«نۇرلى جول» باعدارلاماسى بويىنشا جامبىل وبلىسىندا 48 جوبا ىسكە اسىرىلۋدا. ونىڭ ءبىرى كوپتەن وزەكتى بولىپ كەلگەن «مەركى-شۋ-بۋرىلبايتال» كولىك جولىنىڭ قۇرىلىسى جۇرگىزىلۋدە، دەپ جازادى Qamshy.kz اقپارات اگەنتتىگى.
جول سالاسىندا 602 شاقىرىم جەرگىلىكتى اۆتوجولدار مەن كوشەلەرگە جوندەۋ جۇرگىزىلۋدە (16،2 شق جاڭا جول سالىنىپ، 6،2 شاقىرىم قايتا جاڭعىرتىلىپ، 30 شاقىرىم كۇردەلى جانە 550 شاقىرىم ورتا جوندەۋدەن وتەدى). ناتيجەسىندە «جاقسى جانە قاناعاتتانارلىق جاعدايداعى وبلىستىق جانە اۋداندىق ماڭىزى بار اۆتوجولداردىڭ ۇلەسى» 85% جەتەدى (2018 ج - 80،1).
نەگىزگى كاپيتالعا سالىنعان ينۆەستيسيا كولەمى ءتيىستى كەزەڭمەن سالىستىرعاندا 13،3%-عا ارتتى (166،6 ملرد.تەڭگە) (ق ر وڭىرلەرى اراسىندا 8 پوزيسيا). «نۇرلى جول» باعدارلاماسىن ىسكە اسىرۋ 2020 جىلعا دەيىن ءبىرقاتار ناتيجەلەرگە قول جەتكىزۋگە مۇمكىندىك بەرەدى. اتاپ ايتقاندا، 2014 جىلمەن سالىستىرعاندا جالپى ىشكى ءونىمنىڭ ءوسىمىن 15،7 پايىزعا جەتكىزۋ كوزدەلەدى. سونىڭ ىشىندە 395،5 مىڭ جۇمىس ورنىن اشۋعا، بۇدان بولەك، دۇنيەجۇزىلىك ەكونوميكالىق فورۋم رەيتينگىندەگى «بازالىق ينفراقۇرىلىمنىڭ ساپاسى» كورسەتكىشىن 57-ورىنعا دەيىن كوتەرۋ مۇمكىندىك تۋادى. ۇلتتىق ەكونوميكا مينيسترلىگىنىڭ مالىمەتىنە قاراعاندا، قازىرگى تاڭدا «نۇرلى جول» باعدارلاماسىن بيۋدجەتتىك قامتۋ تولىعىمەن شەشىمىن تاپقان. اتاپ ايتقاندا، باعدارلامانى ىسكە اسىرۋعا قازاقستان رەسپۋبليكاسىنىڭ ۇلتتىق قورىنان 2015 جىلى - 796 ملرد. تەنگە، 2016 جىلى - 379 ملرد. تەنگە، ال 2017 جىلى - 3 ملرد. اقش دوللارى ەكۆيۆالەنتى كولەمىندە قاراجات باعىتتاۋ جوسپارلانۋدا. سونىمەن قاتار، حالىقارالىق قارجى ينستيتۋتتارى ەسەبىنەن ينديكاتيۆتى بىرلەسىپ قارجىلاندىرۋ كولەمى 9 ملرد. اقش دوللارى شاماسىن قۇرايتىن بولادى. ال ۇلتتىق كومپانيالار مەن دامۋ ينستيتۋتتارىنىڭ مەنشىكتى قاراجاتى ەسەبىنەن «نۇرلى جول» شارالارىن قارجىلاندىرۋ 240،9 ملرد. تەڭگە بولادى. جالپى العاندا «نۇرلى جول» باعدارلاماسى نەگىزگى ەكى بلوكتان تۇرادى. ونىڭ ءبىرىنشىسى - ينفراقۇرىلىمدى دامىتۋ. بۇل بلوگتاعى جوبالار 7 باعىت بويىنشا وربىمەك. ولار: كولىكتىك-لوگيستيكا ينفراقۇرىلىمىن دامىتۋ، يندۋستريالىق ينفراقۇرىلىمدى دامىتۋ، ەنەرگەتيكالىق ينفراقۇرىلىمدى دامىتۋ، تۇرعىن ۇي-كوممۋنالدىق شارۋاشىلىعى، جىلۋمەن، سۋمەن جابدىقتاۋ، سۋ بۇرۋ جەلىلەرىن جاڭعىرتۋعا، تۇرعىن ءۇي ينفراقۇرىلىمىن نىعايتۋ، ءبىلىم بەرۋ سالاسىنداعى ينفراقۇرىلىمدى دامىتۋ، كاسىپكەرلىكتى دامىتۋدى ىنتالاندىرۋ.
