مەملەكەت باسشىسى ق.توقايەۆتىڭ قازاقستان حالقىنا جولداۋىندا ايقىندالعان شاعىن جانە ورتا كاسىپكەرلىكتى دامىتۋ تۋرالى مىندەتتەردى ساپالى ورىنداۋ ماقساتىندا اۋليەاتا وڭىرىندە تىڭ باستامالار قولعا الىنىپ، جارقىن جوبالار جۇزەگە اسۋدا. الداعى ماقساتتاردىڭ دا اۋقىمى ۇلكەن. وسى ورايدا جامبىل وبلىسىنىڭ اكىمى اسقار مىرزاحمەتوۆ ۇسىنىپ وتىرعان قوسالقى شارۋاشىلىقتاردى دامىتۋ پيلوتتىق جوباسىنىڭ بەرەرى مول بولماق. وعان نەگىز دە جوق ەمەس. ويتكەنى، ايماق باسشىسى ءاربىر اۋدانعا ارنايى ات باسىن بۇرىپ، جەكەلەگەن اۋلالاردى ءوزى ارالادى. جەرگىلىكتى جۇرتشىلىقپەن جۇزدەسىپ، ولاردىڭ مۇڭ-مۇقتاجىن تىڭدادى. جاڭا جوبانىڭ ۇيىمداستىرىلۋ ماسەلەسى بويىنشا ءتيىستى ماماندارمەن جان-جاقتى اقىلداستى. سونىڭ ناتيجەسىندە ومىرگە كەلگەن جوبا كۇنى كەشە ۇكىمەت تاراپىنان دا قولداۋ تاپتى.

بۇل تۇرعىدا بارلىق ۇيىمداستىرۋ ماسەلەلەرىن شەشۋ ءۇشىن ءار اۋىلدىق وكرۋگتە 10 پيلوتتىق كوپسالالى كووپەراتيۆتەر تىركەلدى. پيلوتتىق جوبانىڭ ءبىرىنشى جانە ەكىنشى باعىتتارى بويىنشا ءونىم وندىرۋگە، العاشقى وڭدەۋگە ارنالعان جابدىقتارمەن قامتاماسىز ەتۋ ءۇشىن 734 ميلليون تەڭگەنىڭ قاجەتتىگىن انىقتالىپ وتىر. سونداي-اق ەگىن ەگەتىن جانە جينايتىن تەحنيكامەن كووپەراتيۆتى جابدىقتاۋ ءۇشىن 1،4 ميلليارد تەڭگە كەرەك. ال ساپالى تۇقىمداردى، تىڭايتقىشتار مەن پەستيسيدتەردى ساتىپ الۋ جانە كووپەراتيۆ جۇمىسىنىڭ العاشقى ەكى ايىنا قاجەتتى اينالىم قاراجاتىن قوسا ەسەپتەگەندە 557 ميلليون تەڭگە قاجەت.

جالپى كووپەراتيۆتەردى قۇرۋ جانە جابدىقتاۋ ءۇشىن بارلىعى 2،7 ميلليارد تەڭگە قاجەت.

ءاربىر كووپەراتيۆ جۇمىس ىستەپ تۇرعان 13 قايتا وڭدەۋ كاسىپورنىنا بايلاناتىن بولادى. وسىنىڭ ەسەبىنەن ءسۇت وڭدەۋ جۇكتەمەسى 56 پايىزدان 79 پايىزعا، ەت وڭدەۋ – 36 پايىزدان 58 پايىزعا دەيىن ارتادى.

كووپەراتيۆتەردىڭ جۇمىسىن ءتيىمدى ۇيىمداستىرۋ ءۇشىن تيپتىك قۇجاتتار، باسقارۋدىڭ وڭتايلى مودەلى ازىرلەندى. سونىمەن بىرگە، بۋحگالتەرلىك ەسەپ جانە ءىس قۇجاتتارىن جۇرگىزۋ ءۇشىن ءاربىر كووپەراتيۆتىڭ قۇرامىنا «تاراز «اكك» اق ەنگىزىلدى.

ايت كەتۋ كەرەك، پيلوتتىق اۋىلدىق وكرۋگتەردە قوسالقى شارۋاشىلىقتان بولەك 137 شاعىن جوبالاردىڭ ءتىزىمى جاساقتالدى.

ونىڭ 16-سى اۋىل شارۋاشىلىعىنا قاتىستى بولعاننان كەيىن جوباعا سۇراتىلىپ وتىرعان 7،2 ميلليارد تەڭگەنىڭ ەسەبىنەن قارجىلاندىرۋ كوزدەلىپ وتىر. قالعان 121 جوباعا 469 ميلليون تەڭگەگە جەرگىلىكتى بيۋدجەتتەن بولىنەدى.

بۇل جوبالارعا قاتىسۋشى وتباسىلارىندا 1 117 ادام بولسا، ونىڭ ەڭبەك جاسىنداعىلارىنىڭ 244ء-ى جۇمىسسىز، 103ء-ى زەينەتكەرلەر. ال 32 وتباسى اتاۋلى الەۋمەتتىك كومەك الۋشىلار توبىنان.

بۇگىندە نەسيە الۋشىلاردىڭ العاشقى بازاسى جيناقتالدى، نەسيە كەپىلدىگىن قامتاماسىز ەتۋگە مۇلىكتەرى بار. جوبالاردىڭ ىسكە اسۋىمەن 385 جاڭا جۇمىس ورىندارى قۇرىلىپ، 137 جەكە كاسىپكەرلىك سۋبەكتىلەرى تىركەلەدى.