جامبىل اۋدانىندا بويىنشا اۆتوموبيل جولدارىنىڭ جالپى ۇزىندىعى 716،7 شاقىرىمدى قۇرايدى. اتاپ ايتقاندا: رەسپۋبليكالىق ماڭىزى بار جولداردىڭ جالپى ۇزىندىعى 72 شاقىرىم. ونىڭ 58 شاقىرىمى «باتىس ەۋروپا – باتىس جۇڭگو» اۆتوجولى دەپ جازادى Qamshy.kz اقپارات اگەنتتىگى. 

- وبلىستىق ماڭىزى بار اۆتوموبيل جولدارىنىڭ ۇزىندىعى 85،7 شاقىرىم؛

- اۋداندىق ماڭىزى بار جولداردىڭ جالپى سانى 35، ۇزىندىعى 163،0 شاقىرىم؛

- ەلدى مەكەندەردەگى كوشەلەر سانى – 475، ۇزىندىعى - 396 شاقىرىم. ونىڭ 157 شق ءاسفالتتى توسەم، 239 شق شاعالدى توسەم.

2019 جىلى اۋدان بويىنشا اۆتوموبيل جولدارىن ۇستاۋعا 48،5 ملن تەڭگە جانە اۋداندىق ماندەگى اۆتوموبيل جولدارىن جوندەۋگە 128،9 ملن تەڭگە ءبولىندى. بۇل قاراجاتتارعا اۋداندىق ماڭىزى بار 5 جول (اسا-مىرزاتاي، ءايشابيبى-قاراتاۋ، پيونەر-سەڭگىرباي، قۇمتيىن-ورنەك-ەرنازار جولدارى) ورتاشا جوندەۋدەن وتكىزىلەدى.

سونىمەن قاتار، اۋىل ىشىلىك جولداردى جوندەۋگە 207،3 ملن تەڭگە ءبولىنىپ، بۇل قاراجاتتارعا 11 اۋىلدىڭ 24 كوشە جولدارى جوندەۋدەن وتكىزىلەدى.

2019 جىلى جالپى اۋدان بويىنشا اۆتوموبيل جولدارىن جوندەۋگە جانە ۇستاۋعا 384،8 ملن تەڭگە ءبولىندى.

اباتتاندىرۋ، كوگالداندىرۋ، كوشەلەردى جارىقتاندىرۋ

2019 جىلعا اۋداندىق بيۋدجەتتەن ەلدى مەكەندەردىڭ سانيتارياسىن كامتاماسىز ەتۋ ماقساتىندا 33 ملن 375 مىڭ تەڭگە ءبولىندى.

ال، اباتتاندىرۋ جانە كوگالداندىرۋ جۇمىستارىنا 139 ملن 742 مىڭ تەڭگە ءبولىندى.

2019 جىلعا ەلدى مەكەندەردەگى كوشەلەردى جارىقتاندىرۋعا، اتاپ ايتقاندا، ەلەكتر جەلىسىنىڭ جانە ترانسفورماتورلاردىڭ تەحنيكالىق قىزمەتى مەن تۇتىنىلعان ەلەكتر ەنەرگياسى ءۇشىن كوممۋنالدىق اقى تولەۋگە 111 ملن 920 مىڭ تەڭگە ءبولىندى.

اۋدانداعى 42 ەلدى مەكەننىڭ 19-دا ورتالىقتاندىرىلعان اۋىز سۋ جۇيەسى بار (45،2%). 83 178 ادامنىڭ ورتالىقتاندىرىلعان اۋىز سۋمەن 39 526-ى نەمەسە 47،5% قامتىلعان.

جالپى تۇرعىنداردى ساپالى اۋىز سۋمەن قامتاماسىز ەتۋ كورسەتكىشى 75،1% قۇرادى (83 178 حالىقتىڭ 62 466 قامتىلعان).

اۋدان بويىنشا 42 ەلدى-مەكەننىڭ 24ء-ى گازبەن قامتىلعان نەمەسە 57،1%-قۇرايدى.

2017 جىلى 13 ەلدى مەكەنگە (راحات، ەڭبەك، تاستوبە، كولقاينار، قاراسۋ، شايدانا، قاراكەمەر، قۇمتيىن، جۇما، ورنەك، ەرنازار، قاراتاۋ، اۋليەكول) ماگيسترالدىق گاز قۇبىرلارىن جۇرگىزۋ ماقساتىندا جامبىل وبلىسى اكىمدىگىنىڭ ەنەرگەتيكا جانە تۇرعىن ءۇي كوممۋنالدىق شارۋاشىلىعى باسقارماسى تاراپىنان جوبالىق-سمەتالىق قۇجاتتامالارى دايىندالدى. جالپى جوبانىڭ قۇنى – 4 ملرد 531،4 ملن تەڭگە.

اعىمداعى جىلى رەسپۋبليكالىق بيۋدجەتتەن 300 ملن تەڭگە جانە وبلىستىق بيۋدجەتتەن 33 ملن تەڭگە ءبولىنىپ، گاز تاراتۋ نۇكتەسىنەن باستاپ قاراجات كولەمىنە قاراي ماگيسترالدىق گاز قۇبىرلارىن جۇرگىزۋ جۇمىستارى باستالدى.

اتالعان نىسان وتپەلى بولىپ، 2020 جىلعا رەسپۋبليكالىق بيۋدجەتتەن قاراجات تولىعىمەن بولىنگەن جاعدايدا ماگيسترالدىق گاز قۇبىرلارىنىڭ قۇرىلىس-مونتاج جۇمىستارىن تولىعىمەن اياقتاۋ جوسپارلانۋدا.

ەلدى مەكەندەرگە اۋىل ىشىلىك گاز قۇبىرلارىنىڭ قۇرىلىس-مونتاج جۇمىستارىن جۇرگىزۋ ماقساتىندا جسق-ن دايىنداۋ ءۇشىن وبلىستىق بيۋدجەتتەن قاراجات بولۋگە ءوتىنىم بەرىلدى. وسىعان سايكەس، اعىمداعى جىلى 5 ەلدى مەكەننىڭ (اششىبۇلاق، تاستوبە، راحات، قاراكەمەر، ەڭبەك) ىشكى جەلىلىك گاز قۇبىرلارىنىڭ جسق-ن دايىنداۋعا 40 ملن 525 مىڭ تەڭگە ءبولىنىپ، ءتيىستى جۇمىستار جۇرگىزىلۋدە. قالعان 8 ەلدى مەكەن بويىنشا جسق-دايىنداۋعا 2020 جىلى وبلىستىق بيۋدجەتتەن قارجى ءبولۋ جوسپارلانۋدا.

جالپى 13 ەلدى مەكەننىڭ تۇرعىندارىن ماگيسترالدىق جانە ىشكى جەلىلىك گاز قۇبىرلارىنىڭ قۇرىلىسىن اياقتاپ، تابيعي گازعا قوسۋ 2021 جىلعا جوسپارلانىپ وتىر.