«Nur Otan» پارتياسىنىڭ جۋالى اۋداندىق ماسليحاتتاعى دەپۋتاتتىق فراكسياسى مەن پارتيالىق باقىلاۋ كوميسسياسىنىڭ بىرلەسكەن وتىرىسى بولىپ ءوتتى. جيىنعا، فراكسيا مۇشەلەرىمەن قاتار، فراكسيا جانىنان قۇرىلعان كوميسسيا مۇشەلەرى، پارتيالىق باقىلاۋ كوميسسياسىنىڭ مۇشەلەرى، جەرگىلىكتى اتقارۋشى ورگان باسشىلارى، ب ا ق وكىلدەرى قاتىستى.

كۇن تارتىبىندەگى ءبىرىنشى ماسەلە بويىنشا اۋدانى اكىمىنىڭ ورىنباسارى ا.جاباعى «نۇرلى جول» ينفراقۇرىلىمدى دامىتۋدىڭ 2015-2019 جىلدارعا ارنالعان مەملەكەتتىك باعدارلاماسىن، «نۇرلى جەر» ءتۇرعىن-ۇي قۇرىلىسى باعدارلاماسىنىڭ، مەملەكەتتىك سالالىق جانە وڭىرلىك باعدارلامالارىنىڭ جانە دە جوندەلىپ جاتقان جولدار مەن سالىنىپ جاتقان قۇرىلىس نىساندارىنىڭ بارىسى تۋرالى باياندادى.

بايانداما اياسىندا «نۇرلى جول» ينفراقۇرىلىمدى دامىتۋدىڭ 2015-2019 جىلدارعا ارنالعان مەملەكەتتىك باعدارلاماسىن ىسكە اسىرۋعا قازاقستان رەسپۋبليكاسىنىڭ ۇلتتىق قورىنان بولىنەتىن قاراجاتتىڭ جانە بيۋدجەتتىك قاراجاتتىڭ ماقساتتى جانە ءتيىمدى جۇمسالۋىنا باقىلاۋ جۇرگىزۋ بويىنشا جۋالى اۋداندىق ماسليحاتتاعى «Nur Otan» پارتياسىنىڭ فراكسيا جانىنداعى كوميسسيا زەردەلەۋ اياسىندا انىقتاعان كەمشىلىكتەر بويىنشا جان جاقتى سۇراقتارىن قويىپ، جاۋاپ الدى.

كوميسسيا مۇشەسى س. جۇماشيەۆ وبلىستىق ماندەگى سالىنىپ جاتقان جولداردىڭ ساپاسى سىن كوتەرمەيتىنىن ايتىپ، سۇراقتارىن قويدى. سونىمەن قاتار «كوكتوبە»، «تەرىس» «قوسبولتەك»، «نۇرلىكەنت» تۇرعىن القابى (ەلەكتر قۋاتىمەن، گازبەن، سۋمەن قامتاماسىز ەتۋ جانە اۆتوموبيل جولدارى) ينفراقۇرىلىم نىساندارىنىڭ قۇرىلىسىنا فراكسيا جەتەكشىسى ا.احمەتوۆا توقتالىپ، وسى كۇنگە دەيىن قۇرىلىس اياقتالسا دا، ءالى دە قاراجاتىنىڭ تولىعىمەن اۋدارىلماۋ سەبەبىن سۇرادى. ءوز كەزەگىندە قۇرىلىس ءبولىمى باسشىسىنىڭ مىندەتىن اتقارۋشى ن.ساۋىربايەۆ كەلىسىم شارت بويىنشا قۇرىلىس-مونتاج جۇمىستارىنىڭ مەرزىمى 2019 جىلعى 15 شىلدەدە اياقتالعانىن، ءار كەشىككەن كۇنىنە 0،1 پايىزدى ايىپپۇل ءجۇرىپ، قۇرىلىس جۇمىستارى تولىق اياقتالعانىمەن، وتكىزەتىن قۇجاتتامالارىن تولىق ۇسىنباعاندىقتان ەكونوميكالىق سوتقا تالاپ ارىز بەرىلگەندىگىن مالىمدەدى.

كۇن تارتىبىندەگى ەكىنشى، ءۇشىنشى ماسەلە بويىنشا فراكسيا مۇشەلەرى ك.بەگالييەۆ، ك.ايتقۇلوۆا قوعامداعى اتقارعان دەپۋتاتتىق قىزمەتى تۋرالى جان جاقتى باياندادى.

سونىمەن قاتار «Nur Otan» پارتياسى ساياسي كەڭەسىنىڭ مۇشەسى ا.احمەتوۆا «Nur Otan» پارتياسى ساياسي كەڭەسىنىڭ كەڭەيتىلگەن وتىرىسىندا ەلباسى ۇسىنعان 7 سەرپىن جونىندە، پارتيانى «قايتا جانداندىرۋ» بويىنشا جۇمىستى جاڭعىرتۋ اسپەكتىلەرىنە توقتالىپ، قولعا الىنعان شارالار تۋرالى پىكىر الىستى.

قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىنان تۋىنداعان مىندەتتەردى ورىنداۋ اياسىندا، تاڭدالعان ستاراتەگيالىق باعىتتىڭ ساباقتاستىعىن قامتاماسىز ەتۋ ءۇشىن پارتيا ماڭىنا توپتاستىرۋ نەگىزىندە اۋداندا، ەلدى –مەكەندەردە قۇرىلىپ جاتقان ديالوگ الاڭدارىنىڭ ءمان-ماقساتى ءتۇسىندىرىلىپ، وندا حالىقپەن كەرى بايلانىستى كۇشەيتۋ قاجەتتەلىگى ايتىلدى. سونداي-اق، فراكسيا مۇشەلەرىنە الەۋمەتتىك جەلىلەردىڭ تىكەلەي ەفيرىندە قوعامدىق قابىلداۋ جۇرگىزۋدى تاپسىردى. سوندا شالعاي اۋىلداردان ازاماتتار ات ارىلتىپ كەلمەي، ساۋالدارىن ۇيلەرىندە وتىرىپ جولداي الادى. بۇل دەگەنىمىز جولداۋدا ايتىلعان حالىقپەن كەرى بايلانىستىڭ دا ءوز دەڭگەيىندە ورنىعۋى. كۇن تارتىبىندەگى ماسەلەلەر بويىنشا ءبىراۋىزدان ءتيىستى قاۋلىلار قابىلداندى.