ينۆەستيسيالىق جوبالار ەل يگىلىگىنە جاراپ-اق جاتىر. سوڭعى جىلداردىڭ بەدەرىندە جامبىل وبلىسىنا تارتىلعان قارجى كولەمى دە ءوسىپ، تالاي تىرلىك تەتىگىن تابۋدا. مويىنقۇم اۋدانىنداعى جولدار قۇرىلىسىنا، «مويىنقۇم اگرو» ج ش س اسىل تۇقىمدى مال ءوسىرۋ جانە «التىن الماس» اق اقباقاي فيليالىنىڭ لابوراتورياسىنا جاپسارلاس بالقىتۋ بولىمشەسىنىڭ قۇرىلىسىن سالۋعا تارتىلعان ينۆەستيسيالار جەتكىزىلدى، دەپ جازادى Qamshy.kz اقپارات اگەنتتىگى. 

بولشەك ساۋدا اينالىمى 5،1%-عا ارتتى (189،1 ملرد. تەڭگە). ءوسىم كولىك سالاسىندا دا بايقالادى. جولاۋشى تاسىمالى 5،5%-عا (669،1 ملن.ادام)، جۇك تاسىمالى – 0،2%-عا (62،8 ملن. توننا) ءوستى. ينفلياسيا دەڭگەيى جىل باسىنان (2018 جىلعى جەلتوقسانعا قاراعاندا) 3،0% دەڭگەيىندە قالىپتاستى (ق ر – 3،0%)). ازىق-تۇلىك تاۋارلارعا تۇتىنۋ باعاسى 6،0%-عا (ق ر – 6،1%)، ازىق-تۇلىك ەمەس تاۋارلار – 2،7%-عا (ق ر – 2،9%) ارتتى، اقىلى قىزمەتتەر - 0،6%-عا (ق ر – 0،6%-عا) تومەندەدى. ايلىق ينفلياسيا 2019 جىلعى شىلدەدە 0،4% قۇرادى (ق ر – 0،2%). مەنشىكتى كىرىستەر جوسپارى 44،4 ملرد. تەڭگەگە (جوسپار 37،8 ملرد. تەڭگە) نەمەسە 117،6%-عا ورىندالىپ، بيۋدجەتكە 6،6 ملرد. تەڭگە جوسپاردان ارتىعىمەن ءتۇستى، وتكەن جىلدىڭ ءتيىستى مەرزىمىمەن سالىستىرعاندا ءوسىم 114،2%-دى قۇرادى (+ 5 ملرد. 516،9 ملن.تگ). جوبا قۇنى 600 ملن تەڭگەنى قۇرايدى. مۇندا تۇراقتى جۇمىسپەن 100 ادام قامتاماسىز ەتىلەدى دەپ كۇتىلۋدە. جاڭا زاۋىتتىڭ قۋاتى جىلىنا 1،5 مىڭ توننا بالىق ءونىمىن شىعارۋعا مۇمكىندىگى بار.

سونىمەن قاتار، مويىنقۇم اۋدانىندا بيىلعى ەكىنشى جارتى جىلدىقتا جاڭا اسفالت زاۋىتى دا ىسكە قوسىلماق. بۇل جوبانىڭ قۇنى 67 ملن تەڭگەنى قۇراپ، قۋاتى جىلىنا 30 مىڭ توننا اسفالت پەن 1 مىڭ توننا بيتۋم شىعارۋعا جەتكىزىلمەك.

مۇنان بولەك، قازاقستاندىق ينۆەستورلاردىڭ مويىنقۇم اۋدانىندا مال شارۋاشىلىعىن دامىتۋعا قارجى قۇيۋعا نيەتتى ەكەنى بەلگىلى بولدى. وسىلاي، وڭىردە الداعى ەكى جىلدا اسىل تۇقىمدى سيىر وسىرۋگە ارنالعان تولىق كەشەن سالۋدى جوسپارلاعان. الدىڭعى كەزەكتە بەس مىڭ باس ءىرى قارا مال ساتىپ الۋدى قولعا الماق. قازىرگى ۋاقىتتا بارلىق قۇجاتتار دايارلانىپ، جەر ۋچاسكەسىن ءبولۋ سۇراقتارى قارالىپ جاتىر. جوبا 5 ملرد تەڭگەگە شاقتالعان. «مويىنقۇم اگرو» جاڭا ءىرى شارۋا قوجالىعى قۇرىلىپ، قۋاتتى كۇشىنە شىعۋدا.

مىنە، مويىنقۇم اۋدانىنىڭ الەۋمەتتىك-ەكونوميكالىق الەۋەتى بولاشاقتا وسىنداي بولماق. قازاقستاننىڭ قازىناسىن بايىتىپ، ەكونوميكاسىن دامىتۋدا جامبىل وبلىسى ءوز ۇلەسىن وسىلاي قوسۋدا.