اگروونەركاسىپ كەشەنى ەل ەكونوميكاسىنىڭ نەگىزگى درايۆەرى. بۇل ەلباسىنىڭ «100 ناقتى قادام» ۇلت جوسپارىندا ايتىلعان باستى قادام مەن باعىت. وسى ورايدا جامبىل وبلىسىندا كوكونىس-باقشا، كارتوپ جانە ءداندى داقىلدارىنا باسىمدىلىق بەرىلىپ، ءوندىرىستىڭ كولەمى ۇلعايتىلۋدا دەپ جازادى Qamshy.kz اقپارات اگەنتتىگى. اگروونەركاسىپ كەشەنىن قولداۋعا 2019 جىلى 14،6 ملرد. تەڭگە سۋبسيديا قاراستىرىلعان، ونىڭ ىشىندە رەسپۋبليكالىق بيۋدجەتتەن – 5،9 ملرد. تەڭگە، وبلىستىق بيۋدجەتتەن – 8،7 ملرد. تەڭگە بولىنگەن.
2019 جىلعى 1 قىركۇيەكتەگى جاعدايعا 8،0 ملرد. تەڭگە بيۋدجەتتىك قاراجات يگەرىلدى، ونىڭ ىشىندە رەسپۋبليكالىق بيۋدجەتتەن – 3،0 ملرد. تەڭگە، وبلىستىق بيۋدجەتتەن – 5،0 ملرد. تەڭگە.
2019 جىلدىڭ 1 قىركۇيەگىنە شاعىن جانە ورتا كاسىپكەرلىك سالاسىندا جۇمىس ىستەيتىن سۋبەكتىلەر سانى 70،1 مىڭ بىرلىكتى نەمەسە 2018 جىلدىڭ ءتيىستى كەزەڭىنە 111،8 پايىزدى قۇرادى.
"بيزنەستىڭ جول كارتاسى-2020" بيزنەستى قولداۋ مەن دامىتۋدىڭ مەملەكەتتىك باعدارلاماسىن ىسكە اسىرۋعا 2019 جىلى 1777،3 ملن. تەڭگە ءبولىندى (رەسپۋبليكالىق بيۋدجەتتەن – 21،0 ملن. تەڭگە، جەرگىلىكتى بيۋدجەتتەن – 1756،3 ملن. تەڭگە). اعىمداعى جىلعى 1 قىركۇيەگىنە 1688،8 ملن. تەڭگە يگەرىلدى.
رەسپۋبليكامىزدىڭ اگروونەركاسىپ كەشەنى ەكونوميكانىڭ اسا ماڭىزدى سالاسى جانە ەكونوميكالىق داعدارىستى جويۋ، تاماق جانە جەڭىل ونەركاسىپتەرىن دامىتۋ، ساياسي-الەۋمەتتىك تۇراقتىلىقتى قامتاماسىز ەتۋ جولىندا شەشۋشى ءرول اتقارادى. اۋىل شارۋاشىلىعى – بۇل ەلىمىزدىڭ ەكونوميكاسىن بيىككە اسقاقتاتاتىن ماڭىزدى سالالاردىڭ ءبىرى بولىپ تابىلادى. اۋىل شارۋاشىلىعى دەگەندە ەرىكسىز ويىمىزعا كەڭ بايتاق جەرىمىز، تورت-تۇلىك مالىمىز، ەگىندى القاپتارىمىز ورالادى. ەلباسىمىز ءوزىنىڭ كەزەكتى جولداۋىندا بىلاي دەگەن: ۇكىمەتكە «اۋىل – ەل بەسىگى» جوباسىن جۇزەگە اسىرۋ ءۇشىن بيىل بولىنگەن 30 ميلليارد تەڭگەگە قوسىمشاالداعى ءۇش جىل ىشىندە 90 ميلليارد تەڭگە ءبولۋدى تاپسىرامىن.
بۇل قاراجات كولىك، اۋىز سۋ جانە گازبەن قامتاماسىز ەتۋ سياقتى ينفراقۇرىلىمدىق ماسەلەلەردى شەشۋمەن قاتار، مەكتەپ، اۋرۋحانا، سپورت الاڭدارىن سالۋعا جانە جوندەۋگە جۇمسالادى.
قارجىنىڭ جۇمسالۋى بارلىق مەملەكەتتىك ورگانداردىڭ قاتاڭ باقىلاۋىندا بولۋى ءتيىس. بۇل جوسپار اگروونەوكاسىپتى ءبىرشاما جاقسارتاتىنى ءسوزسىز. ەلىمىزدىڭ دامۋىنا دا سەپتىگىن تيگىزەرى حاق.
