مەملەكەت باسشىسى قاسىم-جومارت توقايەۆ حالىققا ارناعان جولداۋىندا سۋارمالى جەر كولەمى مەن جايىلىمدىقتاردى سۋلاندىرۋ باعدارلاماسىنا ايرىقشا كوڭىل ءبولدى. وسى ورايدا جامبىل وبلىسى تالاس اۋدانىندا 2019 جىلدىڭ 8 ايىندا 25 قۇدىق قازىلىپ، جوسپار 100 پايىزعا ورىندالدى. سونىمەن قاتار، 36 كۇن ساۋلەسىنەن قۋات الاتىن قوندىرعىلار ىسكە قوسىلدى، دەپ جازادى Qamshy.kz اقپارات اگەنتتىگى. اۋدانىڭ جەر كولەمى 1 ملن. 220 مىڭ 562 گا، ونىڭ ىشىندە ەگىستىك جەرلەر 21 مىڭ 439 گەكتار، (ونىڭ ىشىندە سۋارمالىسى 12264 گا)، شابىندىق 22 مىڭ 785 گەكتار، جايىلىمدىق 414 مىڭ 450 گەكتار.

2019 جىلدىڭ ناۋرىز ايىندا 1 كونكۋرس وتكىزىلىپ 21 جەر ۋچاسكەسى، جەر كولەمى 9 667 گەكتار، ونىڭ ىشىندە 123،3 گەكتار سۋارمالى ەگىستىك، 9543،7 گەكتار جايىلىم جەر كونكۋرس ارقىلى بەرىلدى جانە ەسەپتى مەرزىمدە 2 اۋكسيون وتكىزىلىپ 2،1 گەكتار جەر ۋچاسكەسى اۋكسيونعا بەرىلىپ، جەرگىلىكتى بيۋدجەتكە تۇسەتىن قارجى 17 ملن. 239 مىڭ تەڭگەنى قۇرادى.

2019 جىلدىڭ ءونىمى ءۇشىن بارلىعى 12171 گەكتار القاپقا اۋىلشارۋاشىلىعى داقىلدارىن ورنالاستىرۋ جانە 1600 گا پار دايىنداۋ جوسپارلانعان. ونىڭ ىشىندە: كۇزدىك بيداي 4000 گەكتار جانە بۇرىنعى جىلدارداعى كوپجىلدىق ءشوپ 4221 گەكتاردى قۇرايدى. كوكتەم ايلارىندا 3950 گەكتار القاپقا جازدىق اۋىل شارۋاشىلىعى داقىلدارىن ەگۋ جوسپارلانىپ 3286 گەكتارعا (83،2%) اۋىلشارۋاشىلىعى داقىلدارى ورنالاستىرىلدى (ونىڭ ىشىندە: 1310 گەكتار جازدىق ارپا، 380 گەكتار داندىك جۇگەرى، 600 گەكتار ماقسارى، 100 گەكتار كۇنباعىس، 130 گەكتار كارتوپ، 320 گەكتار باقشا، 230 گەكتار كوكونىس جانە 750 گەكتار).

ايتا كەتەتىن جاي، 2019 جىلدىڭ ءونىمى ءۇشىن جوسپارلانعان 3200 گا كۇزدىك بيدايدىڭ ورنىنا 4000 گا جەرگە كۇزدىك بيداي ارتىعىمەن ەگىلدى.

اعىمداعى جىلى اقكول اۋىلدىق وكرۋگىندەگى «بەكەن» شارۋا قوجالىعىندا 230 گەكتار القاپقا (130 گا قانت قىزىلشاسى، 50 گا كارتوپ، 30 گا پياز، 20 گا ءسابىز) تامشىلاتىپ سۋارۋ تەحنولوگياسىن ەنگىزىپ وتىر.

تامدى اۋىلدىق وكرۋگىندە ورنالاسقان «تامدى» تەمىر بەتون (لوتوك) جۇيەسىن (6،1 شاقىرىم) اعىمداعى جوندەۋ جۇمىستارىنا وبلىستىق بيۋدجەتتەن 35 ملن. تەڭگە ءبولىندى (جوبا قۇنى 70،0 ملن. تەڭگە). تەمىر بەتون لوتوكتارىن قايتا قالپىنا كەلتىرگەن جاعدايدا 1200 گەكتار القاپتى تولىعىمەن جانە ۋاقىتىلى سۋمەن قامتۋعا بولادى (قازىرگى تاڭدا مەملەكەتتىك ساتىپ الۋ جۇمىستارى جۇرگىزىلۋدە، مەردىگەر قىركۇيەك ايىندا انىقتالادى).

(تامدى سۋ جۇيەسى ءماسسيۆىن (تەمىربەتون لوتوكتار جۇيەسى) مەحانيكالىق وترياد ارقىلى قايتا قالپىنا كەلتىرۋ ۇسىنىلدى. بۇل ماسسيۆ «تامدى» - 2،14 ملن. م3، «جارتاس» - 5،05 ملن. م3، «مىڭشۇقىر» - 7،0 ملن. م3 سۋ قويمالارىنان سۋ جەتكىزىلەدى. لوتوك جۇيەسىنىڭ ماگيسترالدى لوتوكتارىنىڭ ۇزىندىعى 6،1 كم (جالپى ۇزىندىعى 28 كم)، سۋارىلاتىن القاپ 1200 گا. بۇگىنگى كۇنگە ناقتى سۋارىلاتىنى 300 گا. وسى ءماسسيۆتى قالپىنا كەلتىرىلگەن جاعدايدا يگەرىلمەگەن 800 گەكتارعا، قوسىمشا 150-200 گا قوسىلىپ، جالپى 1100-1300 گەكتار القاپتى تولىعىمەن جانە ۋاقىتىلى سۋمەن قامتۋعا بولادى. 6،1 كم ماگيسترالدى تەمىر بەتون لوتوكتارى تولىعىمەن قيراپ، ىستەن شىققان.

بۇل لوتوكتاردى جوندەۋگە الدىن الا ەسەپپەن 2 نۇسقاسىن ۇسىنامىز: 70-80 ملن. تەڭگە قاجەت ەتەدى)سونىمەن قاتار، اۋدانداعى سورلانعان سۋارمالى جەرلەرگە 1500 توننا فوسفوگيپسىن الۋ جوسپارلانعان. بۇگىنگى كۇنگە «كازفوسفات» جشس-مەن 2146 تونناعا كەلىسىم-شارت جاسالىنىپ، ونىڭ 505 تونناسى تاسىمالداندى (33،6%). الداعى ۋاقىتتا بەكىتىلگەن كەستەگە بايلانىستى تاسىمالداناتىن بولادى.