ەل پرەزيدەنتىنىڭ حالىققا ارناعان جولداۋىندا مەديسينالىق قىزمەت كورسەتۋدىڭ ساپاسى مەن قولجەتىمدىلىگىن قامتاماسىز ەتۋ تاپسىرىلدى. شىنىندا «باستى بايلىق – حالىق دەنساۋلىعى» ەكەنى داۋسىز. بۇل باعىتتا بۇرناعى جىلدارى دا ءارتۇرلى مەملەكەتتىك باعدارمالار جاندانىپ، تالاي تىرلىك تىكتەلگەن بولاتىن. ەندى مىنە جولداۋدان كەيىن دە جۇكتەلگەن مىندەت ءوزىنىڭ دىتتەگەن جەرىنە جەتۋدە، دەپ جازادى Qamshy.kz اقپارات اگەنتتىگى. 

ماسەلەن جامبىل وبلىسىنداعى مەديسينالىق كوللەدج بازاسىندا "سيمۋلياسيالىق ورتالىق" جانە وبلىستىق پەريناتالدىق ورتالىعىندا «وقىتۋ - كلينيكالىق ورتالىعى» اشىلىپ، 254 قىزمەتكەر وقىتىلدى.

جالپى، دەنساۋلىق ساقتاۋ سالاسىندا ادام ءولىمىنىڭ الدىن الۋ شارالارىن جۇرگىزۋ ءۇشىن قاجەتتى مامانداردى دايارلاۋ، كاسىبي مامانداردى تارتۋ، جابدىقتارمەن قامتاماسىز ەتۋ ءۇشىن قاجەتتىلىكتەگى شىعىندار كولەمىن انىقتاپ، ءتيىمدى قارجىلاندىرۋدى جوسپارلاۋ قاجەت.

مىندەتتى الەۋمەتتىك كومەكتى ساقتاندىرۋدىڭ كەپىلدىك بەرىلگەن كولەمى شەڭبەرىندە قارجى قورى 51 ملرد. 700 مىڭ تەڭگەنى قۇرايدى. قورعا 2020 جىلى 54 ملرد.تەڭگە؛ 2021 جىلى 54 ملرد. 600 مىڭ تەڭگە ءبولۋ كوزدەلىپ وتىر.

جولداۋدا مادەنيەت سالاسىندا جۇمىس ىستەيىن قىزمەتكەرلەردى الەۋمەتتىك قولداۋ شارالارىن كۇشەيتۋ تاپسىرىلدى. بۇگىندە مادەنيەت، ارحيۆ سالالارىندا 1310 قىزمەتكەر جۇمىس ىستەسە، ولاردىڭ ورتاشا ايلىق جالاقىسى 88 مىڭ تەڭگەنى قۇرايدى.

مادەنيەت سالاسىنداعى 2197 شتاتتىق بىرلىكتىڭ ەڭبەك اقىسىن 15-20% دەيىن ۇلعايتۋ ءۇشىن قوسىمشا 570 ملن. 500 مىڭ تەڭگە قاجەت /ا-بلوگى باسشىلىق پەرسونالعا 15%، ۆ بلوگىن - 20%، س-اكىمشىلىك جانە د-قوسالقى پەرسونالداعى بلوگىن – 20 %/.

1 ساۋىردەن باستاپ، جاڭا فورماتتاعى اتاۋلى الەۋمەتتىك كومەككە مۇقتاج 29650 وتباسى (150453 ادام) انىقتالدى. بۇل وتكەن جىلمەن سالىستىرعاندا 2 ەسە كوپ (2018ج - 14852 وتباسى 74517 ادام، 2،5 مرد.تەڭگە). وعان بارلىعى 21،2 ملرد. تەڭگە قارالدى (رب 20،0 ملرد. تەڭگە، جب - 1،2 ملرد. تەڭگە).

بۇگىنگى كۇنگە اتاۋلى الەۋمەتتىك كومەك الۋعا قايىرىلعان 39607 وتباسىنىڭ 34991ء-ى (176129 ادام) قامتىلىپ، ولارعا قارالعان قارجىنىڭ 11،9 ملرد. تەڭگەسى تولەندى.

پرەزيدەنت جولداۋدا اتاپ وتكەندەي، جۇمىس ىستەگىسى كەلمەيتىن ادامدار نەمەسە الەۋمەتتىك كومەك الۋ ءۇشىن وزدەرىنىڭ تابىسىن جاسىراتىندار كوبەيدى.

سونىڭ سالدارىنان الەۋمەتتىك كومەك تاعايىندالعان 7060 وتباسىنا (38629 ادام) قايتا ەسەپتەۋ جۇرگىزىلىپ، سوڭعى ەكى ايدا بيۋدجەتكە زاڭسىز تولەنگەن 7،1 ملن.تەنگە قايتارىلدى.

الداعى ۋاقىتتا ومىرلىك قيىن جاعدايدا قالعان وتباسىلاردى انىقتاۋ، الەۋمەتتىك كومەكتىڭ كەشەندى تۇردە كورسەتىلۋىنە باسا نازار اۋدارىلاتىن بولادى.