وت جاۋىنگەرلەرىنىڭ شاقىرۋ ورنىنا بارۋ كەزىندە ءاربىر مينۋت قىمبات. ءورت ءسوندىرۋ اۆتوكولىكتەرى جانە ارنايى كولىكتەر شاقىرۋعا بارۋ كەزىندە ءالى دە جولداعى كەدەرگىلەرمەن كەزدەسۋدە.كوبىنەسە اۆتوجۇرگىزۋشىلەر جارقىلدى جانە دىبىستىق بەلگىلەرى بار اۆتوكولىكتەرگە ءمان بەرمەي، جولدا ءجۇرۋ ەرەجەلەرىن ساقتامايدى. مۇنداي سيپاتتاعى جاعدايلاردىڭ الدىن ءۇشىن وبلىس ورتالىعىندا جامبىل وبلىسى توتەنشە جاعدايلار دەپارتامەنتى ءورت ءسوندىرۋ قىزمەتى مەن پوليسيا دەپارتامەنتى بىرلەسە وتىرىپ «ماياچوك» تاقىرىبىندا رەيد ۇيىمداستىردى. رەيدتە تاراز قالاسى №1 مامانداندىرىلعان ءورت ءسوندىرۋ ءبولىمىنىڭ جىلدام ارەكەت ەتۋ ءاۆتوموبيلى،تاراز قالاسىنىڭ جەرگىلىكتى پوليسيا قىزمەتىنىڭ ەكيپاجدارى جانە جەدەل جاردەم كورسەتۋ قىزمەتى دە قاتىستى.
اتالعان رەيدتى وتكىزۋدەگى نەگىزگى ماقسات – قوعام نازارىن ءورت ءسوندىرۋ اۆتوكولىكتەرىنىڭ شاقىرتۋ ورنىنا كەدەرگىسىز جەتۋ ماسەلەسىنە اۋدارۋ بولىپ تابىلادى. تاراز قالاسىنىڭ ءورت سوندىرۋشىلەرى اۆتوكولىك يەلەرىنىڭ جارقىلدى جانە دىبىستىق بەلگىلەرى بار ءورت ءسوندىرۋ اۆتوكولىكتەرىنە قۇرمەتپەن قاراپ، جول بەرۋ ەرەجەلەرىنە داعدىلاناتىندىعىنا سەنىمدى.
جالپى مۇنداي سيپاتتاعى رەيدتەردىڭ ءجيى وتكىزىلىپ وتىرسا جۇرگىزۋشىلەر دە ءورت سوندىرۋشىلەرگە جانە ءوز گە شۇعىل قىزمەتتەرگە ءاردايىم جول بەرىپ، جولدا ءجۇرۋ ەرەجەلەرىنىڭ تالاپتارىن قاتاڭ ساقتاپ، وزگەنىڭ قايعىسىنا وزدەرىنىڭ كىشكەنە دە بولسا قول ۇشىن بەرەر ەدى. ءيا، ءورت ءسوندىرۋ اۆتوكولىگى ەگەر توتەنشە جاعداي اۋماعىنا نەمەسە ءورت وقيعاسىنا كەدەرگىسىز جەتكەندە قۇتقارىلعاندار سانى دا ەداۋىر ارتان بولار ەدى-اۋ دەپ وي تۇيۋگە بولادى
تاراز قالاسىنىڭ ءورت سوندىرۋشىلەرى اۆتوكولىك يەلەرىنىڭ جارقىلدى جانە دىبىستىق بەلگىلەرى بار ءورت ءسوندىرۋ اۆتوكولىكتەرىنە قۇرمەتپەن قاراپ، جول بەرۋ ەرەجەلەرىنە داعدىلاناتىندىعىنا سەنىمدى.
ايتا كەتەيىك، اتالعان رەيدتىك شارا جامبىل وبلىسىنىڭ اكىمى اسقار مىرزاحمەتوۆتىڭ جانە وبلىستىق پوليسيا دەپارتامەنتىنىڭ باستىعى ارمان ورازالييەۆتىڭ تاپسىرماسىمەن وبلىس اۋماعىندا جول قوزعالىسى ەرەجەلەرىن بۇزۋ دەرەكتەرىنىڭ الدىن الۋ ماقساتىندا قولعا الىنعان. ونىڭ اياسىندا ق ر اقبتك-نىڭ 598-بابىنىڭ 1ء-بولىمى بويىنشا ياعني ارنايى جارىق جانە دىبىس سيگنالدارى قوسىلعان جەدەل جانە ارنايى قىزمەتتەردىڭ كولىك قۇرالىنىڭ جۇرۋىنە باسىمدىق بەرمەگەنى ءۇشىن ءبىرقاتار جۇرگىزۋشىلەر اكىمشىلىك جاۋاپكەرشىلىككە تارتىلعان ەدى.
