مەملەكەت باسشىسى قاسىم-جومارت توقايەۆتىڭ جولداۋى جۇكتەگەن باسىم باعىتتىڭ ءبىرى – حالىقپەن كەرى بايلانىس ورناتىپ، ولاردىڭ مۇڭ-مۇقتاجىن وتەۋ. بۇل باعىتتا بۇگىندە جامبىل وبلىسىندا باعدارىن تاپقان جۇمىستار بارشىلىق، دەپ جازادى Qamshy.kz اقپارات اگەنتتىگى. 

ماسەلەن جەرگىلىكتى تۇرعىندار كوتەرىپ وتىرعان ماسەلەلەردى زەردەلەۋ، حالىقپەن كەرى بايلانىس ورناتۋ، جەرگىلىكتى اتقارۋشى ورگانداردىڭ جۇمىس ءتارتىبىن جۇيەلەندىرۋ جانە ونىڭ تيىمدىلىگىن ارتتىرۋ ماقساتىندا وبلىس اكىمىنىڭ 13 ناۋرىزداعى №70ء-و وكىمىمەن جەرگىلىكتى اتقارۋشى ورگاندارىنىڭ جۇمىس الگوريتمدەرى بەكىتىلگەن بولاتىن.

الگوريتمگە سايكەس، قالا، اۋدان اكىمدەرى 5 كۇن بۇرىن باسىلىمداردا، الەۋمەتتىك جەلىلەردە، رەسمي سايتتاردا تۇرعىندارمەن وتكىزەتىن كەزدەسۋ ورنى، مەرزىمى تۋرالى حابارلاۋ كەرەك.

جەرگىلىكتى اكىمدەر تاراپىنان الگوريتمدى جۇزەگە اسىرۋ بارىسىندا كوپتەگەن كەمشىلىكتەرگە جول بەرىلىپ، ءالى دە بولسا تۇراقتى جۇيە قالىپتاسپاي وتىرعانى انىقتالدى.

مىسالى ءبىرقاتار اۋدانداردا اۋدان اكىمىنىڭ وكرۋگتاردى ارالاۋ كەستەسى اۋدان اكىمىمەن بەكىتىلمەگەن، ەلدى-مەكەندەرگە شىعۋ كەستەسى وبلىس اكىمىنىڭ باس ينسپەكتورىنا رەسمي جولدانباعان. وتكىزىلگەن كەزدەسۋلەر جيىندارىنىڭ حاتتامالارىندا وكرۋگ اكىمىنىڭ، جەرگىلىكتى مەكەمە باسشىلارى (پوشتا، دەنساۋلىق ساقتاۋ مەكەمەسى، ۋچاسكەلىك پوليسيا ت.س.س.) ەسەپتەرىنىڭ تىڭدالعانى، ولاردىڭ جۇمىسىنا ناقتى باعا بەرۋ، كوتەرىلگەن ماسەلەلەر بويىنشا ناقتى قابىلدانعان شەشىمدەر، وعان جاۋاپتى لاۋازىم يەسىن بەكىتۋ سەكىلدى ماسەلەلەر ەنبەگەن. راسىمدەلگەن حاتتامالاردىڭ ورىندالۋىنا تالداۋ جاسالماعان.

ينسپەكتورلار تاراپىنان زەردەلەۋ بارىسىندا اكىمدەردىڭ ەلدى-مەكەندەردى ارالاۋ كەزىندە ازاماتتاردى جەكە سۇراقتارىمەن قابىلداۋلار ماسەلەسى دە جۇيەلەنبەگەنى بەلگىلى بولدى (قابىلداۋ بويىنشا ارنايى كارتىشكە تولتىرۋ، ونى تۇپكىلىكتى شەشىمىن تاپقانشا باقىلاۋعا الۋ، ءتيىستى جاۋاپتىلارعا بۇرىشتاما جازۋ سەكىلدى قۇجاتتاردىڭ بولماۋىنان وسىنداي ءتۇيىن جاساۋعا بولادى).

اۋداندىق دەڭگەيدە وتكىزىلەتىن اپپاراتتىق جيىنداردا وبلىس اكىمى مەن ورىنباسارلارىنىڭ تاپسىرمالارىمەن قاتار، باس ينسپەكتوردىڭ ۇسىنىستارى قارالۋى ءتيىس بولاتىن. الايدا، بۇل ماسەلە دە تولىق جۇيەگە تۇسپەي وتىر.

دەسە دە، بۇل جۇمىستىڭ جوقتىعىن ەمەس، كەرىسىنشە كوشتىڭ قوزعالعانىن كورسەتەدى. سوندىقتان باعىت پەن باعدار باردا، جوسپار ءجۇز پايىز مەجەسىنە جەتەتىندىگىنە سەنىمدىمىز.