قازاقستان حالقى اسسامبلەياسىنىڭ «قازاقتانۋ» عىلىمي-اعارتۋشىلىق جوباسى اياسىندا، جامبىل وبلىسىنىڭ 80 جىلدىعى جانە قازاقستان حالقى تىلدەرى كۇنى مەرەكەسىنە وراي وزگە ەتنوس وكىلدەرى جاستارى اراسىندا ەسسە بايقاۋى ءوتتى.

جامبىل وبلىسى قازاقستان حالقى اسسامبلەياسى مەن وبلىس اكىمى اپپاراتىنىڭ «قوعامدىق كەلىسىم» كمم ۇيىمداستىرعان بايقاۋعا ايماقتىڭ جوعارعى وقۋ ورىندارى مەن كوللەدجدەردەن بارلىعى 60-قا جۋىق ستۋدەنت قاتىستى. ۇيىمداستىرۋشىلاردىڭ ايتۋىنشا ءداستۇرلى بايقاۋدىڭ بيىلعى جىلعى قاتىسۋشىلارىنىڭ سانى وتكەن جىلدارمەن سالىستىرعاندا ەداۋىر ارتقان.

بايقاۋدىڭ باستى ماقساتى مەملەكەتتىك ءتىلدىڭ ماڭىزدىلىعىن سانالى تۇردە سەزىندىرە وتىرىپ، قۇرمەتتەۋگە تاربيەلەۋ، وتانسۇيگىشتىك قاسيەتىن ارتتىرىپ، ەلىمىزدىڭ باسەكەگە قابىلەتتى جاستار قاتارىنا قوسىلۋىنا ىقپال ەتۋ، جاستاردىڭ بويىندا جوعارى الەۋمەتتىك بەلسەندىلىك پەن شىعارماشىلىق الەۋەتىن دامىتۋ بولىپ تابىلادى.

«جامبىلىم-جەر جانناتىم» اتتى ۇزدىك ەسسە بايقاۋىنا قاتىسۋعا وبلىستاعى ءار جوعارى وقۋ ورىندارى جانە كوللەدجدەردەن 4-5 ستۋدەنتتەن قاتىستى. ولاردىڭ وتىنىشتەرى اعىمداعى جىلدىڭ قىركۇيەك ايىنىڭ 16 –شى جۇلدىزىنا دەيىن قابىلداندى.

ەسسە بايقاۋىنا قاتىسۋشى جاستاردىڭ بايقاۋ بارىسىندا ءتارتىپ بۇزباۋىن قاداعالاپ، تالاپقا ساي بولۋلارىن نازارلارىندا ۇستاعان قازىلار قۇرامىندا №8 گيمنازيانىڭ قازاق ءتىلى مەن ادەبيەتى ءپانىنىڭ ءمۇعالىمى قالامقاس سامەكوۆا، №44 ورتا مەكتەپتىڭ قازاق ءتىلى مەن ادەبيەتى ءپانىنىڭ ءمۇعالىمى ساۋلە سىدىقوۆا جانە №53 مەكتەپ گيمنازيانىڭ قازاق ءتىلى مەن ادەبيەتى ءپانىنىڭ ۇستازى مەرۋەرت سەيتبەكوۆا بولدى.

بايقاۋعا قاتىسۋشىلارعا قويىلار باستى تالاپ «جامبىلىم-جەر جانناتىم» تاقىرىبىندا 60 مينۋت ىشىندە قازاق تىلىندە 250 سوزدەن كەم بولماۋى ءتيىس جانە ەرەجەدە كورسەتىلگەن كريتەرييلەرگە ساي ەسسە جازىپ شىعۋلارى كەرەك بولاتىن.

ەسسە جازۋعا ساعات تاڭەرتەڭگى وندا وتىرعان قاتىسۋشىلار تالاپقا ساي 60 مينۋت ىشىندە اياقتاپ شىقتى. بايقاۋ ناتەجيەسى دايىن بولعانشا ستۋدەنتتەر «كونە تاراز» تاريحي-مادەني كەشەنىن ارالاپ، مۇراجاي مەن دوستىق ۇيىنە ساياحات جاسادى.

