پرەزيدەنت جولداۋىنىڭ 4ء-شى مىندەتىندە الەۋمەتتىك جاڭعىرۋدىڭ جاڭا كەزەڭىن ايقىندادى. بۇگىندە جامبىل وبلىسىنىڭ بيۋدجەتى ەكونوميكانى دامىتۋ جانە الەۋمەتتىك ماسەلەلەردى شەشۋگە باعىتتالعان. ونىڭ ەڭ ءبىرىنشىسى ءبىلىم بەرۋ ساپاسىن جاقسارتۋ دەپ جازادى Qamshy.kz اقپارات اگەنتتىگى. 

جامبىل وبلىسىندا ارنايى تەحنيكالىق، پەداگوگيكالىق جانە گۋمانيتارلىق باعىتتاردا كاسىبي باعدارلانعان 3 جوعارى وقۋ ورنى مەن 46 كوللەدج بار. اتالعان ءبىلىم وردالارىن بىتىرگەن جاستاردىڭ بارلىعى جۇمىسقا ورنالاسا بەرمەيدى. وسى رەتتە، وقۋعا قابىلداۋ تەك سۇرانىسقا يە ماماندىقتار بويىنشا جۇرگىزىلەتىن بولادى.

سۇرانىسقا نەعۇرلىم يە ماماندىقتارعا بالالاردى بەيىمدەۋ جانە كاسىبي دياگنوستيكا جۇرگىزۋ ماقساتىندا «ەدتەح» (EDTECH) حالىقارالىق ءبىلىم بەرۋ ورتالىعىمەن كەلىسىمگە قول قويىلدى.

وبلىس بويىنشا 359 ورتا مەكتەپتىڭ (جالپى مەكتەپتەر سانى - 446) 228-ىندە (63،5%) كاسىپتىك باعدار بەرۋ كابينەتتەرى اشىلعان.

سوڭعى 4 جىلدا جاڭادان 24 مەكتەپ سالىنىپ، 6 مەكتەپكە جاپسارلاس عيمارات سوعىلىپ پايدالانۋعا بەرىلسە، ونىڭ 25ء-ى اۋىل مەكتەپتەرى.

2018 جىلى وبلىستا ءىت ليسەي-ينتەرناتى، 14 IT سىنىپتارى اشىلدى. اعىمداعى جىلدىڭ سوڭىنا دەيىن 37 IT سىنىپتارىن اشۋ جوسپارلانۋدا. وسى كۇنگە وبلىستاعى 174 (39%) مەكتەپ روبوتوتەحنيكا كابينەتتەرىمەن جابدىقتالعان. بۇل كورسەتكىش جىل اياعىنا دەيىن 50%-عا، 2020 جىلى 70%-عا جەتكىزىلەدى.

قالا مەن اۋىل مەكتەپتەرى اراسىنداعى الشاقتىقتى ازايتۋ ماقساتىندا «تىرەك» مەكتەپتەر (رەسۋرستىق ورتالىقتار) جەلىسىن كەڭەيتۋ بويىنشا جۇمىستار جۇرگىزىپ، ارنايى پاندەر بويىنشا وقۋشىلارعا ونلاين-وقىتۋ جۇيەسى بويىنشا ساباق وقىتىلماق.

جولداۋدا اتالعانداي، «ديپلوممەن اۋىلعا» باعدارلاماسىنىڭ اياسىن كەڭەيتىپ، جۇمىستى جاڭا دەڭگەيدە جالعاستىرۋ تاپسىرىلدى. وسىعان وراي، ءبىرىنشى كەزەكتە قاجەتتى ماماندىقتارعا باسىمدىق بەرىلەدى.

وبلىستا 5 دارىندى بالالارعا ارنالعان ءبىلىم بەرۋ ۇيىمدارىندا ءبىلىم الاتىن 1593 وقۋشىنىڭ 720-ى (45،2%) اۋىل بالالارى.

دارىندى بالالارمەن جۇمىس جۇرگىزۋدىڭ 2020-2025 جىلدارعا ارنالعان ايماقتىق كارتاسى جاسالاتىن بولادى. كوپ بالالى جانە از قامتاماسىز ەتىلگەن وتباسىلاردان شىققان دارىندى بالالارعا ارنايى جەڭىلدىكتەر قاراستىرىلادى.

«پەداگوگ مارتەبەسى تۋرالى» زاڭى جوباسىنىڭ اياسىندا ءبىلىم سالاسىنداعى 65 467 قىزمەتكەردىڭ جالاقىسىن ۇلعايتۋعا رەسپۋبليكالىق بيۋدجەتتەن 30،5 ملرد. تەڭگە (2020 ج. – 7،0 ملرد تگ؛ 2021 ج. – 10،7 ملرد تگ؛ 2022 ج. – 12،8 ملرد تگ) ءبولۋ جوسپارلانىپ وتىر.