جامبىل وبلىس اكىمدىگىنىڭ مادەنيەت، ارحيۆتەر جانە قۇجاتتاما باسقارماسى مەن جامبىل وبلىسى اكىمدىگىنىڭ ىشكى ساياسات باسقارماسىنىڭ «وڭىرلىك كوممۋنيكاسيالار قىزمەتىنىڭ» بىرلەسىپ ۇيىمداستىرۋىمەن «اشىق ەسىك» كۇنى ءوتتى. شارا شىمىلدىعىن ش.ءۋاليحانوۆ اتىنداعى وبلىستىق عىلىمي-امبەباپ كىتاپحاناسىندا وبلىس اكىمدىگىنىڭ مادەنيەت، ارحيۆتەر جانە قۇجاتتاما باسقارماسىنىڭ باسشىسى دۇيسەنالى بىقىبايەۆ اشتى. مادەنيەت، ونەر جانە ارحيۆ قىزمەتكەرلەرى، ب ا ق وكىلدەرى جانە الەۋمەتتىك جەلى بەلسەندىلەرى قاتىسقان ءىس-شارانىڭ باستى ماقساتى – باسقارمانىڭ جۇمىسىن كورسەتىپ، مادەنيەت سالا ماماندارىنىڭ ەڭبەكتەرىمەن تانىستىرۋ.

كەلگەن قوناقتار ءبىرىنشى ش.ءۋاليحانوۆ اتىنداعى وبلىستىق عىلىمي امبەباپ كىتاپحاناسىنىڭ ءىشىن ارالادى. العاشىندا كىتاپحانا ديرەكتورى ەلميرا ابدينوۆا عيمارات ءىشىن تانىستىرىپ، ارى قاراي مەكەمە قىزمەتكەرلەرى اتقاراتىن جۇمىستارىن كورسەتتى. زاماناۋي كىتاپحانا ءومىرى قوناقتارىمىزعا قىزىقتى بولدى.

ادەبيەت پەن تەاتردىڭ، بەينەلەۋ ونەرى مەن مۋزىكانىڭ كوركەمدىك قاسيەتتەرىن ۇتىمدى پايدالاناتىن كوپ سالالى ونەردىڭ ءبىر ءتۇرى – كينو الەمى. جوسپار بويىنشا كەلەسى نىسان – وبلىستىق كينو ورتالىعى. وسى ءبىر قيىن ءارى قىزىقتى جۇمىس بارىسىن جامبىل وبلىستىق كينو ورتالىعى ديرەكتورىنىڭ ورىنباسارى جەڭىس قالمۇرزايەۆ باعدارلاپ ءتۇسىندىردى. كينونىڭ كەشەگىسىن، بۇگىنگىسىن جانە بولاشاعىن، جالپى وسى الەمنىڭ جەتىستىكتەرىن ايتىپ، فيلمدەردەن ءۇزىندى كورسەتتى.

شاراعا قاتىسۋشىلار ەندىگى كەزەكتە جامبىل وبلىستىق قازاق دراما تەاترىنا ات باسىن بۇردى. شارا اياسىندا، جاقىندا كورەرمەن نازارىنا ۇسىنىلاتىن جاڭا قويىلىمدار حابارلانىپ، قوناقتارىمىزعا ارنايى شاقىرتۋلار بەرىلدى. تەاتر باسشىسى بولات بەكجانوۆ قوناقتارعا تەاتر تاريحىنان سىر شەرتىپ، ءوز ومىرىندەگى ەستەلىكتەرىمەن ءبولىستى.

ارحيۆ – تاريح ايناسى ەكەنى وتىرىك ەمەس. وتكەنىمىزدى بىلمەي، قانداي جادىگەرلەرىمىزدىڭ بارىن بىلمەي، العا قادام جاساي المايمىز. وسىنداي ماقساتپەن اشىق ەسىك كۇنىنە قاتىسۋشىلار جامبىل وبلىسىنىڭ مەملەكەتتىك ارحيۆىنە تابان تىرەدى. ارحيۆ ديرەكتورى قالدىكۇل باشەنوۆا باستاعان مەكەمە قىزمەتكەرلەرى وبلىسىمىزدىڭ كونە جادىگەرلەرى مەن قۇجاتتارى قالاي ساقتالاتىنىن، ولاردى كەز-كەلگەن ۋاقىتتا قالاي كورە الاتىنىمىزدى ءجىتى ءتۇسىندىرىپ بەردى.

بارىمىزگە بەلگىلى، اعىمداعى جىلدىڭ 5 قىركۇيەگىندە وبلىستىق تاريحي-ولكەتانۋ مۋزەيىندە ەلباسىمىزدىڭ كوشپەلى قور كورمەسى اشىلعان بولاتىن. اشىق ەسىك كۇنىنىڭ باعدارلاماسىنا سايكەس، مۋزەيگە كەلگەن قوناقتار كورمەگە ەكسكۋرسيا جاساپ، تۇڭعىش پرەزيدەنتىمىزدىڭ تاريحى مەن جەكە ومىرىنەن سىر شەرتەتىن قۇندى دۇنيەلەرىمەن تانىس بولدى.

باعدارلاماعا سايكەس، ك.ازىربايەۆ اتىنداعى جامبىل وبلىستىق فيلارمونياسى. ساحنانىڭ سىرتىندا بولىپ جاتقان دۇنيەلەردى كورۋ ءار ادامعا قىزىقتى. ونەر يەلەرى تەك ەل الدىندا ەمەس، سول ەلدىڭ الدىنا شىعۋدىڭ قامىن قالاي جاسايتىنىن الەۋمەتتىك جەلى قولدانۋشىلارى مەن ب ا ق وكىلدەرىنە كورسەتىلدى. فيلارمونيا ومىرىمەن ك.ازىربايەۆ اتىنداعى جامبىل وبلىستىق فيلارمونياسى ديرەكتورىنىڭ ورىنباسارى جاندوس وماروۆ تانىستىردى.

اشىق ەسىك كۇنىنە كەلگەن قوناقتار جالپى 6 مەكەمەنى ارالاپ، ارقايسىسىمەن تانىسىپ شىقتى. «اشىق ەسىك» كۇنى بارىسىندا وزدەرىنىڭ كوكەيىندە تۇرعان سۇراقتارى قويىلىپ، مادەنيەت سالاسىنىڭ تىنىس-تىرشىلىگى تۋرالى تولىق ماعلۇمات الا ءبىلدى.