بايقاۋ قورىتىندىسى شىعىپ كەزەك ماراپاتتاۋ ساتىنە دە جەتتى. ساۋلە ومەن قىزى «بارلىقتارىڭىز تاعاتسىزدانا كۇتىپ وتىرعان بولارسىزدار. ارينە بايقاۋدا بىردە باپ، بىردە ب ا ق جانادى. ونىڭ ۇستىنە سىزدەرگە قازاق تىلىندە ەسسە جازۋ ايتارلىقتاي وڭاي بولا قويماسى انىق. دەسە دە، ەسسەنى باسىم كوپشىلىكتەرىڭىز وتە جاقسى دەڭگەيدە، ەرەجەدە كورسەتىلگەن كريتەرييلەرگە ساي جازىپ شىققانسىزدار. قاسىمداعى ارىپتەستەرىممەن بىرگە جازىلعان ەسسەلەرگە مۇقيات قاراپ شىقتىق. شىعارمانىڭ جوعارى ساۋاتتىلىق دەڭگەيى، تاقىرىپتىڭ ايقىن اشىلۋى، بايانداۋدىڭ ادەبي ءستيلى جانە بايقاۋ تاقىرىبىنا ساي بولۋى سىندى باستى تالاپتارعا ەرەكشە ءمان بەرىلدى. ناتەجيەسىندە جەڭىمپازدار انىقتالدى. وسى تۇستا بارلىقتارىڭىزعا راحمەت ايتقىم كەلەدى. تىلگە دەگەن قۇرمەت، بايقاۋعا دەگەن بەلسەندىلىكتەرىڭىز جىل سايىن ارتا بەرسىن»- دەدى، №44 ورتا مەكتەپتىڭ قازاق ءتىلى مەن ادەبيەتى ءپانىنىڭ ءمۇعالىمى.

بايقاۋ قورتىندىسى بويىنشا تاراز مەملكەتتىك پەداگوگيكالىق ۋنيۆەرسيتەتىنەن گازايەۆا مارگاريتا جانە اباي اتىنداعى جامبىل گۋمانيتارلىق كوللەدجىنەن دۋرسۋنوۆا ۋلفەدينا ءى ورىندى يەلەندى. ءىى ورىندى م.ح. دۋلاتي اتىنداعى تاراز مەملەكەتتىك ۋنيۆەرسيتەتىنەن گازايەۆا ساليمات، №13 تاراز تەمىرجول كوللەدجىنەن سارىبايەۆ تيمۋر، «پاراسات» كوللەدجىنەن يۋلداشيەۆا ديەرا جانە تاراز يننوۆاسيالىق-گۋمانيتارلىق ۋنيۆەرسيتەتىنەن ستولياروۆا كارينا قانجىعالادى. ال، ءىىى ورىن جامبىل جوعارى مەديسينالىق كوللەدجىنەن امزوۆا نيليۋفار، №13 تاراز تەمىرجول كوللەدجىنەن كاراكۋلوۆ زافار، م.ح. دۋلاتي اتىنداعى تاراز مەملەكەتتىك ۋنيۆەرسيتەتىنەن حاكيموۆ ۋميتجون، جامبىل پوليتەحنيكالىق جوعارى كوللەدجىنەن تەلەپكو رۋسلان، سحاي كاميللا جانە اباي اتىنداعى جامبىل گۋمانيتارلىق كوللەدجىنەن ميرزايەۆا ەلميراعا بۇيىردى. جەڭىمپازدار باعالى سىيلىقتار مەن ديپلومدارعا يە بولدى. قالعان قاتىسۋشىلارعا جاپپاي ىنتالاندىرۋ سىيلىقتارى جانە العىس حاتتار تابىستالدى. قاتىسۋشىلار جاپپاي ەستەلىك سۋرەتتەرگە تۇسۋمەن تارقاستى.