جامبىل وبلىسى جامبىل اۋدانىندا 90 جىلىجاي بار (كولەمى 8 212 گا)، ونىڭ ىشىندە اسا اۋىلدىق وكرۋگىندە – 3، ءايشابيبى اۋىلدىق وكرۋگىندە – 1، اقبۇلىم اۋىلدىق وكرۋگىندە – 6، قاراتوبە اۋىلدىق وكرۋگىندە – 79، پولاتقوسشى اۋىلدىق وكرۋگىندە - 1. اۋدان بويىنشا بارلىعى 1094،7 گا ەگىس القاپتارى جاڭا سۋ ۇنەمدەۋ تەحنولوگياسىمەن سۋعارىلادى. ونىڭ ىشىندە 230 گا جاڭبىرلاتىپ، 864،7 گا تامشىلاتىپ سۋارۋ ءادىسى ەنگىزىلگەن دەپ جازادى Qamshy.kz اقپارات اگەنتتىگى. ۇستىمىزدەگى جىلى شارۋا قوجالىقتاردىڭ ءوز قاراجاتتارى ەسەبىنەن 12 ملن 350 مىڭ تەڭگەگە 5 تەحنيكا ساتىپ الىندى (قاراكەمەر ا/و – «عالىمجان» شق).

اۋداندا 2019 جىلعا ارنالعان ەپيزووتياعا قارسى اتقارىلاتىن ءىس-شارالار جوسپارىنا سايكەس 105 ملن تەڭگە ءبولىندى. ەسەپتى كەزەڭدە تومەندەگىدەي ەگۋ-ەمدەۋ جۇمىستارى جۇرگىزىلدى:تۋبەركۋلەزگە قارسى ەگۋ 32 500 باس ءمۇيىزدى ءىرى قارا، 40 باس تۇيە؛ اۋسىلعا قارسى ەگۋ 55 000 باس ءمۇيىزدى ءىرى قارا، 228 800 باس قوي-ەشكى، 1 800 باس شوشقا؛ ءسىبىر جاراسىنا 36 000 باس ءمۇيىزدى ءىرى قارا، 130 000 باس قوي-ەشكى، 10 000 باس جىلقى، 30 باس تۇيە، 1 600 باس شوشقا. ەحيناكوككوزعا قارسى 15 000 يتكە ەگۋ جۇمىستارى جۇرگىزىلدى.

2019 جىلى سارىپ (برۋسەللەز) اۋرۋىنا اۋدان بويىنشا 27 164 باس ءىرى قارادان جانە 113 301 باس ۇساق مالدان قان سىنامالارى الىنىپ، 40 باس ءمىق مەن 213 باس ۇساق مال وڭ ناتيجە كورسەتتى.

اۋىل شارۋاشىلىعى جانۋارلارىن بىردەيلەندىرۋ جانە دەرەكتەر قورىنا ەنگىزۋ بويىنشا 2019 جىلعا اۋداندىق بيۋدجەتتەن 4 ملن 819 مىڭ تەڭگە ءبولىندى. ەسەپتى كەزەڭدە 22 948 باس ءمىق، 123 013 باس ۇساق مال، 2 114 باس جىلقى، 50 تۇيە جانە 858 باس شوشقا بىردەيلەندى.

قاڭعىباس يتتەر مەن مىسىقتاردى اۋلاپ جويۋ جۇمىستارىنا 3 ملن 34 مىڭ تەڭگە ءبولىنىپ، 1 090 قاڭعىباس يتتەر اۋلانىپ جويىلدى.

كونگو-قىرىم گەمورراگيالىق قىزباسىنا قارسى زالالسىزداندىرۋ جۇمىستارىنىڭ ءبىرىنشى كەزەڭى تولىق اتقارىلىپ، ەكىنشى كەزەڭگە 1 912 باس ءمىق، 8 833 باس ۇساق مال، 504 باس جىلقى، جالپى اۋماعى 553 800 شارشى مەتردى قۇرايتىن 885 قورا-جاي جانە 29 400 شارشى مەتر بۋفەرلىك اۋماققا دەزينسەكسيا جۇمىستارى جۇرگىزىلۋدە.

بيىل 23 974،4 توننا ءسۇت، ءتىرى سالماقتا 4 489،2 توننا جانە سويىس سالماقتا 2 468،5 توننا ەت، 40 036،6 مىڭ دانا جۇمىرتقا ءوندىرىلدى. 2018 جىلدىڭ ءتيىستى كەزەڭىمەن سالىستىرعاندا ءسۇت 102،9 پايىزعا، ەت 105،2 پايىزعا، جۇمىرتقا 116،2 پايىزعا ورىندالدى.

اۋداندا ءىرى قارا مالىنىڭ باسى – 44 806، قوي-ەشكى – 250 631، جىلقى – 19 244، تۇيە – 118، ءۇي قۇستارى – 343 533 باسقا جەتىپ، شوشقا مالىنىڭ سانى 1 967 باستى قۇرادى.

اۋدان كولەمىندە 6 370 باسقا ارنالعان 13 مال بورداقىلاۋ الاڭدارى (ءمىق – 5 390 باس، قوي – 650 باس، جىلقى – 330 باس) جانە 14 تاۋارلى ءسۇت فەرمالارى (ءمىق – 2 230 باس، ونىڭ ىشىندە 1 731 باس سيىر) بار.