پرەزيدەنت جولداۋىن ناسيحاتتاپ، ءتۇسىندىرۋ ماقساتىندا اۋداندىق اقپاراتتىق توبى قۇرىلدى. جۇيەلىك كەستە جاسالىپ، ءىس-شارالار جوسپارى بەكىتىلدى. اقپاراتتىق توپ اۋداننىڭ بارلىق وكرۋگتەرىندە بولىپ، جولداۋداعى مىندەت-مەجەلەردى كەڭىنەن ناسيحاتتاۋ جۇمىستارىن باستاپتا كەتتى.

ال، وبلىس كولەمىندە بۇل ماڭىزدى جۇمىس جوعارى دەڭگەيدە جۇزەگە اسۋدا. وسىنداي جۇزدەسۋ بۇگىن اۋداندىق ءماجىلىس زالىندا ءوتتى.

اۋدانىمىزعا قازاقستان رەسپۋبليكاسىنىڭ پرەزيدەنتى قاسىم-جومارت كەمەل ۇلى توقايەۆتىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىن ناسيحاتتاۋ ماقساتىندا وبلىستىق ءماسليحاتتىڭ دەپۋتاتتارى «قازفوسفات» ءجشس-نىڭ باس ديرەكتورى، «قازاقستاننىڭ ەڭبەك ەرى» ەسكەندىروۆ مۇقاش زۇلقارناي ۇلى جانە جامبىل وبلىسى كاسىپوداقتار بىرلەستىگىنىڭ ءتوراعاسى تولەپبەرگەن مەيرامبەك مىلتىقباي ۇلى ىسساپارمەن كەلدى.

وزدەرىڭىزگە بەلگىلى اعىمداعى جىلدىڭ 2 قىركۇيەك كۇنى قازاقستان رەسپۋبليكاسىنىڭ پرەزيدەنتى قاسىم-جومارت كەمەل ۇلى توقايەۆ پارلامەنتتىڭ قوس پالاتاسىنىڭ الدىندا «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا تۇڭعىش جولداۋىن ارناعان بولاتىن.

بارشا جۇرتشىلىق 2020 جىلعا ارنالعان باستى قۇجاتتى زور ىقىلاسپەن، ۇلكەن ورلەۋ ۇستىندە قابىلداپ وتىر.

بۇل جولداۋ – سايلاۋالدى باعدارلامالاردىڭ ىسكە اسىرىلۋىنا باعىتتالىپ قانا قويماي، مەملەكەت پەن قوعامنىڭ سەنىمىن ارتتىرۋ، ۇلتتىق مۇددەنى ورىستەتۋ سياقتى تالاپتاردى قارقىندى ىسكە اسىرۋ جولدارىن ۇسىنىپ وتىر.

سونىمەن قاتار، جيىنعا جەرگىلىكتى اتقارۋشى ورگان باسشىلارى، اۋداندىق ءماسليحات دەپۋتاتتارى، قۇقىق قورعاۋ ورگاندارىنىڭ باسشىلارى، الەۋمەتتىك سالا قىزمەتكەرلەرى، ۇكىمەتتىك ەمەس ۇيىمدار جەتەكشىلەرى، ارداگەرلەر مەن ب ا ق وكىلدەرى قاتىستى بۇل كەزدەسۋدىڭ وزگەلەردەن ەرەكشەلىگى اۋداندىقتار ەڭبەك ەرىمەن بەتپە بەت كەزدەسىپ، ءوز ويلارىامەن ءبولىسۋى، مۇقاش زۇلقارناي ۇلىنىڭ وزىنە ءتان قاراپايىمدا، ساۋاتتىلىعىمەن تۇرعىندار الدىندا ەركىن اڭگىمە دۇكەن ءوربىتۋى، "ۇلىق بولساڭ، كىشىك بول" دەگەنگە سايادى.

سونداي-اق، جامبىل وبلىسى كاسىپوداقتار بىرلەستىگىنىڭ ءتوراعاسى، وبلىستىق ءماسليحات دەپۋتاتى مەيرامبەك مىلتىقباي ۇلىنىڭ شەشەندىكپەن جۇرگىزگەن اشىق الاڭ ىسپەتتەس كەزدەسۋدىڭ فورماتى جينالعاندار كوڭىلىنەن ورىن الدى.

كەزدەسۋ سوڭىندا اۋدان اكىمى قاناتبەك مادىبەك:«جۇمىلا كوتەرگەن جۇك-جەڭىل» دەيدى. ەندەشە پرەزيدەنت جولداۋىنان تۋىنداعان ءاربىر تاپسىرمانى ابىرويمەن جۇزەگە اسىرۋدا اۋىزبىرشىلىك تانىتايىق.

اۋدانىمىزعا ارنايى اتباسىن تىرەپ تۇرعىندار ساۋالدارىنا جاۋاپ بەرگەن وبلىستىق ءماسليحاتارىنا سارىسۋلىقتار اتىنان العىسىمدى بىلدىرەمىن. بۇرىننان اۋدانىمىزدىڭ الەۋمەتتىك ەكونوميكالىق احۋالىنا وراسان زور ۇلەستەرى بار "قازفوسات" جشس-گىمەن الداعى ۋاقىتتا دا دوستىق قارىم قاتىناستا بولىپ، ءالى تالاي يگى ىستەردى بىرگە اتقارامىز،-دەدى.