حالىقتى الەۋمەتتىك قورعاۋ جانە قامسىزداندىرۋ شارالارى مەملەكەتىمىزدىڭ ۇستانعان باسىم باعىتتارىنىڭ نەگىزى. ارينە تۇرعىنداردىڭ تۇرمىسىن تۇزەۋ مەن الەۋمەتتىڭ الەۋەتىن ارتتىرۋ ەلباسىنىڭ دا، پرەزيدەنتتىڭ دا جولداۋىندا باسا ايتىلدى. سوندىقتان بۇل باعىتقا جامبىل وبلىسىندا ايرىقشا باسىمدىق بەرىلۋدە دەپ جازادى Qamshy.kz اقپارات اگەنتتىگى. ماسەلەن جامبىل اۋدانىندا جۇمىسسىزدىق دەڭگەيى 4،5% عانا. كۇنكورىستىڭ ەڭ تومەنگى دەڭگەيىنىڭ شاماسى حالىقتىڭ ورتا ەسەپپەن جان باسىنا شاققاندا 27 485 تەڭگەنى قۇرادى.

2019 جىلى جوسپار بويىنشا 1 474 ادام جۇمىسپەن قامتىلدى (جوسپار – 2 763 ادام). جوسپار 53،3%-عا ورىندالدى. ونىڭ ىشىندە: 257 ادام قىسقا مەرزىمدىك كاسىپتىك وقىتۋعا، 123 ادام كاسىپكەرلىك نەگىزدەرىن وقىتۋعا جولداندى جانە 45 ادامعا شاعىن نەسيە بەرىلدى، 460 ادام تۇراقتى جۇمىسقا، 108 ادام الەۋمەتتىك جۇمىس ورىندارىنا، 216 ادام جاستار تاجىريبەسى بويىنشا، 265 ادام اقىلى قوعامدىق جۇمىستارعا تارتىلدى.

اعىمداعى جىلى جۇمىسپەن قامتۋ بولىمىنە 1 564 ادام جۇمىسقا ورنالاسۋعا ءوتىنىش ءبىلدىرىپ، ونىڭ 1 049-ى قامتىلدى. ۋاكىلەتتى ورگاندار ارقىلى جۇمىسپەن قامتىلۋ دەڭگەيى – 67،0%-دى قۇرادى.

بيىل 2 670 وتباسىنىڭ 13 387 مۇشەسىنە 829 425،6 مىڭ تەڭگە مەملەكەتتىك اتاۋلى الەۋمەتتىك كومەك تاعايىندالدى جانە 2018 جىلدان وتپەلى سومانى قوسا العاندا 978 616 مىڭ تەڭگە تولەندى، 468 وتباسىنىڭ 2 625 مۇشەسىنە 11 389،0 مىڭ تەڭگە تۇرعىن ءۇي جاردەماقىسى تولەندى، 103 وتباسىداعى 108 ۇيدە وقىتىلىپ جاتقان مۇگەدەك بالالارعا 3 400 مىڭ تەڭگە جاردەماقى تاعايىندالىپ، تولەندى. جەرگىلىكتى وكىلەتتى ورگانداردىڭ شەشىمى بويىنشا مۇقتاج ازاماتتاردىڭ جەكەلەگەن توپتارىنا ءبىر رەتتىك الەۋمەتتىك كومەك 544 ادامعا 27 911 مىڭ تەڭگە تاعايىندالىپ، تولىق تولەندى.

اۋدان بويىنشا 2 605 مۇگەدەكتەر تىركەلگەن، ونىڭ 1 توپتاعىسى 193 ادام، 2 توپتاعىسى 758 ادام، 3 توپتاعىسى 1 166 ادام، 16 جاسقا دەيىنگى مۇگەدەك بالالار سانى 488 ادام.

جالپى 2019 جىلعا مۇمكىندىگى شەكتەۋلى 41 ازاماتتى جۇمىسپەن قامتۋ جوسپارلانعان. قازىرگى تاڭدا 37 ازامات جۇمىسپەن قامتىلدى. ونىڭ ىشىندە "جاستار پراكتيكاسى" ارقىلى 1 ادام، 4 ادام اقىلى قوعامدىق جۇمىسقا، 3 ادام الەۋمەتتىك جۇمىس ورىندارىنا، 5 ادام قىسقا مەرزىمدىك كاسىپتىك وقىتۋعا جانە 9 ادام كاسىپكەرلىك نەگىزدەرىن وقىتۋعا جولداما الدى، 5 ازاماتقا شاعىن نەسيە بەرىلدى، 10 ادام تۇراقتى جۇمىسپەن قامتىلدى.

اۋداندىق مەكەمەلەرگە مۇگەدەكتەردىڭ كىرىپ-شىعۋىنا جاعداي جاساۋ ماقساتىندا 2019 جىلعا 10 نىساندى بەيىمدەۋگە 4 146،0 مىڭ تەڭگە ءبولىندى.