مەملەكەتتىك بيۋدجەتتىڭ كىرىستەرى ەل ساياساتىنىڭ نەگىزگى ۇستانىمدارىنىڭ ءبىرى. ياعني قارجى جوسپارى تۇردە قۇيىلىپ تۇرسا، ەل ەكونوميكاسىنىڭ دۇرىس باعىتتا دامىپ جاتقانىن ايعاقتايدى. بۇل تۇرعىدا جامبىل وبلىسىندا كەنجەلەپ تۇرعان تۇستار جوق، دەپ جازادى Qamshy.kz اقپارات اگەنتتىگى. 

ماسەلەن تالاس اۋدانىدا كىرىستەر 101،7 پايىز نەمەسە 147 ميلليون 733 مىڭ تەڭگەگە ارتىق ورىندالعان. جوسپار 8 ميلليارد 828 ميلليون 961 مىڭ تەڭگە بولسا، 2019 جىلدىڭ 1 قىركۇيەگىنە ونىڭ ورىندالۋى 8 ميلليارد 976 ميلليون 694 مىڭ تەڭگە.

شىعىستار بويىنشا قارجىنى يگەرۋ 99،2 پايىزعا ورىندالدى. جوسپار 8 ميلليارد 985 ميلليون 496،2 مىڭ تەڭگە بولسا، 2019 جىلدىڭ 1 قىركۇيەگىنە ورىندالۋى 8 ميلليارد 919 ميلليون 166 مىڭ تەڭگە.

اۋداندا سالىق تۇسىمدەرىن ارتتىرۋ جانە ينۆەستيسيالاردى تارتۋ ءۇشىن قازىرگى تاڭدا اۋداندا بىرنەشە جوبالار بويىنشا جۇمىستار جۇرگىزىلۋدە. اتاپ ايتقاندا قۇنى 3،7 ميلليارد تەڭگەنى قۇرايتىن، قۋاتتىلىعى 9،0 مۆت بولاتىن جەل ەلەكتر ەنەرگياسىن ءوندىرۋ ماقساتىندا «ۆين پاۋەر سيتي» جانە «ۆين ەلەكترسيتي» ءجشس-نىڭ قۇرىلىس-مونتاج جۇمىستارى جۇرگىزىلۋدە. «امانگەلدى گاز» ءجشس-نىڭ «ايراقتى» كەن ورنىندا قوسىمشا ۇڭعىمالار ىسكە قوسىلدى.

بۇگىنگى كۇنى «ۋربا سولار ساس» فرانسيالىق كومپانياسى تاراپىنان قۋاتتىلىعى 50 مۆت كۇن ەلەكتر ستانسياسىن سوعۋ باعىتىندا 150 گەكتار جەر ءبولۋ تۋرالى ۇسىنىسىنا بايلانىستى. قازىرگى تاڭدا جەر قاراستىرۋ ماقساتىندا جۇمىستارى جۇرگىزىلۋدە. (قارجىلاندىرۋ حالىقارالىق قارجىلىق ينستيتۋتتار ارقىلى)

«تالاس ينۆەستمەنت كومپاني» جاۋاپكەرشىلىگى شەكتەۋلى سەرىكتەستىگى سيانيد-ناتريي ءونىمىن جىلىنا قۋاتتىلىعى 15 مىڭ توننادان 30 مىڭ تونناعا ارتتىرۋ ماقساتىندا قوسىمشا زاۋىتتىڭ قۇرىلىسى سوعىلاتىن بولادى. جوبا قۇنى 18 ميلليارد تەڭگە.

سونىمەن قاتار، اۋداندا 64 تاريحي مادەني ەسكەرتكىشتەرىمىز بار، الداعى ۋاقىتتا وسى مۇمكىندىكتەردى پايدالانا وتىرىپ، ىشكى جانە سىرتقى ءتۋريزمدى دامىتۋ بويىنشا جۇمىستار جۇرگىزىلەتىن بولادى. (جۇمىستاردى ىسكە اسىرعان جاعدايدا قوناق ءۇي، مەيرامحانالار جانە ت.ب. جەرگىلىكتى كاسىپكەرلەر جۇمىسپەن قامتىلادى).

ارينە بۇل جوبالاردىڭ جەمىسى ۋاقىت ەنشىسىندەگى نارسە. دەسە دە تىڭ تىرلىكتەر تالاستىڭ تىنىسىن اشاتىنى انىق. بۇعان بۇگىندە بۇقارىنىڭ كوزى انىق جەتىپ وتىر. ءبىر عانا «تالاس ينۆەستمەنت كومپاني» جاۋاپكەرشىلىگى شەكتەۋلى سەرىكتەستىگىنىڭ ەلىمىزدە بالاماسى بولماي تۇرعانىنىڭ ءوزى كوپ نارسەنى اڭعارتادى. دەمەك تالاستىقتار دۇرىس باعىتتا ءجۇرىپ كەلە جاتىر دەگەن ءسوز. ەندى تەك باسى ءتاپ-تاۋىر باستالعان جوبالاردىڭ ومىرشەڭدى بولعانى ماڭىزدى.