مەملەكەت باسشىسى قاسىم-جومارت توقايەۆتىڭ جۋىرداعى جولداۋىندا تۇرعىنداردىڭ تۇرمىسىن تۇزەتۋ باسا ايتىلعانى بەلگىلى. ول ارينە الداعى ونجىلدىققا ەمەس، ومىرشەڭدىك مەرزىمگە باعىتتالعان باعىت ەكەنى انىق. وسى ورايدا جولداۋ جۇكتەگەن مىندەت اياسىندا جامبىلدا جاعىمدى ناتيجەلەر ورىن الۋدا، دەپ جازادى Qamshy.kz اقپارات اگەنتتىگى. 

حالىقتىڭ ورتا ەسەپپەن جان باسىنا شاققانداعى اتاۋلى اقشالاي تابىستارى 2019 جىلدىڭ 1 توقسانىندا 66361 تەڭگەنى قۇراپ، 2018 جىلدىڭ ءتيىستى كەزەڭىمەن سالىستىرعاندا اتاۋلى كورىنىستە 14،0%-عا، ناقتى – 8،5%-عا ارتتى. ورتاشا ايلىق اتاۋلى جالاقى 2019 جىلدىڭ 2 توقسانىندا 126،5 مىڭ تەڭگەنى قۇراپ، اتاۋلى كورىنىستە 13،7%-عا، ناقتى - 8،2%-عا ءوستى. جۇمىسسىزدىق دەڭگەيى 2019 جىلدىڭ 2 توقسانىندا 4،8%-دى قۇرادى. 2019 جىلدىڭ قاڭتار-تامىز ايلارىندا وبلىس بيۋدجەتىنىڭ كىرىستەرى 203،4 ملرد. تەڭگەگە نەمەسە 103،4%-عا ورىندالدى. مەنشىكتى كىرىستەر جوسپارى 44،4 ملرد. تەڭگەگە (جوسپار 37،8 ملرد. تەڭگە) نەمەسە 117،6%-عا ورىندالىپ، بيۋدجەتكە 6،6 ملرد. تەڭگە جوسپاردان ارتىعىمەن ءتۇستى، وتكەن جىلدىڭ ءتيىستى مەرزىمىمەن سالىستىرعاندا ءوسىم 114،2%-دى قۇرادى (+ 5 ملرد. 516،9 ملن.تگ). جالپى وبلىس بويىنشا بيۋدجەتتىك قاراجاتتار 210،8 ملرد. تەڭگەگە نەمەسە 98،6%-عا يگەرىلگەن، يگەرىلمەگەنى – 2،9 ملرد. تەڭگە (2018 جىلدىڭ 1 قىركۇيەگىنە – 98،0%، يگەرىلمەگەنى – 3،5 ملرد. تەڭگە). پرەزيدەنت قاسىم-جومارت توقايەۆ جاستارعا كوپ مۇمكىندىكتەر جاسادى. سونىڭ ءبىرى «ديپلوممەن – اۋىلعا» باعدارلاماسىنىڭ اياسىن كەڭەيتىپ، جۇمىستى جاڭا دەڭگەيدە جالعاستىرۋ. ۇكىمەتكە كەلەسى جىلدان باستاپ وسى باعدارلامانى قارجىلاندىرۋدى 20 ميلليارد تەڭگەگە جەتكىزۋدى تاپسىرامىن. قازاقستان رەسپۋبليكاسىنىڭ “حالىقتى جۇمىسپەن قامتۋ تۋرالى” زاڭىندا جۇمىسسىزدارعا-حالىقتىڭ ەكونوميكالىق بەلسەندىلىگىن ولشەۋ ءۇشىن بەكىتىلگەن جاستاعى تۇلعالار جاتادى جانە دە ولار ەسەپتى كەزەڭدە مىندەتتى تۇردە 3 نەگىزگى كريتەريگە ساي كەلۋ كەرەك:

1.جۇمىسى جوق(تابىس اكەلەتىن ءىسى بولماسا) 2.جۇمىستى بەلسەندى تۇردە ىزدەگەن (مەملەكەتتىك جانە كوممەرسيالىق جۇمىسپەن قامتۋ ورتالىقتارىنا بارعان، باسپاسوزدەگى حابارلاندىرۋلاردى پايدالانعان نەمەسە ولاردى باسپاسوزگە بەرگەن، تىكەلەي كاسىپورىن اكىمشىلىگىنە نەمەسە جۇمىس بەرۋشىگە بارعان، جەكە بايلانىستارىن پايدالانعان نەمەسە ءوز ءىسىن ۇيىمداستىرۋعا تالپىنعاندار) 3. بەلگىلى ءبىر ۋاقىت كەزەڭىندە جۇمىسقا كىرىسۋگە دايىن.