جامبىل وبلىسى سارىسۋ اۋدانى جاڭاتاس قالاسىنىڭ ورتالىق ستاديونىندا پرەزيدەنتتىڭ جولداۋىندا ايتىلعان سپورت سالاسىن قولداۋ، جامبىل وبلىسىنىڭ 80 جانە جاڭاتاس قالاسىنىڭ 50 جىلدىق مەرەكەسىنە وراي، "جاستار جىلى" اياسىندا فۋتبولدان اۋداندىق جارىس ءوتتى.
اۋدان اكىمى قاناتبەك مادىبەك باستاپ سالاۋاتتى ءومىر سالتىن ۇستانۋدى قوشتاعان سپورت جانە دەنە شىنىقتىرۋ ءبولىمىنىڭ باسشىسى سايات بەگالييەۆتىڭ ۇيىمداستىرۋىمەن اۋداندا كۇندەلىكتى سپورتتىق شارالار جالعاسىن تابۋدا.
جارىس سالتاناتتى تۇردە اشىلعان سوڭ مەكەمە-كاسىپورىن جالپى 12 كوماندا اراسىندا ءوتىپ جاتقان، فۋتبولدىڭ اۋداندىق تۋرنيرىندە سپورت جانە دەنەشىنىقتىرۋ ءبولىمىنىڭ باسشىسى سايات بەگالييەۆ ءسوز الدى. ءوز سوزىندە ءبولىم باسشىسى:
– قۇرمەتتى جارىسقا قاتىسۋشى كوماندالار!
قۇرمەتتى سپورت سۇيەر قاۋىم!
بيىل، اۋدان ورتالىعى – جاڭاتاس قالاسىنىڭ قۇرىلعانىنا 50 جىل تولعان مەرەيلى جىل.
«ەلۋ جىلدا ەل جاڭا» دەمەكشى، قالامىز كوز الدارىڭىزدا جاڭارىپ، تۇرلەنىپ كەلەدى. جاڭا ستريتۆاركاۋت، ۆولەيبول، باسكەتبول سياقتى سپورت الاڭشالار اشىلىپ، ساياباقتار جوندەلىپ، ءتۇرلى سكۆەرلەر مەن ويىن الاڭدارى بوي كوتەرۋدە.
مەرەكە قۇرمەتىنە وراي، جىل باسىنان ءتۇرلى مادەني-كوپشىلىك ءىس-شارالار، بايقاۋلار مەن سپورتتىق دودالار وتكىزىلىپ كەلەدى.
تەك دەنى ساۋ ۇلت قانا باسەكەگە قابىلەتتى بولا الاتىنىن ەسكەرىپ، بۇگىن قالامىزدىڭ جارتى عاسىرلىق مەرەيلى مەرەكەسىنە ارناپ فۋتبولدان اۋداندىق تۋرنير وتكىزىلۋدە.
بارشاڭىزعا، وسىناۋ بايراقتى باسەكەگە قوش كەلدىڭىزدەر دەمەكپىن!
مەملەكەت باسشىسى قاسىم-جومارت كەمەل ۇلى توقايەۆتىڭ قازاقستان حالقىنا ارنالعان جولداۋىندا: «بارلىق جاستاعى ەل ازاماتتارى اراسىندا بۇقارالىق سپورتتى دامىتۋ ماڭىزدى» – دەگەن بولاتىن. الداعى ۋاقىتتا بۇل باعىتتا جۇمىستار جالعاسىن تابادى.
سپورت - ەلدىڭ مەرەيىن اسىرىپ، ابىرويىن تاسىتاتىن سالا. سوندىقتان دا، بۇل ويىندا تەك فۋتبول ويناپ قانا قويماي، دەنە تاربيەسىمەن شۇعىلدانۋ ارقىلى سالاۋاتتى ءومىر سالتىن، بۇقارالىق سپورتتى ناسيحاتتاۋعا ۇلەس قوساتىن بولامىز، – دەگەن س. بەگالييەۆ قاتىسۋشىلارعا ساتتىلىك تىلەدى.
تۋرنير اياسىندا كوماندارلار تەڭبىل دوپ تەبۋدەن شەبەرلىكتەرىن بارىنشا كورسەتىپ، جۇلدەلى ورىنداردى ءوزارا ساراپقا سالدى. جارىس سوڭىندا جەڭىمپازدار مەن قاتىسۋشى كوماندالار ديپلومدپرمەن جانە ارنايى سىيلىقتارمەن ماراپاتتالدى.
پىكىر قالدىرۋ