ەلباسىنىڭ «100 ناقتى قادام» ۇلت جوسپارىندا ەت كلاستەرىن دامىتۋعا ايرىقشا باسىمدىق بەرىلدى. ياعني ق ر تۇڭعىش پرەزيدەنتى اسىراۋشى سالانى الشاڭ باستىرا وتىرىپ، ەت كلاستەرىن دە جۇيەلى جولعا قويۋدى مىندەتتەدى. ەستەرىڭىزدە بولسا، جامبىل وبلىسى بىلتىر قوزى ەتىن ەكسپورتتاۋ بويىنشا رەسپۋبليكا كولەمىندە ءبىرىنشى ورىنعا شىققان بولاتىن. بيىل دا اۋدانداعى جۇمىستار كوز تويارلىقتاي، دەپ جازادى Qamshy.kz اقپارات اگەنتتىگى.  اتاپ ايتساق، تالاس اۋدانى 2019 جىلدىڭ 8 ايىندا «مەركى ەت كومبيناتى» جشس-نا 26،7 توننا قوزى ەتى وتكىزگەن. ءۇشارال اۋىلدىق وكرۋگىندەگى «ادەن» شارۋا قوجالىعى مال بورداقىلاپ، ءوزىنىڭ تاراز قالاسىنداعى (تاشكەنت كوشەسىندە ورنالاسقان) كونسەرۆى وڭدەۋ سەحىندا قوي، سيىر، جىلقى جانە تۇيە ەتىن كونسەرۆلەپ جونەلتۋدە. سول سياقتى، «اقباس» جانە «ىنتىماق» شارۋا قوجالىقتارى 500 باستىق جانە 1000 باستىق مال بورداقىلاۋ الاندار ىن سالۋدا. 2020 جىلدان باستاپ مالدى بورداقىلاۋ جوسپارلانىپ وتىر.

بورداقىلاۋ الاڭدارىنا بۇقاشىق وتكىزۋ 2019 جىلدىڭ جوسپار 2350 باس بولسا، بۇگىنگى كۇنگە ورىندالۋى 342 باس (14،6%) بولىپ وتىر. بۇل جۇمىس جالعاستىرىلۋدا.

ەت باعىتىنداعى مال شارۋاشىلىعىن دامىتۋ باعدارلاماسى بويىنشا

2019 جىلدىڭ 8 ايىندا «سىباعا» باعدارلاماسى بويىنشا ءقىزىلاۋىت اۋىلدىق وكرۋگىندەگى «ىنتىماق» «كاۋسار» شارۋا قوجالىقتارى شەت ەلدەن (گەرمانيا) 114 باس ەتتى-سۇتتى باعىتىنداعى «Cيممەنتال» تۇقىمدى ءمۇيىزدى ءىرى قارانىڭ انالىق باسىن اكەلدى. سونىمەن قاتار، «قازىنا» جانە «نايزا-قىزىل» شارۋا قوجالىقتارى شەت ەلدەن 100 باس ەتتى-سۇتتى باعىتىنداعى ءىرى قارا مالىن اكەلۋ جوسپارلانۋدا.

ءسۇت ونىمدەرىن قايتا وڭدەۋ بويىنشا قاراتاۋ قالاسىندا (بۇرىنعى «كۇننۇرى» بالاباقشاسى) تاۋلىگىنە 2 توننا ءسۇت ونىمدەرىن وندىرەتىن (ماي، قايماق، ىرىمشىك) سەحتى اشۋ ماقساتىندا جەكە كاسىپكەر «سەرجانوۆ» تاراپىنان جۇمىستار جاسالۋدا. جوبانىڭ قۇنى 28 ملن. تەڭگەنى قۇرايدى. قازىرگى تاڭدا نەسيە الۋ باعىتىندا جۇمىستار جۇرگىزىلۋدە.

ءقىزىلاۋىت اۋىلىنداعى «كاۋسار» شارۋا قوجالىعى ءوز قارجىسىنا 200 باسقا ارنالعان تاۋارلى ءسۇت فەرماسىن سالىپ جاتىر. (قۇرىلىس جۇمىستارى باستالعان)

بوستاندىق اۋىلىنداعى «ءتاجىباي» اۋىل شارۋاشىلىق وندىرىستىك كووپەراتيۆى بيىلعى جىلى «اۋىل شارۋاشىلىعى قولداۋ قورى» اق ارقىلى نەسيەگە ءسۇت جينايتىن تانكەر جانە ءسۇت تاسيتىن اۆتوماشينا الىپ، ءسۇت ونىمدەرىن قايتا وڭدەۋ باعىتىندا جۇمىستارىن جوسپارلاۋدا.