ەلباسى ءوزىنىڭ ءاربىر جولداۋىندا تۇرعىنداردىڭ تۇرمىسىن تۇزەپ، الەۋمەتتىڭ الەۋەتىن ارتتىرۋدى ايرىقشا ايتىپ كەلدى. بۇل باعىتتا جاندانعان مەملەكەتتىك باعدارلامالار دا از ەمەس. ال كۇنى كەشە مەملەكەت باسشىسى قاسىم-جومارت توقايەۆ ۇلت كوشباسشىسىنىڭ سرابدال ساياساتىن جالعاپ، ەگەمەندى ەلىمىزدى كەمەل كەلەشەككە جەتەلەيتىن ناقتى بەس باسىم باعىتىن ايتتى، دەپ جازادى Qamshy.kz اقپارات اگەنتتىگى.
شىندىعى كەرەك، بۇگىندە جامبىل وبلىسىندا تۇرعىنداردى كوگىلدىر وتىنمەن قامتۋ جۇمىستارى قارقىندى جۇرگىزىلۋدە. ءبىر عانا شۋ اۋدانىندا بىرەر جىلدىڭ بەدەرىندە قولعا الىنىپ كەلە جاتقان گاز قۇبىرلارىن تارتۋ جوباسى تالاي جۇرتشىلىقتىڭ العىسىن الدى. سونداي-اق تولە بي اۋىلى سىندى ەلدى مەكەندەگى حالىقتىڭ ءوزى كوگىلدىر وتىنعا قول جەتكىزىپ، قۋانىشتارىندا شەك بولمادى. وسى سىندى وزگە اۋدانداردا دا جاندانىپ جاتقان جوبالار از ەمەس. ونىڭ ءبىر پاراسى تالاس اۋدانىندا كورىنىس تابۋدا.
اتاپ ايتساق، اۋدانداعى 24 ەلدى مەكەنىڭ قاراتاۋ قالاسى مەن 14 اۋىلدىق ەلدى مەكەنىنە گاز قۇبىرى تارتىلعان. جالپى ەلدى مەكەن سانىنىڭ 62،5 پايىزىن قۇرايدى.
جالپى گاز قۇبىرى تارتىلعان 14 ەلدى مەكەننىڭ 9 ەلدى مەكەندەگى 1563 ءۇيدىڭ گازعا قوسىلعانى 1554 ءۇي، ياعني 97 پايىز.
تالاس اۋدانىنىڭ 5 ەلدى مەكەنى بولتىرىك شەشەن، كوشەك باتىر، ءۇشارال، ارال جانە قايىرعا تاراتىلاتىن گاز قۇبىرىن سالۋعا 2018 جىلى 2 ميلليارد 344 ميلليون 588 مىڭ تەڭگە بولىنگەن، 2019 جىلى 220 ميلليون 840 مىڭ تەڭگە ءبولىنىپ، جۇمىستار اياقتالدى. (2017 جىلى 2 ميلليارد 99 ميلليون 856 مىڭ تەڭگە بولىنگەن).
اتالعان (بولتىرىك شەشەن، كوشەك باتىر، ءۇشارال، ارال، قايىر) ەلدى مەكەندەرىندە ىشكى گاز تاراتۋ جەلىسىنىڭ قۇرىلىسىنا وبلىستىق بيۋدجەتتەن 100 ميلليون تەڭگە ءبولىنىپ، قۇرىلىس-مونتاج جۇمىستارى جۇرگىزىلۋدە. (سمەتالىق قۇنى 513 ميلليون تەڭگە).
سونىمەن قاتار، اقكول، ءقىزىلاۋىت جانە اقتوبە ەلدى مەكەنىنە گاز قۇبىرىن جەتكىزۋ جسق ازىرلەنىپ، مەملەكەتتىك ساراپتامادان وتكىزىلدى. جوبانىڭ قۇنى 3 ميلليارد 221 ميلليون 700 مىڭ تەڭگەنى قۇرايدى. بۇگىنگى تاڭدا وبلىستىق ەنەرگەتيكا باسكارماسى ارقىلى ەنەرگەتيكا مينيسترلىگىنە بيۋدجەتتىك ءوتىنىم بەرىلگەن.
ءيا، بۇل جانعا جىلۋ بەرەتىن كورسەتكىشتەر. بۇيىرتسا تالاستىقتار تولىقتاي كوگىلدىر وتىننىڭ قىزىعىن كورەتىن كۇن الىس ەمەس دەپ سەنەمىز. ول ءۇشىن قازىنادان قارالعان قارجى داع ناقتى جوسپار مەن مەجە دە بار. تەك ەندى بەلگىلەنگەن باعىتتان تايماي، بولىنگەن سومانى ءتيىمدى پايدالانۋ قاجەت.
