق فيليالى قوعامدىق قابىلداۋ ءبولىمىنىڭ مەڭگەرۋشىسى ءۇمىت يبرايموۆا «حالىققا كومەك» پارتيالىق جوباسى اياسىندا ءتيىستى مەكەمە باسشىلارى جانە پارتيا بەلسەندىلەرىمەن بىرلەسە كوشپەلى قوعامدىق قابىلداۋ وتكىزدى.
پارتيالىق جوبا اياسىندا وتكەن قابىلداۋعا العاش س.شاكىروۆ اۋىلىنىڭ تۇرعىنى سارسەنكۋل امانبايەۆا بالاسى ەراسىل مانيبايەۆتىڭ اتىنان جۇمىسقا ورنالاسۋ ماسەلەسىمەن ءوتىنىشىن ءبىلدىردى. ءوتىنىش يەسىنە جۇمىسپەن قامتۋ جانە الەۋمەتتىك باعدارلامالار ءبولىمىنىڭ باسشىسى ەسەنگەلدي مالكايداروۆ جۇمىسقا ورنالاسۋ جولدارى اياسىندا ناقتى تۇسىندىرمە جۇمىسىن جۇرگىزدى.
ال گاۋحار بايسەركەيەۆا وتباسى جاعدايىنىڭ تومەندىگىنە بايلانىستى، قىسقى ماۋسىمعا كومىر الۋعا جاعدايى كەلمەيتىندىگىن ايتىپ، كومەك كورسەتۋلەرىن ءوتىندى. ناتيجەسىندە قاراتاۋ قالاسى اكىمىنىڭ ورىنباسارى ماقسات رىسبايەۆ ءوتىنىش يەسىن تىزىمگە الىپ، كومەكتىڭ مىندەتتى تۇردە كورسەتىلەتىندىگىن جەتكىزدى.
سونداي-اق جۇمىسپەن قامتۋ ورتالىعىنىڭ ديرەكتورى ابديبەكوۆا ايتولقىن سەرىك قىزى ءوتىنىش يەسىن كەلەسى جىلدان قايتا باستاپ وقىتىلاتىن قىسقا مەرزىمدى كۋرستاردى وقۋعا شاقىرىپ، تىزىمگە ەنگىزىپ قويدى.
سول سەكىلدى قاراوي اۋىلىنىڭ تۇرعىنى بيگايشا جۋماتايەۆا وتباسىلىق جاعدايىنىڭ تومەندىگىنە بايلانىستى بارلىق بالالارىن تولىق كيىم-كەشەكپەن قامتي الماعاندىعىن ايتىپ، كومەك كورسەتۋلەرىن سۇراندى. كوپبالالى انانىڭ وتىنىشىنە پارتيا اۋداندىق ءماسليحاتتاعى دەپۋتاتتىق فراكسياسىنىڭ مۇشەسى، «شولاقتاۋ» تاۋ-كەن وڭدەۋ كەشەنىنىڭ باسشىسى قۇدياربەك وماروۆ كومەگىن كورسەتتى.
كەلەسى ءوتىنىش يەسى تاڭشولپان داۋلەتالى جۇمىس ماسەلەسىمەن سۇرانىس جاسادى. ءوتىنىش يەسىنە جۇمىسپەن قامتۋ ورتالىعى تاراپىنان بوس ۆاكانتتىق جۇمىس ورىندارى ۇسىنىلىپ، تاڭشولپان نۇرلان قىزى اۋداندىق پوچتا بايلانىس بولىمىنە جۇمىسقا ورنالاستى.
جالپى، "حالىققا كومەك" پارتيالىق جوباسى ەلباسىنىڭ تىكەلەي باستاماسىمەن قولعا الىنعان بولاتىن. اتاپ ايتقاندا، ن. نازاربايەۆ « Nur Otan» پارتياسىنىڭ كەزەكتى XVIII سەزىندە حالىقتىڭ باسىنداعى جانە قوعامداعى وزەكتى ماسەلەلەرگە قاتىستى جەدەل ارەكەت ەتۋ كەرەكتىگىن ايتىپ، "حالىققا كومەك" جوباسىن جۇزەگە اسىرۋدى تاپسىرعان ەدى. جاڭا باستامانى پارتيا مەملەكەتتىك ورگاندارمەن، ۇكىمەتتىك ەمەس ۇيىمدارمەن جانە بيزنەس قاۋىمداستىقپەن بىرلەسىپ ىسكە اسىرۋدا. جوبا نەگىزىندە پارتيانىڭ ەلىمىزدەگى
بارلىق قوعامدىق قابىلداۋ بولمەلەرىنىڭ جۇمىسى جاڭعىرىپ، ولار ءبىرىڭعاي الەۋمەتتىك تەرەزە جۇيەسىندە قىزمەت كورسەتە باستادى.
پىكىر قالدىرۋ