جامبىل وبلىسى شۋ اۋدانىنىڭ اۋىل شارۋاشىلىعى سالاسىندا 2019 جىلى جالپى قۇنى 11549،3 ملن. تەڭگەنىڭ ءونىمى ءوندىرىلدى فيزيكالىق يندەكس كولەمى 100،2%، ونىڭ ىشىندە ەگىن شارۋاشىلىعى 2188،0 ملن.تەڭگە فيزيكالىق يندەكس كولەمى 97،7%، مال شارۋاشىلىعى ءونىمى 9331،4 ملن. تەڭگە فيزيكالىق يندەكس كولەمى 108،8%. ءونىم كولەمى وتكەن جىلدىڭ ءتيىستى كەزەڭىمەن سالىستىرعاندا 1794،7 ملن. تەڭگەگە جوعارى، 118،4%-عا ورىندالدى دەپ جازادى Qamshy.kz اقپارات اگەنتتىگى. 

2019 جىلدىڭ ءونىمى ءۇشىن ەگىلگەن اۋىل شارۋاشىلىعى داقىلدارىنىڭ كولەمى 111946،3 گا، ونىڭ ىشىندە: جازدىق ارپا 23710 گا، كۇزدىك بيداي 15268 گا، داندىك جۇگەرى 1470گا، مايلى داقىلدار 9941 گا، كارتوپ 1244گا، قانت قىزىلشاسى 725،1 گا، كوكونىس 10180 گا، باقشا 8580،2گا، ءبىر جىلدىق ءشوپ 17333 گا.

قانت قىزىلشاسىنىڭ جوسپارى بويىنشا اۋدانعا 1500 گا جوسپار بەرىلىپ، ورىندالۋى 725،1 گەكتاردى نەمەسە 48،3%-دى قۇرادى. 2019 جىلى 1 توننا اممياك سەليتراسىنىڭ باعاسى 78 400 تەڭگە، تاسىمالداۋ قۇنى ءار تونناسىنا 5 950 تەڭگەنى قۇراپ، قوسا كەلە 1 توننا سەليتراسىنىڭ باعاسى 84 350 تەڭگەنى قۇرايدى. سونىمەن قاتار، 2018-2019 جىلدارعا 17000 توننا فوسفوگيپس ۇنتاعىن الۋ جوسپارلانىپ، 4210 توننا فوسفوگيپس الىندى نەمەسە 24،8%-دى قۇرادى. اۋدانعا 2019 جىلدىڭ كوكتەمگى-جازعى دالا جۇمىستارىنا 2145 توننا ارزانداتىلعان ديزەل وتىنى ءبولىندى. ونىڭ ىشىندە: شىلدە ايىنا 780 توننا، تامىز ايىنا 455 توننا، قىركۇيەك ايىنا 390 توننا، قازان ايىنا 520 توننا.

كوكتەمگى ەگىس دالا جۇمىستارىنا 613 تراكتورلار دايىن. ونىڭ ىشىندە 573 دوڭعالاقتى تراكتور. تراكتور سوقالارى، ءدان سەپكىشتەر جانە باسقا دا كوكتەمگى دالا جۇمىستارىنا پايدالاناتىن اۋىل شارۋاشىلىعى تەحنيكالارى 100 پايىزعا دايىندالدى. اۋدان 1997 جىلعا دەيىن نەگىزىنەن قانت قىزىلشاسى مەن بيازى ءجۇندى قوي، ولارعا قوسىمشا استىق، ءسۇتتى، ەتتى-سۇتتى مال، جىلقى، شوشقا، كوكونىس، باقشا، قىمبات ەلتىرىلى اڭ وسىرۋگە ماماندانعان 3 ۇجىمشار، 14 كەڭشار، 1 اڭ شارۋاشىلىعى بولعان. اۋداندا بارلىق اۋىل شارۋاشىلىعىنا جارامدى جەردىڭ اۋماعى (2005) شامامەن 1،08 ميلليون گا، ونىڭ ىشىندە ەگىستىك جەر 160،3 مىڭ گا. اۋىل شارۋاشىلىعىنا تىكەلەي ارنالعان جەر 807،3 مىڭ گا-نى قۇرايدى. ونىڭ 57،6 مىڭ گا جەرى شارۋا قوجالىقتارىنا بەرىلگەن.اۋداندا ەكونوميكا سالاسى بويىنشا تىركەلگەن شارۋاشىلىق سۋبەكتىلەرىنىڭ سانى (2005): ونەركاسىپ سالاسىندا 7، اۋىل شارۋاشىلىعىندا 39، قۇرىلىستا 3، ساۋدا جانە قوعامدىق تاماقتاندىرۋدا 20، باسقالارى 20. اۋداندا وسىمدىك شارۋاشىلىعىمەن بىرگە مال شارۋاشىلىعى دا جاقسى دامىعان. 2005 جىلى اۋىل بويىنشا 15،8 مىڭ ءىرى قارا، 89،9 مىڭ قوي مەن ەشكى، 5،2 مىڭ جىلقى، 3،4 مىڭ شوشقا، 85،0 مىڭ قۇس بولدى. ولاردان (بارلىق شارۋاشىلىق ساناتتارىن قوسا ەسەپتەگەندە) 3،43 مىڭ ت ەت، 10،8 مىڭ ت ءسۇت، 2،3 ميلليون دانا جۇمىرتقا ءوندىرىلدى.