جامبىل وبلىسى پوليسيا دەپارتامەنتىنىڭ باستىعى بەكىتكەن كەستەگە سايكەس، تاراز قالاسى پوليسيا باسقارماسىنىڭ باستىعى ارداق ماديماروۆ اعىمداعى جىلدىڭ سەگىز ايىنىڭ جۇمىس قورىتىندىسى بويىنشا وبلىس ورتالىعىنىڭ پوليسيا بولىنىستەرىنىڭ بارلىق باسشىلارى قاتىسقان حالىقپەن كەزەكتى كەزدەسۋىن وتكىزدى.

ەسەپ بەرۋ جيىنى بارىسىندا پوليسيا پولكوۆنيگى ا. ماديماروۆ وتكەن جىلدىڭ وسى كەزەڭىمەن سالىستىرعاندا قىلمىستاردىڭ جالپى سانى 14%-عا، ونىڭ ىشىندە اسا اۋىر قىلمىستار - 6،9%-عا، اۋىرلىعى ورتاشا قىلمىستار-22،9%-عا جانە ونشا اۋىر ەمەس قىلمىستار - 9،9%-عا، سونداي-اق 40%-عا كىسى ءولتىرۋ، 23،1% -عا توناۋ، بۇزاقىلىق دەرەكتەرىنىڭ سانى 18،6%-عا تومەندەگەنىن، سونىمەن قاتار قاراقشىلىق شابۋىل جاساعانى ءۇشىن ەكى ۇيىمداسقان قىلمىستىق توپ ۇستالعانىن ايتتى.

2019-2020 جىلدارعا ارنالعان ۇرلىققا قارسى ارەكەت ەتۋ بويىنشا ۆەدومستۆولىق باعدارلامانى ورىنداۋ شەڭبەرىندە ۇرلىق دەرەكتەرى سانىن 21،1%-عا ازايتۋعا قول جەتكىزىلدى. 35-تەن استام ۇرلىق وقيعاسىن جاساعان التى قىلمىستىق توپ قۇرىقتالدى.

سوڭعى ۋاقىتتا اۆتوكولىكتەردەن اككۋمۋلياتورلاردى ۇرلاۋعا ءتيىمدى توسقاۋىل قويىلۋدا، اتالعان قۇقىق بۇزۋشىلىقتار بويىنشا 45 ادام انىقتالدى. ۇيالى تەلەفونداردى ۇرلاۋ مەن قالتا ۇرلىعىن جاساعانى ءۇشىن تەك وبلىس ورتالىعىندا 160-تان استام ادام ۇستالدى. سونداي-اق، مال ۇرلىعىنىڭ توعىز دەرەگى انىقتالىپ اشىلدى، ونىڭ ىشىندە بىرەۋى - اۋىر ساناتتاعى قىلمىس.

مۇنداي كورسەتكىشتەرگە كەشەندى جەدەل-پروفيلاكتيكالىق، ونىڭ ىشىندە «ۋچاستوك»، «قۇقىقتىق ءتارتىپ»، «ەسەپكە الۋ»، «ءجاسوسپىرىم»، «وتباسى جانە مەكتەپ»، «ءقاۋىپسىز جول»، «تۇرمىس» جانە ت.ب. ءىس-شارالار ناتيجەسىندە قول جەتكىزىلدى.

كەزدەسۋ بارىسىندا تارازدىقتار تاراپىنان كوتەرىلگەن ماسەلەلەر از بولعان جوق، ءبىراق كوبىنە ولار جەرگىلىكتى اتقارۋشى ورگانداردىڭ جۇمىسىنا قاتىستى بولدى. ياعني كوشەلەر مەن اۋلالاردى جارىقتاندىرۋ، جولداردى ساپالى جوندەۋ جانە ت.ب. ماسەلەن، «مىڭبۇلاق» شاعىن اۋدانىنىڭ تۇرعىنى ليۋدميلا سيەۆريۋكوۆا №21 ءۇيدىڭ جانىنا جانە جاقىن ماڭداعى بالاباقشاعا باراتىن كوشەگە جارىق پەن جول كەدەرگىسىن (لەجاچيي پوليسەيسكيي) ورناتۋدى سۇرادى. ول مۇندا قوزعالىس قارقىنى جوعارى، سونداي-اق كەيبىر جۇرگىزۋشىلەر جول قوزعالىسى ەرەجەلەرىن ساقتامايدى. بۇل جەردە قايعىلى وقيعالار ورىن الۋى مۇمكىن دەپ ءوز الاڭداۋشىلىعىن ءبىلدىردى.

وسىعان ۇقساس وتىنىشپەن №40 ورتا مەكتەپتىڭ جانىندا كولىك قوزعالىسىن شەكتەۋ تۋرالى «تالاس» شاعىن اۋدانىنىڭ تۇرعىنى رومان الييەۆ مالىمدەمە جاسادى.

حاديشا وسپانوۆا دوستويەۆسكيي كوشەسى تۇرعىندارىنىڭ اتىنان وسى كوشە بويىنشا جول قوزعالىسىن ءبىر جاقتى جاساۋدى، سەبەبى بۇل جولدىڭ وتە تار ەكەندىگىن ايتىپ، ءوتىنىش ءبىلدىردى.

ۆالەنتينا ۆيدسكايا باسقا ماسەلە بويىنشا شاعىمداندى: ول جۇبانىشيەۆ كوشەسىندەگى كوپ پاتەرلى ۇيدە تۇرادى، ال اۋلادا جاقىن ماڭدا

ورنالاسقان پوليتەحنيكالىق كوللەدجىنىڭ ستۋدەنتتەرى ءجيى جينالىپ، سپيرتتىك ىشىمدىكتەر ءىشىپ، شۋلايتىنىنا شاعىمداندى.

بارلىق ايتىلعان ۇسىنىستار حاتتاماعا ەنگىزىلىپ، كەيبىرەۋلەرىنە قاتىستى باسقارما باستىعى جاۋاپتى تۇلعالارعا ءتيىستى تاپسىرمالار بەردى. كەز-كەلگەن جاعدايدا، بىردە-بىر ءوتىنىش قۇقىقتىق ءتارتىپ ساقشىلارىنىڭ نازارىنان تىس قالمايدى.

تاراز قالاسى پب باسقارماسىنىڭ باسشىلىعى وبلىس ورتالىعىنىڭ تۇرعىندارىمەن وسىنداي كەزدەسۋلەردى توقسان سايىن وتكىزەدى. سونىمەن قاتار، باسقارما باستىعى ارداق ماديماروۆ وبلىس ورتالىعىنىڭ تۇرعىندارىنا كەز-كەلگەن ۋاقىتتا قوڭىراۋ شالۋعا بولاتىنىن ايتىپ ءوزىنىڭ ۇيالى تەلەفون ءنومىرىن ۇسىندى. سونداي-اق ول ازاماتتاردى جەكە ماسەلەلەرى بويىنشا اركەز قابىلداۋعا دايىن ەكەندىگىن ءبىلدىردى. وسىنداي اشىقتىق تارازدىقتاردىڭ شىنايى ريزاشىلىعىن تۋدىرىپ، قالالىق پوليسيا باسقارماسىنىڭ باسشىسىنا العىستارىن ايتتى. قاتىسۋشىلار پوليسيا شىن مانىندە حالىققا جاقىن، وسىلاي بولۋى كەرەك، ەردىڭ ءسوزى ەكى بولماس دەپ تارقاستى.