جامبىل وبلىسى توتەنشە جاعدايلار دەپارتامەنتىنىڭ وقۋ سىنىبىندا جامبىل وبلىسى تجد كادر ساياساتى ءبولىمى باستىعىنىڭ ۋاقىتشا مىندەتىن اتقارۋشى ازاماتتىق قورعاۋ مايورى الماس جۇماتاەتىڭ باسشىلىعىمەن «ازاماتتىق قورعاۋ ورگاندارىنىڭ قىزمەتكەرلەرى جانە مەملەكەتتىك اكىمشىلىك قىزمەتشىلەرىنىڭ اراسىندا ادەپ كودەكسى جانە سىبايلاس جەمقورلىققا قارسى نورمالارىن ساقتاۋ» جانە «جول كولىك ەرەجەلەرىن بۇزۋىنا جول بەرمەۋ» تاقىرىپتارى بويىنشا سەمينار-ساباق وتكىزىلدى.
كادر ساياساتى ءبولىمى باستىعىنىڭ ۋاقىتشا مىندەتىن اتقارۋشى ازاماتتىق قورعاۋ مايورى الماس باۋىرجان ۇلى دەپارتامەنتتىڭ جەكە قۇرام نازارىنا قازاقستان رەسپۋبليكاسى مەملەكەتتىك قىزمەتشىلەرىنىڭ ادەپ كودەكسى تالاپتارىن، مەملەكەتتىك قىزمەتشىلەرىنىڭ ادەپتىلىك نورمالارىن جانە مىنەز-قۇلىق قاعيدالارى جونىندە ايتىپ ءوتتى.
سونداي-اق جامبىل وبلىسىندا ادەپ كودەكسىن بۇزعان مەملەكەتتىك اكىمشىلىك قىزمەتشىلەر جونىندە جانە قانداي جاۋاپكەرشىلىكتەرگە تارتىلعاندارىن ايتتى. ءوز سوزىندە ا. جۇماتايەۆ مەلەكەتتىك قىزمەتشىلەردىڭ ادەپ كودەكسى مەملەكەتتىك قىزمەت اتقارۋ قوعام مەن مەملەكەت تاراپىنان ەرەكشە سەنىم ءبىلدىرۋ بولىپ تابىلادى جانە مەملەكەتتىك قىزمەتشىلەردىڭ مورالدىق-ادەپتىلىك بەينەسىنە جوعارى تالاپتار قوياتىنىن ايتتى. سونىمەن قاتار، قوعام مەملەكەتتىك قىزمەتشى ءوزىنىڭ بارلىق كۇش-جىگەرىن، ءبىلىمى مەن تاجىريبەسىن ءوزى جۇزەگە اسىراتىن كاسىبي قىزمەتىنە جۇمسايدى، ءوزىنىڭ وتانى – قازاقستان رەسپۋبليكاسىنا قالتقىسىز ءارى ادال قىزمەت ەتەدى دەپ سەنەتىنىن ەسكەرتىپ، مەملەكەتتىك قىزمەتشىلەر ءوز قىزمەتىندە قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازاربايەۆتىڭ ساياساتىن جاقتاۋعا جانە ونى دايەكتى تۇردە جۇزەگە اسىرۋعا تيىستىگىنە توقتالدى.
سونىمەن قاتار دەپارتامەنتتىڭ جەكە قۇرامىنا سىبايلاس جەمقورلىققا قارسى زاڭناماسىنىڭ تالاپتارى جەتكىزىلىپ، تەرەڭدەتىلگەن تۇسىنىك بەرىلدى.
كادر ساياساتى ءبولىمىنىڭ باس مامانى ازاماتتىق قورعاۋ كاپيتانى نۇرداۋلەت اسىلحان جول قوزعالىس ەرەجەلەرىن ساقتاۋدىڭ جانە جول قوزعالىسى سالاسىنداعى زاڭنامانىڭ تالاپتارىن بۇزباۋعا، قويىلعان جىلدامدىقتى ساقتاۋعا، كولىك جۇرگىزگەن كەزدە ۇيالى تەلەفوندى قولدانۋعا تىيىم سالىنعانى تۋرالى قاتاڭ تۇردە تاعىدا ەسكە سالدى. قىزمەتكەرلەر الكوگولدىك جانە ناشاقورلىق ماس كۇيلەرىندە، جول ءجۇرۋ ەرەجەلەرىن ءجيى بۇزىپ كوزگە تۇسكەن كەزدە قۇقىق قورعاۋ ورگاندارىنىڭ قىزمەتكەرلەرىن جۇمىستان بوساتۋ جونىندە سۇراق قاراستىرىلاتىنى جانە بارلىق دەڭگەيدەگى باسشىلار وسى فاكتىلەر بويىنشا تارتىپتىك جاۋاپكەرشىلىككە تارتىلاتىندارى تۋرالى ەسكەرتىپ ءوتتى.
سونداي-اق جەكە قۇرامعا جول كولىك ەرەجەلەرى جونىندە ءار ءتۇرلى الەۋمەتتىك بەينەروليكتەر كورسەتىلدى جانە جەمقورلىق قىلمىسىن جاساعان تۇلعالاردى ۇستاۋ بويىنشا قۇقىق قورعاۋ ورگاندارى قىزمەتىنىڭ شىنايى وقيعالارى بەينەلەنگەن تاقىرىپتىق بەينەروليكتى نازارعا ۇسىنىلدى.
پىكىر قالدىرۋ