جامبىل وبلىسىنىڭ پوليسيا دەپارتامەنتى تەرروريستىك تۇرعىدان وسال نىساندارعا قاتىستى ۇنەمى تەكسەرۋ جۇمىستارىن جۇزەگە اسىرۋدا. سونىمەن قاتار، ەكسترەميزمگە قارسى ءىس-قيمىل بولىنىستەرىنىڭ قىزمەتكەرلەرى تۇراقتى نەگىزدە وسى نىسانداردىڭ قىزمەتكەرلەرىن تۇرعىن-جايلاردى قاراۋ تەحنيكاسىنا وقىتىپ، جارىلىس قۇرىلعىلارىن قالدىرىپ كەتۋ مۇمكىن بولاتىن ورىنداردى انىقتاۋ بويىنشا الدىن الۋ ءىس-شارالارىن ۇيىمداستىرۋدا.

قازاقستان رەسپۋبليكاسىنىڭ 1999 جىلعى 13 شىلدەدەگى «تەرروريزمگە قارسى ءىس-قيمىل تۋرالى» № 416ء-ى زاڭىنىڭ تالاپتارىن ساقتاۋ ماقساتىندا تەرروريستىك تۇرعىدان وسال نىسانداردىڭ باسشىلارى بيزنەس وكىلدەرىن شاقىرا وتىرىپ بريفينگتەر وتكىزۋدە. بۇل شارالار تەرروريستىك تۇرعىدان وسال وبەكتىلەردى تەرروريزمگە قارسى قورعاۋدى قامتاماسىز ەتۋ ءۇشىن ارنايى جانە قۇقىق قورعاۋ ورگاندارىنىڭ جۇمىسىنا قوعامنىڭ جانە بيزنەس-قاۋىمداستىقتىڭ وڭ كوزقاراستارىن، سونداي-اق وبەكت باسشىلارىنىڭ (ورتا جانە ءىرى بيزنەس) ءار ءتۇرلى مەنشىك فورمالارىنداعى وبەكتىلەردىڭ قاۋىپسىزدىگىن جاقسارتۋعا باعىتتالعان ءتيىستى شارالار قابىلداۋ قاجەتتىلىگى تۋرالى كوزقاراستارىن قالىپتاستىرۋعا باعىتتالعان.

اعىمداعى جىلدىڭ باسىنان بەرى قازاقستان رەسپۋبليكاسىنىڭ «اكىمشىلى قۇقىق بۇزۋشىلىق تۋرالى» كودەكسىنىڭ 149-بابى بويىنشا، ياعني تەرروريستىك تۇرعىدان وسال وبەكتىنىڭ تەرروريزمگە قارسى قورعالۋىن قامتاماسىز ەتۋ جانە قاۋىپسىزدىگىنىڭ ءتيىستى دەڭگەيىن ساقتاۋ جونىندەگى مىندەتتەردى ورىنداماۋ جانە (نەمەسە) تيىسىنشە ورىنداماۋ بويىنشا اكىمشىلىك جاۋاپكەرشىلىككە 20 نىسان باسشىسى تارتىلىپ، ولارعا قاتىستى 1،5 ميلليون تەڭگەدەن استام ايىپپۇل سالىندى.

ايتا كەتەيىك، قازاقستان رەسپۋبليكاسىنىڭ «تەرروريزمگە قارسى ءىس-قيمىل تۋرالى» 1999 جىلعى 13 شىلدەدەگى №416-I زاڭىنا سايكەس تەرروريستىك تۇرعىدان وسال وبەكتىلەر – اسا ماڭىزدى مەملەكەتتىك، ستراتەگيالىق وبەكتىلەر جانە ستراتەگيالىق ماڭىزى بار ەكونوميكا سالالارىنىڭ وبەكتىلەرى، ءقاۋىپتى وندىرىستىك وبەكتىلەر، ادامدار كوپ جينالاتىن وبەكتىلەر جانە ولاردىڭ تىزبەسىن جانە ولارعا قويىلاتىن ءتيىستى تالاپتاردى قازاقستان رەسپۋبليكاسىنىڭ ۇكىمەتى ايقىندايدى.

اتالعان زاڭعا سايكەس، ادامدار كوپ جينالاتىن وبەكتىلەر – ساۋدا الاڭى 500 جانە ودان دا كوپ شارشى مەتر بولاتىن ساۋدا وبەكتىلەرى، 100 جانە ودان دا كوپ وتىراتىن ورنى بار قوعامدىق تاماقتانۋ وبەكتىلەرى؛ كوپ ادامداردىڭ كەلۋىنە ارنالعان نەمەسە دايىندالعان، ءبىر مەزگىلدە 200 جانە ودان دا كوپ ادامنىڭ بولۋ مۇمكىندىگى بار، وزدەرىنە جاپسارلاس اشىق اۋماقتى قوسا العاندا، كونسەرت زالدارى، سپورت، ويىن-ساۋىق، كولىك جانە وزگە دە كوپشىلىك عيماراتتارى، ءبىلىم بەرۋ جانە دەنساۋلىق ساقتاۋ ۇيىمدارى، تۋريستەردى ورنالاستىرۋ ورىندارى بولىپ تابىلادى.