قانداي دا بولماسىن مەملەكەتتىڭ دامۋى – ەڭ ءبىرىنشى قارالعان قارجىنىڭ ءتيىمدى يگەرىلۋىندە ەكەنى حاق. تەڭگە تەتىگىن تاۋىپ جاتسا، جۇمىس دا جۇيەسىن تاباتىندىعى داۋسىز. سوندىقتان دا جامبىل وبلىسىندا مەملەكەتتىك قارجىنى يەگۋدە ءجۇردىم-باردىمعا ەشقانا جول بەرىلگەن ەمەس. سونىڭ ناتيجەسىندە قازىنا قارجىسى ماقساتتى جۇمسالۋدا، دەپ جازادى Qamshy.kz اقپارات اگەنتتىگى. 

جالپى وبلىس بويىنشا بيۋدجەتتىك قاراجاتتار 210،8 ملرد. تەڭگەگە نەمەسە 98،6%-عا يگەرىلگەن، يگەرىلمەگەنى – 2،9 ملرد. تەڭگە (2018 جىلدىڭ 1 قىركۇيەگىنە – 98،0%، يگەرىلمەگەنى – 3،5 ملرد. تەڭگە). ەسەپتى كەزەڭدە الەۋمەتتىك كورسەتكىشتەردىڭ وڭ ديناميكاسى بايقالدى. حالىقتىڭ ورتا ەسەپپەن جان باسىنا شاققانداعى اتاۋلى اقشالاي تابىستارى 2019 جىلدىڭ 1 توقسانىندا 66361 تەڭگەنى قۇراپ، 2018 جىلدىڭ ءتيىستى كەزەڭىمەن سالىستىرعاندا اتاۋلى كورىنىستە 14،0%-عا، ناقتى – 8،5%-عا ارتتى. ورتاشا ايلىق اتاۋلى جالاقى 2019 جىلدىڭ 2 توقسانىندا 126،5 مىڭ تەڭگەنى قۇراپ، اتاۋلى كورىنىستە 13،7%-عا، ناقتى - 8،2%-عا ءوستى. جۇمىسسىزدىق دەڭگەيى 2019 جىلدىڭ 2 توقسانىندا 4،8%-دى قۇرادى.

كەز كەلگەن قوعامداعى ەكونوميكالىق دامۋ بارىسىندا تۇتىنۋ تاۋارلارىنىڭ سۇرانىمى قۇرىلىمىندا جانە ءوندىرىس تەحنولوگياسىندا ماڭىزدى وزگەرىستەر بولادى. بۇل وزگەرىستەر ءوز كەزەگىندە جۇمىس كۇشىنە جالپى سۇرانىمنىڭ قۇرىلىمىن دا وزگەرتەدى. وسىنداي وزگەرىستەرگە بايلانىستى كاسىپتەردىڭ كەيبىر تۇرلەرى ازايادى نە قىسقارادى‚ ال باسقا ءبىر تۇرلەرى كوبەيەدى. قوعامداعى جۇمىسسىزدىقتىڭ پايدا بولۋ سەبەبى جۇمىس كۇشىنىڭ وسى وزگەرىستەرگە باياۋ ىڭعايلاناتىندىعىنا جانە ونىڭ قۇرىلىمىنىڭ ناقتى جۇمىس ورنىنا ساي كەلمەيتىندىگىنە بايلانىستى بولادى. فريكسيالىق جۇمىسسىزدىق پەن قۇرىلىمدىق جۇمىسسىزدىق اراسىنداعى ەلەۋلى ەرەكشەلىك مىنادا: ءبىرىنشى جاعدايدا جۇمىسسىزداردا ەڭبەك نارىعىندا ۇسىنۋىنا بولاتىن داعدى‚ ماشىق بار‚ ال ەكىنشى جاعدايدا ولار قايتا دايارلانبايىنشا‚ قوسىمشا وقىپ بىلىكتىلىگىن ارتتىرمايىنشا‚ ءتىپتى تۇرعىلىقتى جەرىن اۋىستىرمايىنشا جۇمىس تابا المايدى. فريكسيالىق جۇمىسسىزدىق نەعۇرلىم قىسقا مەرزىمدى سيپاتتا بولادى‚ ال قۇرىلىمدىق جۇمىسسىزدىق نەعۇرلىم ۇزاق مەرزىمدى سيپاتتا بولادى‚ سوندىقتان ول قوعامداعى نەعۇرلىم ەلەۋلى جۇمىسسىزدىق بولىپ تابىلادى. سيكلدىك جۇمىسسىزدىق – ەلدەگى تاۋارلار مەن كورسەتىلەتىن قىزمەتتەرگە جيىنتىق سۇرانىمنىڭ كۇرت ازايۋى سالدارىنان بولاتىن قۇبىلىس. وسى سەبەپتەن ونى كەيدە سۇرانىمنىڭ تاپشىلىعىنا بايلانىستى جۇمىسسىزدىق دەپ تە اتايدى.

دەسە دە مۇنداي ءۇردىس جامبىل جەرىنە جات ەمەس. قارجىنىڭ ماقساتتى دا، ءتيىمدى يگەرىلۋدىڭ ارقاسىندا جۇمىسسىزدىقپەن كۇرەس تە، باعدارلى بولاشاققا سالىنعان جول دا باعدارىن تاۋىپ وتىر.