«ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلاماسى» اياسىندا جامبىل وبلىسى جامبىل اۋدانىندا بيىلعى جىلى 1 181 ادامدى جۇمىسپەن قامتۋ جوسپارلانسا، ەسەپتى كەزەڭدە 1 014 ادام جۇمىسپەن قامتىلىپ، جوسپار 85،8 پايىزعا ورىندالىپ وتىر دەپ جازادى Qamshy.kz اقپارات اگەنتتىگى. باعدارلامانىڭ 1 باعىتى قاتىسۋشىلاردى تەحنيكالىق جانە كاسىپتىك بىلىممەن جانە قىسقا مەرزىمدى كاسىپتىك وقۋمەن قامتاماسىز ەتۋ بويىنشا رەسپۋبليكالىق بيۋدجەتتەن 41 ملن 905 مىڭ تەڭگە ءبولىنىپ، 220 ادامدى وقىتۋ جوسپارلانىپ، 1-2 كەزەڭ بويىنشا 257 ادام جولداندى.

باعدارلامانىڭ 2 باعىتى جاپپاي كاسىپكەرلىكتى دامىتۋ اياسىندا 2019 جىلعا 120 ادامدى كاسىپكەرلىك نەگىزدەرىن وقىتۋعا، 140 جۇمىسسىز ازاماتتارعا نەسيە بەرۋ جانە 74 ادامعا جاڭا بيزنەس يدەيالاردى ىسكە اسىرۋعا ارنالعان مەملەكەتتىك گرانت بەرۋ جوسپارلانىپ وتىر.

ەسەپتى كەزەڭدە «اتامەكەن كاسىپكەرلىك پالاتاسى» ارقىلى 1-2-3 كەزەڭ بويىنشا 123 ادام وقۋعا جولداندى. 45 ادامعا 174،3 ملن تەڭگە كولەمىندە شاعىن نەسيە بەرىلدى.

باعدارلامانىڭ 3 باعىتى حالىقتى جۇمىسپەن قامتۋعا جاردەمدەسۋ جانە ەڭبەك رەسۋرستارىنىڭ ۇتقىرلىعى ارقىلى ەڭبەك نارىعىن دامىتۋ بويىنشا ازاماتتاردى مەملەكەتتىك، سالالىق جانە وڭىرلىك باعدارلامالار اياسىندا جۇرگىزىلەتىن قۇرىلىس جانە جوندەۋ جۇمىستارىنا تارتۋ ماقساتىندا 2019 جىلى 182،5 ملن تەڭگە ءبولىنىپ، بۇل قاراجاتتارعا 627 ادامدى جۇمىسپەن قامتۋ جوسپارلانسا، ەسەپتى كەزەڭدە ناقتى 589 ادام ورنالاستى. اتاپ ايتقاندا:

- الەۋمەتتىك جۇمىس ورىندارىنا 108 ادام (جوسپار – 100 ادام)؛

- جاستار تاجىريبەسى بويىنشا 216 ادام (جوسپار – 220 ادام)؛

- اقىلى قوعامدىق جۇمىستارعا 265 ادام (جوسپار – 307 ادام).

دەنساۋلىق ساقتاۋ سالاسىندا 35 مەكەمە مەن ۇيىمدار حالىققا قىزمەت كورسەتەدى، وندا بارلىعى 106 دارىگەرلەر مەن 492 ورتا بۋىنداعى مەديسينا قىزمەتكەرلەرى بار. جالپى اۋدان بويىنشا 10 مىڭ تۇرعىندارعا دارىگەرلەرمەن قامتىلۋ كورسەتكىشى 12،8 ءپروميلدى قۇرادى.

2019 جىلى 1000 ادامعا شاققاندا تۋۋ كورسەتكىشى 18،67 ءپروميلدى قۇرادى. 1000 ادامعا شاققاندا ءولىم كورسەتكىشى 5،46 ءپروميلدى قۇرادى.

بيىل انا ءولىمى تىركەلمەگەن. ال 1 جاسقا دەيىنگى سابيلەر ءولىمى كورسەتكىشى 5،7 ءپروميلدى قۇرادى. نارەستە ءولىمى بويىنشا 9 جاعداي ورىن العان.

اعىمداعى جىلى 20 ادامدا تۋبەركۋلەز اۋرۋى انىقتالدى. 100 مىڭ ادامعا شاققاندا تۋبەركۋلەزبەن اۋىرعاندار كورسەتكىشىنىڭ كوەففيسەنتى 37،5 ءپروميلدى قۇرادى.

سونىمەن قاتار، 100 مىڭ ادامعا شاققاندا قانت ديابەتىمەن ناۋقاستانعاندار كوەففيسيەنتى 85،3ء-نى، قان قىسىمىمەن ناۋقاستانعاندار كوەففيسيەنتى 1 668،9-نى، جاڭادان پايدا بولعان قاتەرلى ىسىك اۋرۋلارى 78ء-دى، ناركولوگيالىق تاۋەلدىلىككە دۋشار بولعاندار كورسەتكىشى 87،7ء-تى قۇراپ، جۇيكەسى سىر بەرگەندەر كورسەتكىشى 11،0-گە جەتتى.