ق ر تۇڭعىش پرەزيدەنتى ن.ءا.نازاربايەۆتىڭ 2013 جىلعى 1 ناۋرىزدا №511 جارلىعىمەن قىركۇيەكتىڭ ەكىنشى جەكسەنبىسى وتباسى كۇنى دەپ بەكىتىلگەنى بەلگىلى. وسىعان وراي، وبلىسى قحا قولداۋىمەن «قوعامدىق كەلىسىم» كمم–ءنىڭ ۇيىمداستىرۋىمەن «بەرەكەلى شاڭىراق» اتتى بايقاۋ ءوتتى دەپ جازادى Qamshy.kz اقپارات اگەنتتىگى. ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى مەن جاستار جىلى وراي تۇندىگىن تۇرگەن شارا بيىل سەمينار-ترەنينگ فەستيۆال تۇرىندە جالعاسىن تاپتى.

فەستيۆالدىڭ ماقساتى وتباسىلىق قۇندىلىقتاردى جانە رۋحاني-ادامگەرشىلىك قاسيەتتەردى جانداندىرۋ، ۇلتتىق داستۇرلەردى جاڭعىرتۋ، ەتنومادەني بىرلەستىكتەردىڭ ۇزدىك جاس وتباسىلارىن انىقتاۋ جانە كوتەرمەلەۋ، جاس وتباسى ينستيتۋتىن قولداۋ بولىپ تابىلادى.

شاراعا جاس وتباسىلار، جاستار ساياساتى جونىندەگى ساراپشىلار، رەسپۋبليكالىق جانە قالالىق ەتنومادەني بىرلەستىك وكىلدەرى، قحا جانىنداعى انالار كەڭەسى مۇشەلەرى جانە جاستارتار قاناتى بىرلەستىگى قاتىستى.

فەستيۆال وقىتۋ كۋرسى جانە فەستيۆال-بايقاۋ بويىنشا ەكى بولىمدە ءوتتى. ءبىرىنشى بولىمدە قاتىسۋشىلارعا «وتباسى ينستيتۋتىنىڭ قوعامداعى ءرولى» تاقىرىبىندا جاستار اراسىندا وتباسىلىق قۇندىلىقتاردى ءتۇسىندىرۋ، وتباسىنداعى جانجالدى جاعدايلاردى شەشۋ بويىنشا پراكتيكالىق قۇرالداردى مەڭگەرۋ ءۇشىن ءدارىس وقىلدى. سونداي-اق قاتىسۋشىلار اۋديتوريانىڭ پروبلەمالارىن انىقتاۋعا، ومىردە بولىپ جاتقان ءتۇردى وتباسىلىق ماسەلەلەردى شەشۋگە جانە تالقىلاۋعا باعىتتالعان ترەنينگكە قاتىستى. اتالعان ءدارىس پەن ترەنينگتى وبلىس بويىنشا «باقىتتى وتباسى» وتباسىلىق سوتتار جانىنداعى وتباسىن قولداۋ ورتالىعىنىڭ ۇيلەستىرۋشىلەرى ۇيىمداستىردى.

ال ەكىنشى بولىمدە ەتنيكالىق وتباسىلىق داستۇرلەردى ءبىلۋ، قاتىسۋشىلار وقىتۋ كۋرسى كەزىندە العان بىلىمدەرىن، پسيحولوگيالىق يكەمدىلىگىن جانە كۇردەلى وتباسىلىق ماسەلەلەردى شەشە ءبىلۋىن سارالاۋ ماقساتىندا ءتۇرلى سۇراقتارعا جاۋاپ بەرىپ، تاپسىرمالار ورىندادى.

جيىرما جاس وتباسى ب ا ق سىناسقان باسەكەدەن ناتەجيەسىندە I ورىن ق ر «باربانگ» كۇردىلەر اسسوسياسياسىنىڭ جامبىل وبلىسىنداعى فيليالى» قوعامدىق بىرلەستىگىنەن الييەۆتەردىڭ اۋلەتىنە بۇيىردى. دارەجەسىنە ساي مارەدەن ءبىرىنشى كورىنگەن وتباسىعا سوڭعى ۇلگىدەگى تەليەۆيزور تارتۋ ەتىلدى. II ورىن «جامبىل وبلىستىق «ماناس اتا» قىرعىز ەتنومادەني بىرلەستىگى» قوعامدىق بىرلەستىگىنەن شابدەنبەكتەردىڭ قانجىعاسىنا بايلاندى. جۇلدەلى ورىنعا شاڭسورعىش تۇرمىستىق تەحنيكالىق قۇرالى تارتۋ ەتىلدى. ال ءىىى ورىندى «جامبىل وبلىستىق «كورە» كارىستەر اسسوسياسياسى» قوعامدىق بىرلەستىگىنەن قاتىسقان جاس وتباسى ەلشىلەدى. جەڭىستى جۇپ قىسقا تولقىندى پەشكە يە بولدى. قالعان ون جەتى قاتىسۋشىنىڭ جەتەۋىنە بەلسەنە قاتىسقانى ءۇشىن ىدىس-اياق جابدىعى بەرىلسە، ون قاتىسۋشىعا توقپەن قايناتىلاتىن شاينەك تارتۋ ەتىلدى. سونداي-اق بارلىق قاتىسۋشىعا سەرتيفيكاتتار مەن ديپلومدار تابىستالدى.

ماراپاتتاۋ سالتاناتىنان سوڭ شاعىن كونسەرتتىك باعدارلاما ۇيىمداستىرىلدى. كونسەرتتە «ۇكىلىم-اي» بي ءانسامبلى، جانبولات تالاسباي جانە «بولاشاق» ۆوكالدىق تريوسى ءوز ونەرلەرىن كورسەتىپ ءان مەن بيدەن شاشۋ شاشتى.