وبلىس اكىمدىگىندە ايماق باسشىسى اسقار مىرزاحمەتوۆتىڭ توراعالىعىمەن وتكەن جيىندا مەملەكەتتىك-جەكەمەنشىك ارىپتەستىك اياسىنداعى جوبالار جايى قارالدى. وندا ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى گۇلدانا جاۋىنبەكوۆا بايانداما جاساپ، اتقارىلىپ جاتقان جۇمىستار بارىسىنا توقتالدى.
جىل باسىندا ايماق باسشىسىنىڭ تاپسىرماسىنا سايكەس مەملەكەتتىك-جەكەمەنشىك ارىپتەستىك اياسىنداعى جوبالاردىڭ ءبىرىڭعاي بازاسىن قۇرۋ تاپسىرىلعان بولاتىن. وسى ورايدا 238 جوبانىڭ ءتىزىلىمى تۇزىلگەن. بۇگىندە ونىڭ 63 جوباسى بويىنشا جۇمىستار جۇرگىزىلۋدە دەسەك، 42 جوبا جىل سوڭىنا دەيىن تولىعىمەن اياقتالادى دەپ كۇتىلۋدە. بۇلار – الەۋمەتتىك سالاداعى نىساندار. وسى جوبالاردىڭ 39-ى ءبىلىم سالاسىنا قاتىستى. دالىرەك ايتقاندا مەكتەپتەردەگى اسحانالارداعى قىزمەت كورسەتۋ بارىسىن مەملەكەتتىك-جەكەمەنشىك اياسىندا جۇزەگە اسىرۋ بولىپ تابىلادى. باسقارما باسشىسىنىڭ ايتۋىنشا، ونىڭ وزىندىك تيىمدىلىكتەرى بار. بۇل ورايدا جىل سايىن كونكۋرس ويناتىلماي، ءبىر كونكۋرس جەڭىمپازدارىمەن 3 جىلدان 30 جىلعا دەيىنگى ارالىقتا تۇراقتى كەلىسىم شارت ورناتىلماق. جەڭىمپاز وقۋشىلاردى تەك ىستىق تاماقپەن قامتىپ قانا قويماي، اسحانانىڭ جابدىعىن جاڭالاپ، عيماراتىن جوندەپ وتىرۋدى دا ءوز مىندەتىنە الماق.
ايتا كەتەيىك، بۇل ورايدا الدىمەن وبلىستاعى بارلىق مەكتەپ اسحانالارىنا تالداۋ جاسالىنىپ، جابدىعى توزعان، جوندەۋدى قاجەت ەتەتىن اسحانالار تاڭداپ الىنعان. ناتيجەسىندە جاڭعىرتۋدى قاجەت ەتەتىن 198 اسحاناعا انىقتالعان. وسىنى ەسكەرگەن اسقار يسابەك ۇلى مەملەكەتتىك-جەكەمەنشىك ارىپتەستىك اياسىندا اعىمداعى جىلى جوباسى جۇرگىزىلەتىن اسحانالاردىڭ سانىڭ ەسەلەۋ كەرەكتىگىنە كوڭىل ءبولىپ، بۇل باعىتتاعى بارلىق تەتىكتەردى ىسكە قوسۋدى اتاپ ايتتى. ءوڭىر باسشىسى كونكۋرس كەلىسىمشارتىندا ەكى تاراپتىڭ مىندەتتەمەلەرىن تيىسىنشە ناقتىلاۋدىڭ ماڭىزدىلىعىن اتاپ ءوتتى. وعان قوعامدىق كوميسسيالاردى دا تارتۋ جايى دا ايتىلدى. سونداي-اق، ىستىق تاماقتىڭ ۇزدىكسىز بەرىلۋىن، تاماق ساپاسىنا تەكسەرىس ۇنەمى ۇيىمداستىرىلىپ وتىرىلۋىن قاداعالاۋدى تاپسىردى.
باسقوسۋدا مەملەكەتتىك-جەكەشەلىك ارىپتەستىك اياسىنداعى سپورت، دەنساۋلىق ساقتاۋ، ءتۇرعىن-ۇي شارۋاشىلىق، تۋريزم سالاسىنداعى جوبالار دا قارالىپ، جۇزەگە اسۋ بارىسى سارالاندى. جيىن قورىتىندىسىمەن جاۋاپتى تۇلعالارعا ناقتى تاپسىرمالار جۇكتەلدى.
