جاستاردى دەنە شىنىقتىرۋعا تاربيەلەۋدە پرەزيدەنتتىك سىنامالاردىڭ ماڭىزى وراسان زور. وسىعان وراي بايزاق اۋدانىنىڭ تۇرعىندارى سارىكەمەر اۋىلىنىڭ ورتالىق ستاديونىنا جينالىپ، بەس سپورت تۇرلەرىنەن پرەزيدەنتتىك سىناما تاپسىردى.

ايتا كەتۋ كەرەك، ەلىمىزدەگى «حالىقتاردىڭ دەنە شىنىقتىرۋ دايارلىعىنىڭ پرەزيدەنتتىك سىنامالارى تۋرالى» ەرەجە قازاقستان رەسپۋبليكاسى ۇكىمەتىنىڭ 1996 جىلعى 24 ماۋسىمداعى №774 قاۋلىسىمەن قابىلدانعان بولاتىن. جالپى، پرەزيدەنتتىك سىنامالار – حالىقتىڭ وقۋعا، ەڭبەككە، اسكەري قىزمەتكە دايىندىعىنىڭ جالپى جاتتىعۋلار جيىنتىعى بولىپ تابىلادى.

پرەزيدەنتتىك تەست بويىنشا سپورت تۇرلەرىنەن ۇيىمداستىرىلعان اۋداندىق جارىس قازاقستان رەسپۋبليكاسىنىڭ V چەمپيوناتىنا جامبىل وبلىسىنىڭ قۇراما كومانداسىن جاساقتاۋ ءۇشىن وبلىستىق كەزەڭگە اۋدان قۇراماسىن ىرىكتەۋدى كوزدەدى.

– جاستار اراسىندا سالاۋاتتى ءومىر سالتىن ناسيحاتتاۋ ءۇشىن اۋداندىق اكىمدىكتىڭ باستاماسىمەن ءبىز پرەزيدەنتتىك سىناما تاپسىرۋ جارىسىن وتكىزىپ جاتىرمىز. سوندىقتان، بۇل باستامانى اۋداننىڭ بۇكىل جاستارى مەن تۇرعىندارى قولداپ، سالاۋاتتى ءومىر سالتىن، سپورتپەن شۇعىلدانۋدى ءار ۋاقىتتا الدىمىزعا ماقسات ەتىپ قويۋىمىز كەرەك. ياعني، «ماڭگىلىك ەل» يدەياسىن جۇزەگە اسىرۋ ءۇشىن دەنساۋلىعى مىقتى، جوعارى ءبىلىمدى جاستار قاجەت. بۇگىنگى ىرىكتەۋ جارىسىندا توپ جارعان جەڭىمپازدار اراسىنان وبلىستىق كەزەڭگە باراتىن اۋدان قۇراماسىن جاساقتايتىن بولامىز» - دەدى سوزىندە اۋدان اكىمدىگى دەنە شىنىقتىرۋ جانە سپورت ءبولىمىنىڭ باس مامانى ساعىنبەك جۇنىسبەكوۆ.

پرەزيدەنتتىك سىنامادا 18 اۋىلدىق وكرۋگتەن كەلگەن ەكى جۇزدەن استام اۋدان تۇرعىندارى بەس ءتۇرلى سىناق تاپسىردى. ءبىرىنشىسى ۇزىندىققا سەكىرۋ، 30، 60، 100 مەتر قاشىقتىققا جانە 500، 1000 مەترگە جۇگىرۋ، شالقالاپ جاتىپ دەنەنى كوتەرۋ، بيىك كەرمەگە تارتىلۋ، 300، 500، 700 گراممدىق گراناتا مەن دوپ لاقتىرۋدان ءوز مىقتىلىقتارىن سىنادى. 9 جاس پەن 70 جاس ارالىعىندا، ون ءبىر جاس ەرەكشەلىگى بويىنشا وتكەن اۋداندىق چەمپيوناتتا ايەلدەر مەن ەرلەر بولەك-بولەك سىنامالاردان ءوتتى.

جارىس قورىتىندىسى بويىنشا 9-10 جاس ارالىعىندا ج.تاكىموۆا، ب.ءسالىمجان، 11-13 جاس بويىنشا ۆ. قۇدايبەرگەنوۆا مەن ا.بەكارىس، 14-15 جاس ەرەكشەلىگى بويىنشا ا.مۇحامەدجان، ءا.تاشقاربايەۆ، 16-17 جاس ارالىعىندا ن. قايىرجان قىزى، ت.نۇربەك توپ جاردى. ال، 18-23 جاستا ب.ريەۆشەنوۆا، ا.الپىسبايەۆ، 24-31 جاستا ي.بايماحانوۆا، ا.سەپتەسىن، 32-39 جاستا ا.احاتوۆ پەن س.تۋرسىنبەكوۆا، 40-49 جاستا ق.قۇلماحانبەتوۆ، د.بەكبوسىن، 50-59 جاس اراسىندا ا.تۇراپبايەۆ، ل.سادىقوۆا جەڭىمپاز اتاندى.

جوعارىداعى سپورت تۇرلەرىنەن جەڭىمپاز اتانعان سپورتشىلاردان وبلىستىق ىرىكتەۋ جارىستارىنا اۋدان قۇراماسى جاساقتالدى.