ەسەپتى جىل ىشىندە جامبىل وبلىسىندا جالپى قۇرىلىس جۇمىستارىنىڭ كولەمى 62،8 ميلليارد تەڭگەنى قۇراپ، 2،5 پايىزعا ارتتى. بۇل رەسپۋبليكا وڭىرلەرى ارالىعىنداعى الدىڭعى قاتارلى ورىن دەپ جازادى Qamshy.kz اقپارات اگەنتتىگى. 

جىل باسىنان 333،9 مىڭ شارشى مەتر تۇرعىن ءۇي پايدالانۋعا تاپسىرىلىپ، كورسەتكىش 7،3%-عا ءوستى. 260 پاتەر كوپبالالى جانە از قامسىزداندىرىلعان وتباسىلارىنا بەرىلدى.

باسپاناعا مۇقتاج از قامتىلعان جانە كوپبالالى وتباسىن تۇرعىن ۇيمەن قامتاماسىز ەتۋ ماقساتىندا وبلىستا جوسپارلانعان 12 جاتاقحانانىڭ 8ء-نىڭ قۇرىلىسى باستالدى.

جالپى، تۇرعىن ءۇي كەزەگىندەگى 2661 كوپ بالالى وتباسىنىڭ 924ء-ى باسپانامەن قامتىلادى. جەكە تۇرعىن ءۇي قۇرىلىسىنا 2877 جەر تەلىمى بەرىلەدى. بۇدان بولەك، تەك ەلەكتر قۋاتىن تارتا وتىرىپ 3722 جەر تەلىمىن بەرۋ قاراستىرىلۋدا. «7-20-25» باعدارلاماسى اياسىندا 419 ادام ءوتىنىش بەرىپ، 231ء-ى قولداۋ تاپتى. 207 ازاماتقا 1،4 ملرد. تەڭگەگە نەسيە راسىمدەلدى. «نۇرلى جەر» باعدارلاماسى اياسىندا قارالعان 17،6 ملرد. تەڭگە ەسەبىنەن (رب – 13،7 ملرد.، وب - 3،9 ملرد) 30 كوپپاتەرلى تۇرعىن ءۇيدىڭ قۇرىلىسى جۇرگىزىلۋدە (28 ءۇي - 2019 جىلى تاپسىرىلۋى ءتيىس، 2 ارەندالىق ءۇي – 2020 جىلعا وتپەلى). 38 ينجەنەرلىك ينفراقۇرىلىم جوبالارىنىڭ قۇرىلىسى جۇرگىزىلىپ، 31 جوبا ىسكە اسىرىلدى. ناتيجەسىندە، 1673 پاتەر پايدالانۋعا بەرىلىپ، 4654 جەر ۋچاسكەلەرىنە ينجەنەرلىك-كوممۋنيكاسيالىق ينفراقۇرىلىم تارتىلدى. نەگىزگى قاعيدات – تۇرعىندار، اسىرەسە، الەۋمەتتىك تۇرعىدان ءالسىز توپتار ءۇشىن باسپانانىڭ قولجەتىمدىلىگىن ارتتىرۋ. ۇكىمەت جۇيەسىز باعدارلامالار قابىلداۋ تاجىريبەسىن توقتاتىپ، تۇرعىن ءۇي ساياساتىن جەتىلدىرۋدىڭ ءبىرىڭعاي مودەلىن ازىرلەۋى قاجەت.

ماسەلەن، باستاپقىدا الەۋمەتتىك مۇددەگە ورايلاستىرىلعان «7-20-25» باعدارلاماسى اياسىندا قارىز الۋشىنىڭ وتباسىلىق تابىسى ورتاشا ەسەپپەن ايىنا 320 مىڭ تەڭگەنى قۇراۋى ءتيىس. تابىسى از ادامدار بۇعان قاتىسا الماي وتىر.

سوندىقتان بيىل ەلباسىنىڭ باستاماسى بويىنشا 2 پايىزدىق جەڭىلدەتىلگەن مولشەرلەمەمەن، پايىزدىق العاشقى جارناسى 10 پايىز بولاتىن جاڭا «باقىتتى وتباسى» باعدارلاماسى ىسكە قوسىلدى. بۇل – وتە ءتيىمدى جەڭىلدىك.

جىل سوڭىنا دەيىن بۇل باعدارلاما بويىنشا كەم دەگەندە 6 مىڭ وتباسى باسپانامەن قامتاماسىز ەتىلەدى. ءبىرىنشى كەزەكتە، كوپبالالى جانە مۇگەدەك بالالار تاربيەلەپ وتىرعان وتباسىلار قامتىلاتىن بولادى. 2020 جىلدان باستاپ جىل سايىن وسىنداي 10 مىڭ وتباسى باسپانالى بولادى.