«جاستار جىلى» مەن «رۋحاني جاڭعىرۋ» باعدارلاماسى اياسىندا «اق جول» قدپ ماڭعىستاۋ وبلىستىق فيليالى جانىنداعى «اق جول-جاستار» جاستار قاناتىنىڭ ۇيىمداستىرۋىمەن نۇر-سۇلتان قالاسىنداعى ل.ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىندە شوتان باتىر تۋرالى دەرەكتى فيلم كورسەتىلدى دەپ جازادى Qamshy.kz اقپارات اگەنتتىگى. 

ەل باسىنا كۇن تۋعان قيلى كەزەڭدەردە ەلىم، جەرىم دەپ وتكەن ەرلەر ەرجۇرەكتىلىك پەن قايسارلىقتىڭ، شىدامدىلىقتىڭ ۇلگىسىن كورسەتىپ، كەلەر ۇرپاعىنا تاۋەلسىزدىكتى تارتۋ ەتتى. باتىر بابالارىمىزدىڭ بويىنا سىڭگەن ۇلتتىق رۋح قارسى كەلگەن دۇشپانعا قايمىقپاي قاراۋعا، جاۋعا قارسى تۇرۋعا، ۇلان-عايىر جەرىمىزدى، ەلىمىزدىڭ تۇتاستىعىن قورعاۋعا جىگەر بەردى.
جوڭعارلارعا قارسى شايقاستا جەردى بىلەكتىڭ كۇشىمەن، نايزانىڭ ۇشىمەن قورعاپ قالعان ەرجۇرەك باتىرلارىمىزدىڭ ىشىندە شوتاننىڭ ەسىمى ەرەكشە اتالادى. سونىمەن قاتار، وسىنداي فيلمدەر ارقىلى جاستارعا پاتريوتتىق تاربيە بەرۋ. ەل اۋزىندا اڭىز بوپ قالعان شوتان باتىر تۋرالى دەرەكتى ءفيلمنىڭ اۆتورى ءارى رەجيسسەرى جازۋشى، حالىقارالىق «الاش» ادەبي سىيلىعىنىڭ لاۋرەاتى، حالىقارالىق «تۇركى الەمى» تەلەستۋدياسىنىڭ باس ديرەكتورى دوقتىرحان تۇرلىبەك.