مەملەكەتتىك باعدارلامالار بويىنشا جامبىل وبلىسى تالاس اۋدانىنداعى 23 اۋىلدىق ەلدى مەكەننىڭ (24964 ادام) بۇگىنگى كۇنى 13 ەلدى مەكەنى (18793 ادام) اۋىز سۋ جۇيەسىنە قوسىلعان. سول سياقتى قاراتاۋ قالاسى اۋىزسۋ جۇيەسى 100 پايىز تارتىلىپ وتىر، دەپ جازادى Qamshy.kz اقپارات اگەنتتىگى. 

12 ەلدى مەكەندەگى 20632 ادامنىڭ 16760 ادامى اۋىز سۋمەن قامتىلعان نەمەسە 81%. جالپى 23 ەلدى مەكەندەگى 25018 ادامنىڭ 16760 ادامى قامتىلىپ نەمەسە 67%.

ەسەيحان اۋىلىندا سۋ قۇبىرى جۇيەسىنىڭ قۇرىلىسىنا 2018 جىلعا 302 ملن. 201 مىڭ تەڭگە بولىنگەن، 2019 جىلى جۇمىستاردى اياقتاۋعا 303 ملن. 359 مىڭ تەڭگە ءبولىنىپ، جۇمىستار جۇرگىزىلۋدە. سمەتالىق قۇنى 620 ملن. 857 مىڭ تەڭگە. اياقتالۋ مەرزىمى اعىمداعى جىلدىڭ قازان ايىندا. (مەردىگەر «مونوليتديزاين-2030» ءجشس-ى).

سونىمەن قاتار، قاسقابۇلاق اۋىلىنداعى سۋ جۇيەسىنىڭ قۇرىلىسىنا 767 ملن. 178 مىڭ تەڭگە ءبولىنىپ، جۇمىستار جۇرگىزىلۋدە. مەردىگەر «Fortis» ءجشس-ى. نىسان 31.12.2019 جىلى پايدالانۋعا بەرىلەدى.

بۇدان بولەك، مايتوبە اۋىلىن سۋ جۇيەسىنىڭ قۇرىلىسىنا 111 ملن. 111 مىڭ تەڭگە ءبولىنىپ، جۇمىستار جۇرگىزىلۋدە. جوبا قۇنى 336 ملن. 707 مىڭ تەڭگە. مەردىگەر «پىراق قۇرىلىس» ءجشس-ى. نىسان 2020 جىلى پايدالانۋعا بەرىلەدى.

قاراتاۋ قالاسىنداعى نىساندارعا اۋىز سۋدىڭ سەرۆيستىك جۇيەنىڭ قالپىنا (الەۋمەتتىك نىساندار، كوپ قاباتتى تۇرعىن ۇيلەر) كەلتىرۋ نىسانىنىڭ قۇرىلىس جۇمىستارىنا اۋداندىق بيۋدجەتتەن 62 ملن. 892 مىڭ تەڭگە ءبولىنىپ، جۇمىستار اياقتالدى. (جوبا قۇنى 67 ملن. 892 مىڭ تەڭگە، 2018 جىلى 5000،0 مىڭ تەڭگە بولىنگەن)؛

قاراتاۋ قالاسىنىڭ سۋ جۇيەسىندە ەكى پروبلەمالىق نىساندار بويىنشا جوبالىق-سمەتالىق قۇجاتتار دايىندالىپ، مەملەكەتتىك ساراپتامادان ءوتتى. كوكتال سۋ قويماسىنان شىعاتىن 32 شاقىرىمدى قۇرايتىن سۋ قۇبىرى جانە «كيرپيچنىي» سۋ قويماسىنان «يگىلىك» كاسىپورنىنىڭ جىلۋ قازاندىعىنا دەيىن 4،6 شاقىرىمدى قۇرايتىن سۋ قۇبىرى. جالپى جوبالاردىڭ قۇنى 3 ملرد. 420 ملن. 19 مىڭ تەڭگەنى قۇراۋدا.

1963 جىلى پايدالانۋعا بەرىلگەن كوكتال سۋ قويماسىنان شىعاتىن 32 شاقىرىمدى قۇرايتىن سۋ قۇبىرىنىڭ توزىعى جەتكەن. بۇل بويىنشا وبلىستىق بيۋدجەتتەن 11 ملن 609 مىڭ. تەڭگە ءبولىنىپ، جسق جاسالىندى، جوبا قۇنى 2 ملرد. 848 ملن.300 مىڭ تەڭگە.

قاراتاۋ قالاسىنىڭ ورتالىق جىلۋ قازاندىعىنا جىلىتۋ ماۋسىمىندا سۋ الاتىن «كيرپيچنىي» سۋ قويماسىنان «يگىلىك» كمك-نىڭ جىلۋ قازاندىعىنا دەيىن 4،6 شاقىرىمدى قۇرايتىن سۋ قۇبىرىنىڭ توزىعى جەتكەن. اتالعان سۋ قۇبىرى 1984 جىلى پايدالانۋعا بەرىلگەن. سول سەبەپتى رەزەرۆتى سۋ قۇبىرىن تارتۋ ءۇشىن وبلىستىق بيۋدجەتتەن 11 ملن. 365 مىڭ تەڭگە ءبولىنىپ، جسق جاسالىندى. جالپى جوبانىڭ قۇنى 571 ملن. 719 مىڭ تەڭگە. قازىرگى تاڭدا مس وتۋدە.