ەلباسى ن.نازاربايەۆ تاۋەلسىزدىكتىڭ العاشقى جىلدارىنان-اق «اۋەلى ەكونوميكا، سونان سوڭ ساياسات» قاعيداسىن ۇستانىپ، ينۆەستيسيا تارتۋعا، ءوندىرىستى وركەندەتىپ، يندۋستريالدىق-يننوۆاسيالىق ايماقتار قۇرۋعا، اۋىل شارۋاشىلىعىن دامىتىپ، شاعىن جانە ورتا كاسىپكەرلىكتى وركەندەتۋگە كوڭىل ءبولدى. مەملەكەت باسشىسى ق.توقايەۆ تا ستراتەگيالىق ساباقتاستىقتى ءساتتى جالعاستىرىپ، ەكونوميكالىق رەفورمالاردىڭ جۇيەلى جۇزەگە اساتىنىن اڭعارتتى. پرەزيدەنتتىڭ «سىندارلى قوعامدىق ديالوگ- قازاقستاننىڭ تۇراقتىلىعى مەن وركەندەۋىنىڭ نەگىزى» اتتى جولداۋىندا بيزنەستى دامىتۋعا باسا نازار اۋدارۋى وسى ءسوزىمىزدى نىقتاي تۇسكەندەي.
قازىرگى تاڭدا جامبىل وبلىسىندا كاسىپكەرلىك كوكجيەگىن كەڭەيتەگە باعىتتالعان باياندى باستامالار قولعا الىنۋدا. سونىڭ بىرەگەيى قوسالقى شارۋاشىلىقتى دامىتۋ جايى. وبلىس اكىمى اسقار مىرزاحمەتوۆ ۇسىنعان پيلوتتىق جوبا بۇگىندە ۇكىمەتپەن قاتار بۇقارا باراپىنان دا قولداۋ تابۋدا. اتالمىش جوبا اياسىندا تۇرعىنداردىڭ ۇسىنىستارىن ەسكەرە وتىرىپ، حالىقتىڭ تۇرمىسىن جاقسارتۋعا باعىتتالعان 5 باعىت قاراستىرىلىپ وتىر.
اتاپ ايتقاندا، ءبىرىنشى - ءۇي ىرگەسىندەگى جەرلەردى ءتيىمدى پايدالانۋ؛ ەكىنشى - ءۇي اۋلاسىندا مال جانە قۇس ونىمدىلىگىن ارتتىرۋ؛
ءۇشىنشى - اۋىل سىرتىنداعى پايلىق ۇلەس جەرلەردى ۇتىمدى پايدالانۋ، سول ارقىلى جەم-شوپ، جايىلىم ماسەلەسىن شەشۋ؛
ءتورتىنشىسى - قوسالقى شارۋاشىلىقتاردىڭ تيىمدىلىگىنە قول بايلاۋ بولىپ وتىرعان ماسەلەلەردى كووپەراتيۆتەر ارقىلى شەشۋ؛
بەسىنشى باعىت - اۋىلداعى شاعىن جوبالاردى قارجىلاندىرۋ.
وسى 5 باعىت بويىنشا جالپى قۇنى 46،4 ميلليارد تەڭگە كولەمىندە 31 مىڭنان استام جوبانى ىسكە اسىرۋ مۇمكىنشىلىگى انىقتالىپ وتىر.
بۇل شارالارمەن قانداي ناتيجەلەرگە قول جەتكىزۋگە بولادى؟
بىرىنشىدەن، 131 مىڭ وتباسى نەمەسە 600 مىڭنان استام ادام ايىنا ورتاشا ەسەپپەن 128 مىڭ تەڭگە كولەمىندە تۇراقتى تابىسپەن قامتىلادى. بۇل بۇگىنگى دەڭگەيدەن 4 ەسە جوعارى؛
ەكىنشىدەن، 68 مىڭ ءوزىن-وزى جۇمىسپەن قامتىعاندار مەن جۇمىسسىزدار جەكە كاسىپكەرگە اينالادى؛
ۇشىنشىدەن، اۋىل شارۋاشىلىعىنىڭ جالپى ءونىمى 34%-عا ۇلعايادى.
تورتىنشىدەن، ءسۇت پەن ەتتى قايتا وڭدەۋ كاسىپورىندارىنىڭ جۇكتەمەسى 30 پايىزعا ارتپاق. جاڭا وڭدەۋ كاسىپورىندارىن قۇرۋعا مۇمكىندىك اشىلادى.
بەسىنشىدەن، اۋىلداعى ءۇي ىرگەسىندەگى جانە پايلىق جەرلەردىڭ تيىمدىلىگى ارتادى.
پىكىر قالدىرۋ