باسپانا باقىت شامى. بۇگىندە بۇل قاعيدا دالەلدەۋدى قاجەت ەتپەيتىن اكسيوما. بيىل جامبىل وبلىسى جامبىل اۋدانىندا جالپى الاڭى 37 719 شارشى مەتردى قۇرايتىن 276 جەكە مەنشىك تۇرعىن ءۇي قابىلداندى، بۇل 2018 جىلدىڭ ءتيىستى كەزەڭىمەن سالىستىرعاندا 120،6%-عا ورىندالدى.
اۋدان بويىنشا تۇرعىن ءۇي كەزەگىندە 639 ادام تۇر. ونىڭ ىشىندە جەتىم جانە اتا-اناسىنىڭ قامقورلىعىنسىز قالعان 99 بالا، الەۋمەتتىك ءالسىز توپتاعى 292 ادام، 138 كوپ بالالى وتباسى جانە 110 مەملەكەتتىك قىزمەتشىلەر.
سونداي-اق، جالپى اۋدان بويىنشا 9 568 ادام جەكە مەنشىك تۇرعىن ءۇي قۇرىلىسىنا جەر تەلىمىن الۋعا كەزەكتە تۇر دەپ جازادى Qamshy.kz اقپارات اگەنتتىگى. اۋدان بويىنشا سالىقتىق تۇسىمدەردىڭ ورىندالۋى 104،5%-دى قۇرادى.
رەسپۋبليكالىق بيۋدجەت 98،1%-عا ورىندالدى.
جەرگىلىكتى بيۋدجەت 106،8%-عا ورىندالدى. ونىڭ ىشىندە اۋداندىق بيۋدجەت 67،9 ملن تەڭگەگە، وبلىستىق بيۋدجەت 79،0 ملن تەڭگەگە ارتىق جەتتى.
اۋدان بويىنشا جالپى تىركەلگەن 4 800 كاسىپكەرلىك نىساندارىندا 7 534 ادام جۇمىسپەن قامتىلدى. بارلىق شاعىن كاسىپكەرلىك سالاسى بويىنشا ەسەپتى كەزەڭدە 16 ملرد 296،5 ملن تەڭگەنىڭ ءونىمى وندىرىلگەن. بۇل اۋداندا جالپى شىعارىلعان ءونىم كولەمىنىڭ 45،2% قۇرايدى.
«بيزنەستىڭ جول كارتاسى 2020» باعدارلاماسىنىڭ بارلىق قۇرالدارى بويىنشا 2010-2017 جىلدارى جالپى 71 جوبا (4 ملرد 571،9 ملن تەڭگە) ىسكە اسىرىلدى.
اتاپ ايتقاندا:
- پايىزدىق ستاۆكانى سۋبسيديالاۋ بويىنشا 29 جوبا (1 ملرد 904 ملن تەڭگە)؛
- بانكتىك كرەديتتەرى بويىنشا كەپىلدىك بەرۋ بويىنشا 1 جوبا (7،5 ملن تەڭگە)؛
- گرانتتىق قارجىلاندىرۋ بويىنشا 4 جوبا (11 ملن تەڭگە)؛
- وندىرىستىك ينفراقۇرىلىمدى دامىتۋ بويىنشا 4 جوبا (424 ملن تەڭگە).
2011 جىلى 322،8 ملن تەڭگەگە 2 جوبا:
- پايىزدىق ستاۆكانى سۋبسيديالاۋ بويىنشا «Super-Pharm» ج ش س قۇرال-جابدىقتار ساتىپ الۋ ءۇشىن 265،0 ملن تەڭگە؛
- وندىرىستىك ينفراقۇرىلىمدى دامىتۋ بويىنشا «ءالجان ازيا» ج ش س جىلىجاي كەشەنىنە 57،8 ملن تەڭگە.
2012 جىلى 412،9 ملن تەڭگەگە - 4 جوبا:
- پايىزدىق ستاۆكانى سۋبسيديالاۋ بويىنشا «قۋانىش» شق جىلىجاي كەشەنىنىڭ قۇرىلىسىنا جانە اۋىل شارۋاشىلىعى تەحنيكالارىن ساتىپ الۋ ءۇشىن 50 ملن تەڭگە جانە «ايان» شق ءتاۋارلى-سۇت فەرماسىنىڭ قۇرىلىسىنا 20،0 ملنتەڭگە؛
- وندىرىستىك ينفراقۇرىلىمدى دامىتۋ بويىنشا «بينومسترويدەتال» ءجشس-نىڭ قۇرىلىس ماتەريالدار كومبيناتى 13،6 ملن تەڭگە جانە «وڭتۇستىك حالال تاعامدارى» ج ش س 329،3 ملن تەڭگە.
پىكىر قالدىرۋ