ەل ەكونوميكاسىنىڭ نەگىزگى تىرەگىنىڭ ءبىرى - قۇرىلىس سالاسى ەكەنى بەلگىلى. ال بۇل باعىتتا مەملەكەت تاراپىنان جاسالىپ جاتقان يگى ىستەر از ەمەس. جانە ءتۇرلى مەملەكەتتىك باعدارلامالار وسى باعىتقا باعىتتالۋدا. ولاردىڭ قاتارىندا جامبىل وبلىسىنىڭ شوقتىعى بيىك دەپ جازادى Qamshy.kz اقپارات اگەنتتىگى. 2019 جىلى جالپى كولەمى 3 ملرد 277،5 ملن تەڭگەگە قۇرىلىس جۇمىستارى جۇرگىزىلدى، بۇل 2018 جىلدىڭ ءتيىستى كەزەڭىمەن سالىستىرعاندا 154،1%-دى قۇرادى.

2019 جىلى بيۋدجەت قاراجاتتارى ەسەبىنەن 1 ملرد 134،9 ملن تەڭگەگە قۇرىلىس جۇمىستارى جۇرگىزىلەدى. اتاپ ايتقاندا:

- اسا اۋىلىنداعى «بايتەرەك» ماسسيۆىنە ينجەنەرلىك ينفراقۇرىلىمى جانە اباتتاندىرۋ قۇرىلىسىنا اۋداندىق بيۋدجەتتەن 27،5 ملن تەڭگە ءبولىنىپ، ەسەپتى كەزەڭدە 23،5 ملن تەڭگەسى يگەرىلدى؛

- تۇركسىب اۋىلىنان 140 ورىندىق مەكتەپ قۇرىلىسى رەسپۋبليكالىق بيۋدجەتتەن 500،0 ملن تەڭگە، وبلىستىق بيۋدجەتتەن 55،5 ملن تەڭگە ءبولىندى؛

- بىرلەسۋ-ەڭبەك اۋىلىنان 140 ورىندىق مەكتەپ قۇرىلىسىنا وبلىستىق بيۋدجەتتەن 363،4 ملن تەڭگە ءبولىنىپ، ەسەپتى كەزەڭدە تولىق يگەرىلدى؛

- ءايشابيبى اۋىلىنىڭ كۋپكا قۇرىلىسىن سالۋ ءۇشىن اۋداندىق بيۋدجەتتەن 7،3 ملن تەڭگە ءبولىنىپ، ەسەپتى كەزەڭدە 6،2 ملن تەڭگەسى يگەرىلدى؛

- قاراكەمەر اۋىلىنىڭ كۋپكا قۇرىلىسىن سالۋ ءۇشىن اۋداندىق بيۋدجەتتەن 7،3 ملن تەڭگە ءبولىنىپ، ەسەپتى كەەڭدە 6،2 ملن تەڭگەسى يگەرىلدى؛

- قاراسۋ اۋىلىنىڭ كۋپكا قۇرىلىسىن سالۋ ءۇشىن اۋداندىق بيۋدجەتتەن 7،2 ملن تەڭگە ءبولىنىپ، ەسەپتى كەزەڭدە 6،3 ملن تەڭگەسى يگەرىلدى؛

- اسا اۋىلى اباي كوشەسىنەن امبەباپ زالى بار سپورت كەشەنى قۇرىلىسىنا «اۋىل – ەل بەسىگى» ارنايى جوباسى اياسىندا رەسپۋبليكالىق بيۋدجەتتەن 150،0 ملن تەڭگە، وبلىستىق بيۋدجەتتەن 16،7 ملن تەڭگە ءبولىندى.

بيىل نەگىزگى كاپيتالعا سالىنعان ينۆەستيسيانىڭ جالپى كولەمى 17 ملرد 879،4 ملن تەڭگەنى نەمەسە 2018 جىلدىڭ ءتيىستى كەزەڭىمەن سالىستىرعاندا 109،7%-دى قۇرادى.

جان باسىنا شاققاندا نەگىزگى كاپيتالعا سالىنعان ينۆەستيسيا كولەمى 214 211 تەڭگەنى قۇرادى جانە 2018 جىلدىڭ ءتيىستى كەزەڭىمەن سالىستىرعاندا 108،4%-عا جەتتى.

بولشەك ساۋدا تاۋار اينالىمى 3 ملرد 883،7 ملن تەڭگە نەمەسە 130،2% بولدى. سونىمەن قاتار، كوتەرمە ساۋدا اينالىمىنىڭ كولەمى 8 ملرد 512،9 ملن تەڭگەنى نەمەسە 2018 جىلدىڭ ءتيىستى كەزەڭىمەن سالىستىرعاندا 82،8% بولدى.

ورتاشا ايلىق جالاقى كولەمى 128 658 تەڭگەنى نەمەسە 2018 جىلدىڭ ءتيىستى كەزەڭىمەن سالىستىرعاندا 113،1%-دى قۇراپ وتىر.