ءوڭىر سپورتىنىڭ، ونىڭ ىشىندە بۇقارالىق سپورتتىڭ دامۋ كورسەتكىشى، ارينە وتكىزىلگەن سپورتتىق جارىستار مەن قول جەتكىزگەن تابىستارمەن ولشەنەرى اقيقات. اتاپ ايتار بولساق، جىل باسىنان وبلىس بويىنشا سالاۋاتتى ءومىر سالتىن ناسيحاتتاۋ باعىتىندا بارلىعى 2065 سپورتتىق ءىس-شارا ۇيىمداستىرىلىپ، اتالعان ءىس-شارالارعا 371،7 مىڭ ادام قاتىستى.
سونىڭ ىشىندە سوڭعى ءتورت جىلدا سپورت جانە ءبىلىم باسقارمالارى بىرلەسىپ وكىزىپ كەلە جاتقان وبلىستىق كىشى فۋتبول، ۆولەيبول، باسكەتبول سپورت تۇرلەرىنەن «مەكتەپ ليگاسى» سپورتتىق ويىندارىنا 130 مىڭنان استام وقۋشى قاتىستى.
سونداي-اق، «قازاقستان بارىسى» رەسپۋبليكالىق ءتۋرنيرىنىڭ ىرىكتەۋ جارىسى، «اكەم، انام جانە مەن – ءبىزدىڭ سپورتتىق جانۇيا!» ويىندارى، «ەڭبەك جاستارى»، «ەتنومادەني بىرلەستىكتەرى» قىزمەتكەرلەتىنىڭ اراسىندا سپارتاكيادا، جوعارى جانە ارنايى ورتا ءبىلىم بەرەتىن وقۋ ورىندارىنىڭ ستۋدەنتتەرى اراسىنداعى سپارتاكيادا، قۇقىق قورعاۋ ورگاندارىنىڭ مەملەكەتتىك قىزمەتشىلەرى اراسىنداعى كىشى فۋتبولدان وبلىستىق تۋرنير، مەملەكەتتىك قىزمەتشىلەر اراسىنداعى وبلىستىق سپارتاكيادا وبلىستا ءداستۇرلى وتكىزىلۋدە.
سونىمەن قاتار، جىل باسىنان باستاپ فۋتبولدان اۋەسقويلار اراسىندا جامبىل وبلىسىنىڭ چەمپيوناتى جانە مەملەكەتتىك قىزمەتشىلەر اراسىندا ۆولەيبولدان «تۇنگى ليگا» ويىندارى وتكىزىلۋدە.
وبلىستىق سپورت باسقارماسى – وبلىستا ۇلتتىق سپورت تۇرلەرىن دامىتۋ ماقساتىندا ءبىرقاتار جاڭا جوبالاردى قولعا الىپ وتىر. مىسالى، ەلباسى ن.ءا.نازاربايەۆ ۇسىنعان «بولاشاققا باعدار: رۋحاني جاڭعىرۋ» باعدارلاماسى اياسىندا جاسوسپىرىمدەر اراسىندا كوماندالىق «الاڭداعى توعىزقۇمالاق» ويىنىنان وبلىستىق چەمپيوناتى مەن وبلىستىق «اۋلا ويىندارى فەستيۆالى» وتكىزىلۋدە. سونىمەن قاتار، «كوشە ويىندارى» فەستيۆالى تاراز قالاسى مەن اۋدانداردا دامىتىلىپ وتىر.
اتالعان ءىس-شارالار رەسپۋبليكا بويىنشا العاش رەت جامبىل وبلىسىندا باستاۋ الىپ وتىرعاندىعىن جانە ءۇشىنشى جىل قاتارىنان وتكىزىلە باستاعاندىعىن دا ايتا كەتكەن ءجون.
ءبىر سوزبەن ايتقاندا جامبىل وبلىسىنىڭ سپورتى بۇگىندە جوسپارلى تۇردە جۇمىستارىنىڭ ناتيجەسىندە قالىپتى دامىپ كەلەدى. ءوڭىر سپورتىن وركەندەتۋ جولىنداعى ماقساتتى جۇمىستاردىڭ بارلىعى وبلىس باسشىسى اسقار مىرزاحمەتوۆتىڭ تىكەلەي قولداۋىمەن ىسكە اسىرىلىپ وتىر. جالپى، جامبىلدىقتار سپورت الەمىندە، ونىڭ ىشىندە حالىقارالىق سپورت جارىستارىندا قول جەتكىزىلگەن تابىستارمەن شەكتەلمەي، الداعى ۋاقىتتا جاڭا بيىكتەردى باعىندىرۋعا بار كۇش-جىگەرىن جۇمساۋعا دايىن.
پىكىر قالدىرۋ