بۇگىندە جامبىل وبلىسىندا ءبىلىم سالاسىن سيفرلاندىرۋ بويىنشا ءتيىستى جۇمىستار جۇرگىزىلۋدە. بۇل ەلباسى ن.نازاربايەۆتىڭ تىكەلەي تاپسىرماسىمەن جۇزەگە اسىپ جاتقان «سيفرلى قازاقستان» مەملەكەتتىك باعدارلاماسىنىڭ جەمىسى ەكەندىگى ءسوزسىز. اتاپ ايتار بولساق، وتكەن جىلى ءوڭىر مەكتەپتەرى 161 روبوتوتەحنيكا كابينەتىمەن جابدىقتالعان بولسا، جاڭا وقۋ جىلىندا ول كورسەتكىش 49-عا ارتىپ، 210 مەكتەپكە جەتكەن. جىل سوڭىنا دەيىن تاعى 20 كابينەت اشۋ كوزدەلىپ، كورسەتكىشتى ەلۋ پايىزعا جەتكىزۋ كوزدەلگەن.

وبلىستىق ءبىلىم باسقارماسىنىڭ باسشىسى راحيا تۇرماعانبەتوۆانىڭ ايتۋىنشا بۇل باعىتتا وقىتۋ شارالارى ۇيىرمەلەر جانە تاڭداۋ كۋرستارى ەسەبىنەن ينفورماتيكا پاندەرىنىڭ مۇعالىمدەرىمەن جۇرگىزىلۋدە ەكەن. جالپى، وبلىس مەكتەپتەرىندە بارلىعى 790 ينفورماتيكا مۇعالىمدەرى جۇمىس ىستەسە، ولاردىڭ 62 پايىزى «روبوتوتەحنيكا نەگىزدەرى»، 46،8 پايىزى كۇشىنە «3D-پريتينگ جانە باعدارلامالاۋ» تاقىرىپتارىندا بىلىكتىلىك كۋرستارىنان وتكەن.

ول عانا ەمەس، وتكەن جىلى وڭىردە دارىندى بالالارعا ارنالعان مامانداندىرىلعان ىت-ليسەي-ينتەرناتى اشىلىپ، بۇگىنگى كۇنى 7-9 سىنىپتاردا 160 بالا ءبىلىم الۋدا. سونداي-اق، اۋداندار مەن تاراز قالاسىندا بىلتىر 14 ءىت سىنىپتارى اشىلسا، اعىمداعى جىلى ول ساندى 50 جەتكىزۋ جوسپارلانعان. بۇدان بولەك، ءبىلىم باسقارماسىنا قاراستى اقپاراتتىق ورتالىقتاعى شتات سانى وڭتايلاندىرىلىپ، بيۋدجەت قاراجاتى ۇنەمدەلۋدە.

ايتا كەتەيىك، بۇگىندە وبلىس وقۋشىلارى حالىقارالىق، رەسپۋبليكالىق روبوتوتەحنيكا بويىنشا كونكۋرستارعا قاتىسىپ، جىلدان-جىلعا جاقسى جەتىستىكتەرگە جەتۋدە. اتاپ وتەر بولساق، سوڭعى ەكى جىلدا حالىقارالىق بايقاۋلاردا 10 وقۋشى جەڭىمپاز اتانسا، وتكەن جىلى رەسپۋبليكالىق جارىستاردا 30، اعىمداعى جىلدىڭ بەس ايىندا 54 وقۋشى جۇلدەگەر اتانعان. سونداي-اق، ءبىلىم جانە عىلىم مينيسترلىگىنىڭ «اقپاراتتىق تالدامالىق ورتالىعى» دايىنداعان «ق ر ءبىلىم بەرۋ جۇيەسىنىڭ احۋالى مەن دامۋى تۋرالى» ۇلتتىق باياندامادا ورتا ءبىلىمنىڭ ساپاسى جانە باسقا دا تۇپكى ناتيجەلەردىڭ يندەكسى بويىنشا جامبىل وبلىسى ەكىنشى ورىندى يەلەنگەن.

الداعى ۋاقىتتا بۇل باعىتتاعى جۇمىستار جەتىلدىرىلە تۇسەتىن بولادى. قازىرگى تاڭدا وبلىس اكىمى اسقار مىرزاحمەتوۆتىڭ تاپسىرماسىنا سايكەس، ءبىلىم سالاسىن سيفرلاندىرۋعا جۇمسالاتىن بيۋدجەت قاراجاتىن ءتيىمدى جۇمساۋعا كوڭىل ءبولىنىپ، ساتىپ الىنىپ جاتقان تەحنيكالار مەن جابدىقتاردىڭ ساپالى ءارى زاماناۋي بولۋىنا نازار اۋدارىلۋدا.