«بيزنەستىڭ جول كارتاسى-2020» باعدارلاماسى اياسىندا جامبىل وبلىسىنىڭ 1 200 كاسىپكەرى نەسيە الدى. جالپى، ايماققا تيەسىلى بيۋدجەت 1،6 ملرد تەڭگەگە تەڭ.

پرەزيدەنت ءوزىنىڭ جولداۋىندا جاڭا باعدارلاماعا كەلەسى ءۇش جىل ىشىندە قوسىمشا 250 ملرد تەڭگە بولىنەتىنىن اتادى. پرەزيدەنتتىڭ تاپسىرماسى بويىنشا، بيزنەستى قولداۋ ءۇشىن ۇلتتىق قوردان 100 ملرد تەڭگە بولىنەدى، بۇل قاراجات باسەكەگە قابىلەتتى جانە يننوۆاسيالىق جاڭا كاسىپورىندار قۇرۋعا، جاپپاي كاسىپكەرلىكتى قولداۋعا باعىتتالماق.

«ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ» باعدارلاماسى اياسىندا «اتامەكەن» ۇكپ «باستاۋ» جانە «جاس كاسىپكەر» كاسىپكەرلىك نەگىزدەرىنە وقىتۋ باعدارلامالارىن اۋىلدى جەرلەردە جۇرگىزەدى. جوبا شەڭبەرىندە، وبلىستىق كاسىپكەرلەر پالاتاسى ءوڭىردىڭ بارلىق اۋداندارىندا وقىتۋ جۇرگىزىپ، جۇمىسسىز جۇرگەن 2200 ادامدى قامتىدى. اسقار يسابەك ۇلى، ءوزىڭىز اتاپ وتكەندەي، ءار اۋىل-ايماقتا ءىرى-ىرى كاسىپورىندار تۇرعىزۋ مۇمكىن ەمەس، دەگەنمەن، قوسالقى شارۋاشىلىقتاردى قولعا الۋ ارقىلى شاعىن بيزنەستى دامىتۋدىڭ مۇمكىندىگى مول.

جامبىل وبلىسىندا بار 74 ەكسپورتتاۋشى كومپانيا شامامەن 10 ملرد تەڭگە كولەمىندە سىرتقا ءونىم وتكىزەدى. كاسىپكەرلەر پالاتاسى بيزنەسپەن تىكەلەي بايلشانىست بولعاندىقتان، ەكسپورتتاۋشى كومپانيالاردىڭ ءبىرقاتارى قوسىمشا قۇن سالىعىن (ندس) قايتارۋدا ءبىرقاتار كەدەرگىلەرگە تاپ بولاتىندارىنان حاباردارمىز. كاسىپكەرلەردىڭ شىمبايىنا باتقان بۇل ماسەلەگە پرەزيدەنت جولداۋىندا نۇكتە قويدى. ۇكىمەتكە - يندۋستريالىق-يننوۆاسيالىق دامۋ مەملەكەتتىك باعدارلاماسى شەڭبەرىندە سالىقتىق، قارجىلىق، اكىمشىلىك ىنتالاندىرۋدى، بيزنەستى قولداۋ جونىندەگى شارالار كەشەنىن ازىرلەۋدى تاپسىردى.

وبلىستا سونداي-اق، بيزنەستى ءجون-جوسىقسىز تەكسەرۋ جيىلىگى جىل سايىن ازايۋدا. ونىڭ تاعى ءبىر دالەلى پرەزيدەنت ميكرو جانە شاعىن بيزنەس سۋبەكتىلەرىن تەكسەرۋگە ءۇش جىلدىق موراتوريي جاريالاۋى، ول 2020 جىلدىڭ قاڭتارىندا كۇشىنە ەنەدى.

بۇگىنگى تاڭدا وبلىستا شاگىن بيزنەس سۋبەكتىلەرىنىڭ سانى 69 مىڭنان استام. كاسىپكەرلەر ءۇش جىلعا سالىق تولەۋدەن بوساتىلادى، بۇل بيزنەستىڭ قولدا بار كرەديتتىك جۇكتەمەسىن تومەندەتۋگە، اينالىم قاراجاتىن ءتيىمدى پايدالانۋعا، جۇمىسشىلاردىڭ جالاقىسىن ارتتىرۋعا، قوسىمشا جۇمىس ورىندارىن قۇرۋعا، كاسىپورىنداردى جاڭعىرتۋعا ناقتى مۇمكىندىك بەرەدى.

جالپى، جامبىلدا كاسىپكەرلەردىڭ جالپى سانىنىڭ 99%-ى شاعىن بينەسكە تيەسىلى، بۇل رەتتە ولاردان بيۋدجەتكە تۇسەر سالىقتىڭ ۇلەسى 28%.