قازاقستان رەسپۋبليكاسىنىڭ پرەزيدەنتى قاسىم-جومارت كەمەل ۇلى ءوزىنىڭ حالىققا جولداۋىندا «قازاقستان ەكونوميكاسى جاھاندىق سيپاتتاعى قيىندىقتارعا قاراماستان العا ىلگەرىلەپ كەلەدى. جىل باسىنان بەرى ونىڭ ءوسىمى ورتاشا الەمدىك كورسەتكىشتەن جوعارى بولدى» دەگەن بولاتىن. ياعني ەلىمىزدىڭ ەكونوميكالىق دامۋى دەگەن ءسوز حالىقتىڭ دا تۇرمىسى تۇزەلۋ دەگەنىمىز. مىنە اعىمداعى جىل باسىنان ۋاقىتىلى قابىلدانعان شارالاردىڭ ناتيجەسىندە جامبىل وبلىسىندا ەكونوميكانىڭ بارلىق سالالارىندا ءوسۋ ءۇردىسى بايقالۋدا دەپ جازادى Qamshy.kz اقپارات اگەنتتىگى. ەسەپتى جىلدىڭ قورىتىندىسىمەن جالپى وڭىرلىك ءونىم كولەمى 301،4 ميلليارد تەڭگەنى قۇراپ، 2،4 پايىزعا ءوستى. قىسقا مەرزىمدى ەكونوميكالىق ينديكاتور 103،8 پايىزدى قۇرادى (ق ر - 4،8%).
ەسەپتى كەزەڭدە ونەركاسىپ سالاسىندا وتكەن جىلدىڭ ءتيىستى كەزەڭىمەن سالىستىرعاندا 4،3 پايىزعا ءوسىم بار (308،7 ملرد.تەڭگە)، بۇل رەسپۋبليكا وڭىرلەرى ارالىعىنداعى 8ء-شى وڭ كورسەتكىش (ق ر – 3،2%).
ونەركاسىپ سالاسىنداعى ءوسىم تاۋ-كەن ونەركاسىبىندە ءوندىرىس كولەمىنىڭ – 1،5 پايىزعا (34،7 ملرد.تەڭگە)، وڭدەۋ ونەركاسىبىندە – 5،7 پايىزعا (231،0 ملرد.تەڭگە)، ەلەكترمەن جابدىقتاۋ، گاز، بۋ بەرۋ جانە اۋا باپتاۋدا – 0،9 پايىزعا، (40،2 ملرد.تەڭگە)، سۋمەن جابدىقتاۋ، كارىز جۇيەسى، قالدىقتاردىڭ جينالۋىن جانە تاراتىلۋىن باقىلاۋدا – 10،8 پايىزعا (2،8 ملرد.تەڭگە) ارتۋى ەسەبىنەن قامتاماسىز ەتىلىپ وتىر.
ەگەر قاجەتتى قۇرىلىمدىق وزگەرىستەردى جۇزەگە اسىرساق، 2025 جىلعا قاراي ىشكى جالپى ءونىمنىڭ جىل سايىنعى تۇراقتى ءوسىمىن 5 پايىزعا جانە ودان دا جوعارى دەڭگەيگە جەتكىزۋگە بولادى.
ەكونوميكانىڭ دامۋىنا تىڭ سەرپىن بەرۋ ءۇشىن ۇكىمەت پەن پرەزيدەنت اكىمشىلىگى وتاندىق جانە شەتەلدىك ساراپشىلاردىڭ بارلىق جۇمىستارىن مۇقيات سارالاۋى قاجەت.
ەلباسى ۇسىنعان 2050 جىلعا دەيىنگى ۇزاق مەرزىمدى دامۋ ستراتەگياسىنا جانە ۇلت جوسپارىنا سايكەس ءبىرقاتار قۇرىلىمدىق مىندەتتەردى ىسكە اسىرىلىپ كەلە جاتىر.
بۇل كورسەتكىشتەردىڭ بارلىعى ەلىمىزدىڭ ەكونوميكاسى ورىستەپ، جىل ساناپ كەڭ قاناپ جايىپ كەلە جاتقانىن ايعاقتايدى. قانداي جاعداي بولماسىن اۋليەاتالىقتاردىڭ الەۋەتىن ارتتىراتىنى انىق. مەملەكەت باسشىسىنىڭ جولداۋىندا ايتقان تۇرعىنداردىڭ تۇرمىسىن تۇزەۋ دەگەن وسىعان كەلىپ ساياتىنى انىق.
ەندەشە وركەندى ورىستەۋگە جەلكەن كەرگەن جامبىل وبلىسىنىڭ الەۋەتى بۇدان دا ارتا بەرەتىنىنە سەنىمدىمىز. جانە جىل سوڭىنا قاراي مەجەلى كورسەتكىشتەر تاعى ەسەلەنە تۇسەتىنىنە بەك سەنىمدىمىز.
پىكىر قالدىرۋ