جولداۋدىڭ جۇگى اركەزدە دە اۋىر. جامبىل وبلىسىنىڭ اكىمى اسقار مىرزاحمەتوۆپەن بيلىك پەن بۇقارا اراسىنداعى جۇمىستى جۇيەلى ەتۋ باعىتىنداعى الگوريتمنىڭ قابىلدانعانىنا جىلعا جۋىقتاپ وتىر. بۇل قالالار مەن اۋدان اكىمدەرىنىڭ جۇمىسىن شيراتۋعا سەپ بولۋدا دەپ جازادى Qamshy.kz اقپارات اگەنتتىگى. 

ماسەلەن اۋىل اكىمدەرى كەزدەسۋلەر بارىسىندا تۋىنداعان اۋداندىق جانە وبلىستىق دەڭگەيدە شەشىلەتىن ماسەلەلەرگە قاتىستى اۋدان اكىمى مەن وبلىس اكىمىنىڭ باس ينسپەكتورىنا ۇسىنىستار بەرمەۋ فاكتىلەرى ورىن العان. اكىمدەر تاراپىنان حالىقپەن اراداعى كەرى بايلانىستىڭ جۇيەلى جولعا قويىلماۋى، تۇرعىندار تاراپىنان ءارتۇرلى باعىتتاردا ارىزداردىڭ جازىلۋىنا سەبەپ بولۋدا جانە ولاردىڭ ءبىرقاتارى قايتالانۋدا.

«كوش جۇرە تۇزەلەدى» دەمەكشى جوعارىداعى اتالعان سىنداردان قورىتىندى شىعارىپ، اۋدان اكىمدەرى، ءتيىستى جاۋاپتىلار الگوريتمگە سايكەس جۇمىستاردى جۇيەلەندىرۋى قاجەت ەكەنى انىق.

سونىمەن بىرگە، وبلىس اكىمىنىڭ 2018 جىلعى 6 تامىزداعى №142ء-و وكىمىمەن جەرگىلىكتى اتقارۋشى ورگانداردىڭ ينتەرنەت كەڭىستىكتە جۇمىس جۇرگىزۋدىڭ ءتارتىبى بەكىتىلگەن.

تارتىپكە سايكەس، ءبىرىنشى باسشىلار ينتەرنەت رەسۋرستار مەن اقپاراتتىق جۇيەلەردە، الەۋمەتتىك جەلىلەردەگى پاراقشالارعا (اككاۋنتتارعا) تۇسكەن سۇراۋلارعا، ساۋالدارعا، حابارلامالار مەن وتىنىشتەرگە، پروبلەمالىق سۇراقتارعا جەدەل اقپارات /1-3 ساعات ىشىندە/، اعىمداعى اقپارات /1-2 كۇن ىشىندە/، قوسىمشا ناقتىلاۋدى قاجەت ەتەتىن اقپاراتتار /3-5 كۇن ىشىندە/ رەسمي جاۋاپ رەتىندە جولداۋى ءتيىس.

ۇستىمىزدەگى جىلدىڭ 28 تامىزىندا «جامبىل وبلىسى اكىمىنىڭ جانە وبلىس اكىمدىگىنىڭ لاۋازىمدى تۇلعالارىنىڭ الەۋمەتتىك جەلىلەردەگى پاراقشالارىن، وبلىس اكىمدىگىنىڭ رەسمي سايتىن، قازاقستان رەسپۋبليكاسى ەلەكتروندى ۇكىمەتىندەگى وبلىس اكىمىنىڭ (e-gov.kz) «اشىق ديالوگ» پورتالىن جۇرگىزۋ جونىندەگى نۇسقاۋلىق» بەكىتىلدى.

ەندىگى كەزەكتە، باسقارما باسشىلارى جانە تاراز قالاسى مەن اۋدان اكىمدەرىنىڭ توقسان سايىن وسى باعىتتاعى جۇمىستارى قارالاتىن بولادى.

ءبىرىنشى باسشىلار ازاماتتاردىڭ ماسەلەلەرىن بارىنشا جەرگىلىكتى دەڭگەيدە شەشىپ، ورتالىق ورگاندارعا نەمەسە پرەزيدەنت اكىمشىلىگىنە جۇگىنۋگە ءماجبۇر ەتكىزبەۋ كەرەك.

ارىز-شاعىمدارعا بەرىلگەن جاۋاپتارعا قاناعاتتانباۋشىلىق سول سالادا كۇردەلى تۇيتكىلدەردىڭ بار ەكەنىندىگىن كورسەتەدى.

الداعى ۋاقىتتا مەملەكەتتىك ورگانداردىڭ جۇمىسى ازاماتتاردىڭ بارلىق سىندارلى وتىنىش-تىلەكتەرىنە زاڭناما شەڭبەرىندە جەدەل ءارى قايتا قايىرىلمايتىنداي جاۋاپ بەرۋىنە بايلانىستى باعالاناتىن بولادى.