جول ازابى جولاۋشىعا تانىس. سوندىقتان مەملەكەت تاراپىنان جول ساپاسىن جاقسارتۋعا جىلدا قىرۋار قارجى قارالادى. ونداعى ماقسات تاقتايداي تەگىس جول سالىپ، جولاۋشىلار مەن جۇرگىزۋشىلەردىڭ قاتىناۋىن قولايلى ەتۋ. سونداي-اق جول اپاتتارىنىڭ سانىن ازايتۋ. بۇل ورايدا اۆتوموبيل جولدارىن ورتا جانە اعىمداعى جوڭدەۋ جۇمىستارى كوڭىل تويدىرادى، دەپ جازادى Qamshy.kz اقپارات اگەنتتىگى. 

جالپى جامبىل وبلىسى تالاس اۋدانى اۋماعىندا اۆتوموبيل جولدارىنىڭ جالپى ۇزىندىعى 587،5 شاقىرىمدى قۇرايدى. ونىڭ ىشىندە: 394،1 شاقىرىم وبلىستىق، 193،4 شاقىرىم اۋداندىق ماڭىزى بار جولدار.

اۋداندىق ماڭىزى بار «اقكول-تالاپتى» 32 شاقىرىم اۆتوموبيل جولىنا ورتاشا جوندەۋ جۇمىستارىنا 451 ملن. 605 مىڭ تەڭگە ءبولىنىپ، جۇمىستارى جۇرگىزىلۋدە. (مەردىگەر «جاندوس ي كو» ج ش س).

سونىمەن قاتار، «قاسقابۇلاق اۋىلىنا كىرە بەرىس» 12 شاقىرىم اۆتوموبيل جولىنا ورتاشا جوندەۋ جۇمىستارىنا 134 ملن. 824 مىڭ تەڭگە ءبولىنىپ، جۇمىستارى جۇرگىزىلۋدە. (مەردىگەر «جاندوس ي كو» ج ش س).

سول سياقتى وبلىستىق ماندەگى «اقكول-ويىق-ۇلانبەل» (80-92 شاقىرىم ارالىعى) 12 شاقىرىم اۆتوموبيل جولىن ورتاشا جوندەۋ جۇمىستارىنا 305 ملن. 952 مىڭ تەڭگە ءبولىنىپ، جوندەۋ جۇمىستارى جۇرگىزىلۋدە.

مەردىگەر «جامبىلدورموستسترويسەرۆيس» جشس-گى. كەلىسىم شارت سوماسى 275 ملن. 375 مىڭ تەڭگە.

«كۇيىك-قاراباستاۋ-قاراتاۋ-جاڭاتاس-ساۋداكەنت» (36،3-55،92 شاقىرىم ارالىعى) 19،62 شاقىرىم اۆتوموبيل جولىن ورتاشا جوندەۋ جۇمىستارىنا 138 ملن. 461 مىڭ تەڭگە ءبولىندى. اتالعان نىسان اۋىسپالى. مەردىگەر «ارايسترويماركەت-2003» جشس-گى. كەلىسىم شارت سوماسى 286 ملن. 482 مىڭ تەڭگە. ورتاشا جوندەۋ جۇمىستارى جۇرگىزىلدى.

سونىمەن قاتار، اۋىلدىق وكرۋگتەر بويىنشا 744 ملن. 438 مىڭ تەڭگە (25 جول) جانە قاراتاۋ قالاسى بويىنشا 404 ملن. 538 مىڭ تەڭگە (12 جول)، بارلىعى 1 ملرد. 148 ملن. 976 مىڭ تەڭگەگە جوبالىق-سمەتالىق قۇجاتتار دايىندالدى.

قاراتاۋ قالاسىندا قوعامدىق كولىك جۇرگىزۋ ماسەلەسى بويىنشا اتالعان ماسەلە ۇزاق جىلدار بويى شەشىمىن تاپپاي كەلگەن بولاتىن، ۇيىمداستىرۋ شارالارىنىڭ ناتيجەسىندە 2018 جىلدىڭ ءساۋىر ايىنان باستاپ 2 مارشرۋتتا №1، №3 اۆتوبۋستار بەكىتىلگەن كەستەگە سايكەس جۇرگىزىلۋدە. اعىمداعى جىلى ءۇشىنشى مارشرۋتتى قوسۋ جوسپارلانۋدا.

سول سياقتى اۋىلدىق وكرۋگتەردەگى اۋدان ورتالىعىنا قاتىنايتىن قوعامدىق كولىك ماسەلەسى 100 پايىز شەشىلگەن. الاي دا قوعامدىق كولىكتەرگە ادام تولماۋىنان كەيبىر ەلدى مەكەندەردەگى قوعامدىق كولىكتەر توقتاتىلۋدا.

ارينە جول ساپاسى جاقسارعاننان كەيىن كولىك قاتىناسى دا رەتتەلەتىنى بەلگىلى. سوندىقتان تالاستىقتار تاقتايداي تەگىس جولمەن قاتىنايتىن كۇنى الىس ەمەس.