سپورتپەن تۇراقتى شۇعىلدانۋشىلار ءۇشىن جاقسى جابدىقتالعان سپورتتىق نىسانداردىڭ اسا قاجەت ەكەنى بەلگىلى. بۇل رەتتە، جامبىل وبلىسىندا اتالعان قاجەتتىلىك بارىنشا وتەلگەن. اتاپ ايتقاندا، بۇگىنگى كۇنگە وبلىستا سپورت نىساندارىنىڭ جالپى سانى 2 364-كە جەتكەن. ونىڭ ىشىندە اۋدانداردا 1 856 سپورت نىسانى ورنالاسقان.

وبلىس تۇرعىندارىنىڭ جۇيەلى تۇردە دەنە شىنىقتىرۋ جانە سپورتپەن شۇعىلدانۋى ءۇشىن قولجەتىمدى 2305 سپورت نىسانى انىقتالعان. بۇل جالپى سپورت نىساندارىنىڭ 98 پايىزىن قۇرادى. جىل سوڭىنا دەين قولجەتىمدى سپورت نىساندارىنىڭ كورسەتكىشىن 100 پايىزعا جەتكىزۋ جوسپارلانىپ وتىر.

اتالعان نىسانداردا جىل سايىن تۇرعىنداردىڭ سپورتپەن شۇعىلدانۋدىڭ ارنايى كەستەسى جاسالىپ، ول جەرگىلىكتى باسپا ءسوز بەتتەرىندە، الەۋمەتتىك جەلىلەردەگى پاراقشالارىنا تۇراقتى تۇردە جاريالاۋ تاجىريبەسى ورنىققان.

سونىمەن قاتار، الداعى ۋاقىتتا ساباقتان تىس بوس ۋاقىتتا ورتا مەكتەپتەردىڭ سپورت زالدارىن پايدالانۋ ءۇشىن جامبىل وبلىسى اكىمدىگىنىڭ دەنە شىنىقتىرۋ جانە سپورت، ءبىلىم باسقارمالارى، تاراز قالاسى مەن اۋدان اكىمدىكتەرى اراسىندا 3 جاقتى مەرزىمسىز مەموراندۋم جاسالدى.

سونىمەن قاتار، قازاقستان رەسپۋبليكاسى مادەنيەت جانە سپورت ءمينيسترىنىڭ 2015 جىلعى 14 مامىرداعى № 178 بۇيرىعىنا سايكەس بەكىتىلگەن پرەسكۋرانتپەن «تاراز-ارەنا» سپورت سارايى، №4 وبلىستىق مامانداندىرىلعان بالالار-جاسوسپىرىمدەر سپورت مەكتەبىنىڭ تەننيس كورتى جانە «دەلفين» ءجۇزۋ باسسەينىندە 7 جاسقا دەيىنگى بالالار، كوپ بالالى وتباسىنىڭ مەكتەپ جاسىنداعى بالالارى، بالالار ءۇيىنىڭ تاربيەلەنۋشىلەرى سپورتپەن تەگىن شۇعىلدانۋىنا جانە ستۋدەنتتەر مەن مەكتەپ وقۋشىلارى ءتيىستى قۇجاتتاردى كورسەتكەن جاعدايدا باعا پرەيسكۋرانتىنداعى بارلىق تاريفتەردى 50 پايىزدىق جەڭىلدىكپەن پايدالانا الادى.

بۇدان بولەك، جەرگىلىكتى تۇرعىنداردىڭ دەنە شىنىقتىرۋ جانە سپورتپەن شۇعىلدانۋى ءۇشىن اۋلالاردا، پاركتەردە جانە ساياباقتاردا 2019- 2020 جىلدار ارالىعىندا تاراز قالاسى مەن اۋدانداردا 266 سپورت الاڭشاسىن سالۋ جوسپارلانىپ وتىر. ونىڭ ىشىندە 2019 جىلى 174 سپورت الاڭشاسى، 2020 جىلى 92 سپورت الاڭشاسى اشىلادى.

اتاپ ايتقاندا، تاراز قالاسىندا 86 سپورت الاڭشاسى، بايزاق اۋدانىندادا 19، جامبىل اۋدانىندادا 18، جۋالى اۋدانىندادا 10، قورداي اۋدانىندادا 21، مەركى اۋدانىندادا 15، مويىنقۇم اۋدانىندادا 16، تالاس اۋدانىندادا 10، سارىسۋ اۋدانىندادا 14، ت.رىسقۇلوۆ اۋدانىندادا 13، شۋ اۋدانىندادا 44 سپورت الاڭشاسى سالىنباق. وندا تۇرعىندار فۋتبول ويناپ، ستريتۆوركاۋتپەن اينالىسىپ، وزگە سپورت تۇرلەرىمەن شىنىعا الادى.