مەملەكەت باسشىسى قاسىم-جومارت توقايەۆ جولداۋدا «اتا زاڭىمىزعا سايكەس ازاماتتاردىڭ ءوز ويىن ەركىن ايتۋعا قۇقىعى بار» ەكەندىگىن باسا ايتتى. سوندىقتان، تاراز قالاسى مەن اۋدان اكىمدەرىمەن بىرلەسە وتىرىپ، قولدانىستاعى زاڭناما اياسىندا بەيبىت اكسيالار جانە نارازىلىق شارالارىن ۇيىمداستىرۋ ءتارتىبى مەن وتكىزۋ ورىندارىن قايتا قارالۋدا دەپ جازادى Qamshy.kz اقپارات اگەنتتىگى. 

«ەل بىرلىگى – ونىڭ ءارالۋاندىعىندا!» ءپرينسيپى جامبىل وبلىسىندا تۇراتىن 87 ەتنوس پەن ەتنيكالىق توپتىڭ وكىلدەرى ءۇشىن باستى ۇستانىمعا اينالۋى ءتيىس. قازاق حالقىنىڭ مەملەكەت قۇراۋشى ۇلت رەتىندەگى ءرولىن بەكەمدەپ، ەتنوسارالىق تاتۋلىق پەن ءدىنارالىق تۇسىنىستىكتى قالىپتاستىرۋ – ماڭىزدى مىندەت.

وبلىستىق قازاقستان حالقى اسسامبلەياسىنىڭ حاتشىلىعى، تاراز قالاسى مەن اۋدان اكىمدەرى ۇلتارالىق تاتۋلىقتى نىعايتۋدا جۇيەلى جۇمىستار جۇرگىزەتىن بولادى.

جاقىن ارادا قابىلداناتىن «ازاماتتىق قوعامدى دامىتۋدىڭ 2025 جىلعا دەيىنگى تۇجىرىمداماسىندا» ۇكىمەتتىك ەمەس ۇيىمداردىڭ جاۋاپكەرشىلىكتەرى ارتىپ، جاڭا مىندەتتەر جۇكتەلمەك.

سونىمەن بىرگە، الداعى جىلى ءال-فارابيدىڭ 1150 جىلدىق، اباي قۇنانباي ۇلىنىڭ 175 جىلدىق مەرەيتويلارىن اتاپ ءوتۋ بويىنشا وبلىس دەڭگەيىندە تاربيەلىك ءمانى بار ءىس-شارالار ۇيىمداستىرىلاتىن بولادى. ەل ومىرىندەگى ماڭىزدى مەرەكە - تاۋەلسىزدىگىمىزدىڭ 30 جىلدىعىنا بايلانىستى وتكىزىلەتىن شارالار تاۋەلسىز مەملەكەتىمىزدىڭ جەتىستىكتەرى مەن قۇندىلىقتارىن جاستارىمىزدىڭ تەرەڭ ءبىلىپ، سەزىنۋلەرىنە باعىتتالماق.

ازاماتتاردىڭ قۇقىقتارى مەن قاۋىپسىزدىگىن قامتاماسىز ەتۋ دە ءوز الدىنا ۇلكەن مىندەت.

مەملەكەتتىك ورگاندار تاراپىنان كورسەتىلەتىن قىزمەتتەر جەمقورلىققا يتەرمەلەۋشى فاكتور ەكەندىگى بەلگىلى. ۇستىمىزدەگى جىلى «جامبىل – ادالدىق الاڭى» جوباسى اياسىندا تۇرعىندار تاراپىنان 140 شاعىم ءتۇسىپ، ونىڭ 52 ماسەلەسى شەشىلگەن، قالعان 88 ماسەلە باقىلاۋعا الىندى.

مەملەكەتتىك قىزمەت كورسەتۋدى بارىنشا اشىق بولۋىن قامتاماسىز ەتۋ، تۇرعىندارعا قولايلى جاعداي جاساۋ ماقساتىندا 6 سەرۆيستىك اكىمدىكتەر مەن فرونت-وفيستەر اشىلىپ، 7 مەكەمەنىڭ باسشىسى «وۋپەن سپەيس» فورماتىندا جۇمىس ىستەۋگە كىرىسسە، 133 مەملەكەتتىك ورگان باسشىسى كابينەتتەرىن ءبىرىنشى قاباتقا كوشىردى.

سوندىقتان، بۇل جۇمىستار ءارى قاراي دا پارمەندى جۇرگىزىلە بەرمەك.