بۇگىندە وڭىرلەردىڭ الەۋەتىن ارتتىرۋ باعىتىندا از جۇمىستار جاسالىپ جاتقان جوق. ەلدىڭ ەڭسەسىن تىكتەۋ ءۇشىن ءتۇرلى مەملەكەتتىك باعدارلامالار جاندانىپ، ەل يگىلىگىنە جاراۋدا. بۇل ءسوز جوق مەملەكەت باسشىسى قاسىم-جومارت توقايەۆتىڭ سىنداردى ساياساتىنىڭ ءبىر كورىنىسى. مۇنداي يگى باستامالار كيەلى اۋليەاتا وڭىرىندە دە كوش ىلگەرى دەپ جازادى Qamshy.kz اقپارات اگەنتتىگى. ماسەلەن جامبىل وبلىسى جامبىل اۋداننىڭ بيىلعا جالپى شىعارىلعان ءونىم كولەمى 35 ميلليارد 998،3 ملن تەڭگەنى قۇراپ، 2018 جىلدىڭ ءتيىستى كەزەڭىمەن سالىستىرعاندا 126،9 پايىزعا اسقان.
ونەركاسىپ سالاسىندا 11 ميلليارد 134،5 ميلليون تەڭگەگە ءونىم وندىرىلگەن. بۇل كورسەتكىش 2018 جىلدىڭ ءتيىستى كەزەڭىمەن سالىستىرعاندا 220،6 پايىزدى قۇرادى. «امانگەلدى گاز وڭدەۋ زاۋىتى» ج ش س 6 ميلليارد 398،3 ميلليون تەڭگەگە 49،9 مىڭ توننا ءونىم ءوندىردى.
«كناۋفگيپستاراز» جشس-دە 740،8 ميلليون تەڭگەگە 352،1 مىڭ توننا گيپس ونىمدەرى ءوندىرىلدى نەمەسە 100،6 پايىزعا جەتتى. «بينومسترويدەتال» ج ش س 135،2 ميلليون تەڭگەگە 13،2 مىڭ توننا تەمىربەتون بۇيىمدارىن شىعاردى نەمەسە وتكەن جىلدىڭ ءتيىستى كەزەڭىمەن سالىستىرعاندا 126 پايىزعا ورىندالدى.
«سۋپەرفارم» ج ش س 380،3 ميلليون تەڭگەگە 2 747 مىڭ دانا ماتادان جاسالمايتىن مەديسينالىق بۇيىمدار شىعاردى.
«كازۋپاكترەيد» جشس-دە 57،1 ميلليون تەڭگەگە 5،7 مىڭ توننا گيپس ونىمدەرى ءوندىرىلدى.
قازاقستان رەسپۋبليكاسىن يندۋستريالىق-يننوۆاسيالىق دامىتۋدىڭ 2015 - 2019 جىلدارعا ارنالعان مەملەكەتتiك باعدارلاماسى اياسىندا 2019 جىلعا كاسىپكەرلىكتى دامىتۋ كارتاسىنا 2 جوبانى ەنگىزۋ جوسپارلانعان.
ءايشابيبى اۋىلدىق وكرۋگىنەن «سۋپەرفارم» ءجشس-نىڭ «ءبىر رەتتىك مەديسينالىق بۇيىمدار شىعاراتىن زاۋىتىنىڭ كولەمىن كەڭەيتۋ» قۇرىلىسىن ىسكە اسىرۋ جوباسىنىڭ قۇنى شامامەن 3،5 ميلليارد تەڭگە. جەر كولەمى – 1،5 گەكتار. 250 ادام جۇمىسپەن قامتىلاتىن بولادى. ءقازىر قۇرىلىس-مونتاج جۇمىستارى جۇرگىزىلۋدە. پايدالانۋعا بەرۋ مەرزىمى – 2019 جىلدىڭ قاراشا ايى. جوبا جامبىل وبلىسىنىڭ يندۋستريالاندىرۋ كارتاسىنا ەنگىزىلگەن.
ارينە بۇل الاقان القىزىل تۇسكە ەنگەنشە الاقايلاپ قۋاناتىن نارسە. سەبەبى تۇرعىنداردىڭ تۇرمىسىنىڭ تۇزەلۋى ەڭ ءبىرىنشى ءوڭىر، ولكە ەكونوميكاسىنىڭ قارىشتاپ دامىپ جاتقانىن ايعاقتايدى. سوندىقتان جامبىل اۋدانىندا جاسالىپ جاتقان يگى تىرلىكتەرگە تەك ساتتىلىك تىلەيمىز!
پىكىر قالدىرۋ