يندۋستريالىق جوبالار ەل كەلەشەگى ەكەنى داۋسىز. سوندىقتان دا جىلدا وڭىر-وڭىرلەر دە اۋقىمدى جوبالار جاندانۋدا. جامبىل وبلىسىندا دا وڭ ديناميكاعا يندۋستريالدى-يننوۆاسيالىق دامۋ مەملەكەتتىك باعدارلاماسى اياسىندا ىسكە قوسىلعان كاسىپورىندار دا ءوز ۇلەسىن قوسۋدا دەپ جازادى Qamshy.kz اقپارات اگەنتتىگى. ماسەلەن اعىمداعى جىلى 693 جاڭا جۇمىس ورنىن قۇرۋدى كوزدەيتىن جالپى قۇنى 11،9 ميلليارد تەڭگەگە 8 ينۆەستيسيالىق جوبا ىسكە اسىرىلۋدا. ونىڭ 2ء-ۋى ەكسپورتقا باعىتتالعان.
- GMP جانە GLP ستاندارتتارى بويىنشا ۆەتەريناريالىق پرەپاراتتاردى وندىرەتىن بيوكومبينات قۇرىلىسى («Bio Vit KZ» جشس-گى)؛
- العاشقى اكۆوپونيكا تەحنولوگياسى نەگىزىندە سالات داقىلدارى مەن بالىقتى ءوندىرىپ وڭدە («GREENWILL» ج ش س).
جىل باسىنان 1،1 ميلليارد تەڭگەگە 2 جوبا ىسكە قوسىلىپ، 17 جاڭا جۇمىس ورنى قۇرىلدى («قورداي ءسۇت ونىمدەرى» ج ش س، «GREENWILL» ج ش س).
اۋىل شارۋاشىلىعىندا ەسەپتى مەرزىمدە 131،8 ميلليارد تەڭگەنىڭ ءونىمى ءوندىرىلىپ، ءوسىم 3،9 پايىزدى قۇرادى. بۇل رەسپۋبليكا وڭىرلەرى ارالىعىنداعى 5ء-شى وڭ كورسەتكىش (ق ر – 3،8%).
مال شاۋراشالىعىندا ەت ءوندىرىسى – 3،6 پايىزعا، ءسۇت ءوندىرىسى – 2،9 پايىزعا، جۇمىرتقا ءوندىرىسى – 6،5 پايىزعا ارتتى.
وسىمدىك شارۋاشىلىعىندا اۋىل شارۋاشىلىعى داقىلدارى 687،2 مىڭ گەكتارعا ورنالاستىرىلدى جانە وتكەن جىلمەن سالىستىرعاندا 25 مىڭ گەكتارعا نەمەسە 2،7 پايىزعا ارتتى.
ەلباسىمىز قاسىم-جومارت كەمەل ۇلى ءوز جولداۋىندا «اۋىل شارۋاشىلىعى – ءبىزدىڭ نەگىزگى رەسۋرسىمىز، ءبىراق ونىڭ الەۋەتى تولىق پايدالانىلماي وتىر. ەل ىشىندە عانا ەمەس، شەتەلدە دە سۇرانىسقا يە ورگانيكالىق جانە ەكولوگيالىق تازا ءونىم ءوندىرۋ ءۇشىن زور مۇمكىندىكتەر بار. ءبىز سۋارمالى جەر كولەمىن كەزەڭ-كەزەڭمەن 2030 جىلعا قاراي 3 ميلليون گەكتارعا دەيىن ۇلعايتۋىمىز كەرەك. بۇل اۋىل شارۋاشىلىعى ءونىمىنىڭ كولەمىن 4،5 ەسە ارتتىرۋعا مۇمكىندىك بەرەدى» دەگەن بولاتىن. اۋىل شارۋاشىلىعىنا شەتەلدەن ينۆەستورلار تارتۋ – ماڭىزدى مىندەت. كەلىسسوزدەر جۇرگىزىلىپ جاتىر. ۇكىمەت ناقتى ناتيجەگە قول جەتكىزۋى كەرەك.
ءبىز ەلباسىنىڭ «اۋىل – ەل بەسىگى» ارنايى جوباسىن جۇزەگە اسىرۋدى جالعاستىرامىز. ۇكىمەتكە «اۋىل – ەل بەسىگى» جوباسىن جۇزەگە اسىرۋ ءۇشىن بيىل بولىنگەن 30 ميلليارد تەڭگەگە قوسىمشا الداعى ءۇش جىل ىشىندە 90 ميلليارد تەڭگە ءبولۋدى تاپسىرامىن،-دەدى پرەزيدەنتىمىز قاسىم-جومارت توقايەۆ.
ءيا، بۇل ورايدا بۇعان يندۋستيالدى جوبالاردىڭ تيگىزەتىن پايداسى وراسان ەكەنى داۋسىز.
پىكىر قالدىرۋ