الماتى قالاسى اكىمى اپپاراتىنىڭ تىلدەردى دامىتۋ جانە لاتىن گرافيكاسىنا كوشۋ ورتالىعى اعىمداعى جىلدىڭ 18 قىركۇيەگىندە قازاق ۇلتتىق قىزدار پەداگوگيكالىق ۋنيۆەرسيتەتىندە قازاق ءتىلى ءالىپبيىن لاتىن گرافيكاسىنا 2025 جىلعا دەيىن كەزەڭ-كەزەڭىمەن كوشىرۋ جونىندەگى ءىس-شارالار جوسپارىنا سايكەس «رۋحاني جاڭعىرۋ» باعدارلاماسى اياسىندا «جاڭا لاتىن ءالىپبيىن ەنگىزۋدىڭ عىلىمي جانە ۇيىمداستىرۋشىلىق ماسەلەلەرى» تاقىرىبىندا سەمينار-كەڭەس (بۇدان ءارى – سەمينار-كەڭەس) وتكىزدى دەپ جازادى Qamshy.kz اقپارات اگەنتتىگى tilalemi.kz سايتىنىڭ دەرەگىن نەگىزگە الىپ. 

سەمينار-كەڭەستىڭ ماقساتى مەن مىندەتى: جاڭا لاتىن ءالىپبيىن ەنگىزۋدىڭ عىلىمي جانە ۇيىمداستىرۋشىلىق ماسەلەلەرىن عىلىمي اۋديتوريادا، كوپشىلىك جيىندا تالقىلاۋ، ولاردىڭ شەشۋ جولدارىن قاراستىرۋ جانە ۇسىنۋ، تاقىرىپقا قاتىستى عىلىمي جۇمىستاردىڭ ناتيجەسىمەن تانىسۋ. جاڭا لاتىن الىپبيىنە بىرتىندەپ كوشۋ ماسەلەلەرىنە تاريحي شولۋ جاساپ،عىلىمي تۇرعىدا تالداۋ جاساۋ جانە لاتىن ءالىپبيىن ەنگىزۋدىڭ ءتيىمدى شەشۋ جولدارىن قاراستىرۋ، كاسىبي بىلىكتى مامانداردىڭ پىكىرلەرىن توپتاستىرۋ، عىلىمي-زەرتتەۋ مەكەمەلەرى مەن ورتالىقتارىنىڭ عىلىمي جۇمىستارىن مەملەكەتتىك ءتىل ساياساتىمەن ءوزارا ساباقتاستىرۋ.

سەمينار-كەڭەسكە قاتىسۋشىلار: قازاق ءالىپبيىن لاتىن گرافيكاسىنا كوشىرۋ جونىندەگى ۇلتتىق كوميسسيانىڭ جانە ونىڭ جۇمىس توپتارىنىڭ مۇشەلەرى، تانىمال ءتىلشى عالىمدار، قازاق ءتىلى وقىتۋشىلارى، جاس عالىم دوكتورانتتار مەن ماگيسترانتتار، مەملەكەتتىك ورگانداردىڭ ءتىل ماسەلەسىنە جاۋاپتى ماماندارى، ۇكىمەتتىك ەمەس ۇيىمدار مەن ب ا ق وكىلدەرى جانە ت.ب. شاقىرىلدى.

قاتىسۋشىلارعا مەملەكەتتىك ءتىل ساياساتىنا، تىلدەردى وقىتۋعا بايلانىستى ماتەريالدار تاراتىلدى جانە بەلگىلەنگەن ۇلگىدەگى سەرتيفيكات بەرىلدى.